日本難忍手就係人都知,好多遊客都會瘋狂掃貨,掃藥妝、平衫、模型、零食等等,次次都係空篋去爆喼返。但係如果去旅行期間唔小心爛篋,又或者想買個新篋的話,舊嗰嗰又應該點樣處理呢?特別喺日本,垃圾分類特別麻煩,好多人可能貪方便而隨便棄置舊篋,呢種做法近日就被日媒大肆報道。

text:Cynthia | 資料來源:Yahoo!ニュース

日媒報道 遊客隨處扔爛篋

據日本媒體Yahoo!ニュース 的報道,近日成田機場被發現,四圍都有堆滿了好多破爛又殘舊的篋,研究之下,發現係好多觀光客都係因為爛篋,又或者買咗個新篋,舊篋就懶得處理,隨便放喺機場角落就走人,呢種行為為機場帶來好大的不便,職員要將篋放在遺失倉庫,目前已有約50個!

行李箱
成田機場隨處可見壞的舊篋四圍放。

行李箱
被棄的廢篋只能放在遺失物倉庫,非常佔位置。

酒店職員 經常「執手尾」

除了機場外,酒店都係要幫客人執手尾處理舊篋。在報道中,日媒採訪了講流利普通話的觀光客,其中一個話:「裝太多了,所以行李箱拉鏈壞掉了,要買個新的。」結果就將舊篋隨便掉在酒店內。而職員經常喺客人退房,清理的時候發現有好多個舊篋就咁放喺房內唔處理,對於酒店職員來說,是很大的困擾,因為處理大型垃圾需要好多額外的花費,所以酒店方面都覺得好頭痕!

行李箱
受訪者表示,因為買太多塞爆篋而買新的,舊篋直接放在酒店。

行李箱
酒店職員表示,這樣的行為令他們感到十分困擾。

日網友矛頭直指中國人

對於這種行為,雖然冇研究指出邊個國家的人最常亂棄行李箱,不過報道下,就有好多留言將矛頭直指中國人,對於遊客的惡行覺得好討厭,話要加強對中國人的入境審查,甚至希望唔好再咁多中國人嚟!

行李箱
有不少日本網友將責任歸在觀光客身上。

行李箱
甚至覺得要加強中國人的入境審查。

好多網友就將矛頭指向中國人。
好多網友就將矛頭指向中國人。

網友熱論:爛行李箱應如何處理?

雖然四圍棄置舊篋一定係唔啱,但到底應該點樣處理舊篋呢?對於好多遊客來說,日本的垃圾分類超級仔細,而垃圾桶亦唔係隨處可見。不過,網友對於日本民眾賺旅客錢,但又不提供相應的配套措施,只係不停怪遊客的言語覺得不滿。有網友就分享了經驗,表示喺機場搵專員求助,就會有人幫忙收。如果是民宿/酒店的話,就要上網預約收垃圾,對於遊客來說,雖然不方便,但去旅行都唔應該破壞當地文化!

行李箱
有不少網友都質疑,要如何處理壞篋問題。

行李箱
有網友更覺得,是日媒將責任推到遊客身上。

行李箱
很多人都把怒氣發泄在日本人身上。

行李箱
在日本想掉大型垃圾,相對來說很麻煩!

行李箱
不過喺機場,就可以請人幫忙,方便很多!