一到放假就要旅行,Miss Sunny就趁住有幾日農曆新年假,去咗轉日本玩!一去日本就梗係要行藥妝店,上年掃咗幾瓶喺日本累積銷售突破600萬件、超人氣嘅盛田屋豆腐面膜送畀閨密,個個都要encore!查實呢款用咗特製1.5倍豆乳同乳酪製成、被稱為「食物級面膜」嘅mask,日本仲推出埋豆腐片裝面膜,又添加特製透明質酸同超級食物成分,保濕抗老一片搞掂,好方便呀!最估唔到就係香港都跟得日本好貼,喺連鎖店已經搵到,唔使飛日本買喇!

Presented by:盛田屋

皮膚都要「食好啲」 必用天然親膚食物級面膜!

依家人人都講求健康,話要食多啲「健康食物」,其實皮膚都要「食好啲」!盛田屋豆腐面膜喺日本人氣度超高,皆因佢就係用1.5 倍豆乳、乳酪,蜂蜜、蜂王漿等天然親膚食物級成分製成,就好似皮膚嘅「健康食物」一樣,咁健康有益!

豆腐的美肌秘密︰原來盛田屋原本係間豆腐工廠,有日女員工發現日日接觸豆乳嘅雙手光滑細緻到好似豆腐一樣,盛田屋就諗到用豆乳製成護膚品,呵護女生皮膚。盛田屋嘅豆乳是由豆腐匠人品嘗過日本名山名水,嚴選出宮崎縣椎葉村(日本三大秘境之一)嘅天然泉水、北海道和佐賀縣嘅非基因改造大豆作主要成分,出產嘅豆乳比一般豆乳濃厚度高出1.5倍,夠晒「足料」!

豆腐面膜
元祖級豆腐面膜加入咗多種天然食物,包括豆乳、乳酪、蜂蜜、蜂王漿等等,厚敷上面,皮膚就吸收晒食物嘅營養,用後膚質就好似豆腐一樣咁白滑柔軟。

必試新品!兩大豆腐片裝面膜

滑到似豆腐嘅豆腐面膜今年特別推出兩款片裝面膜,擁有豆腐面膜中最重要嘅1.5 倍豆乳、乳酪、蜂蜜、蜂王漿等天然親膚食物級成分,加上冇香料、冇著色及冇礦物油,仲通過斑貼測試同敏感測試,同豆腐狀瓶裝面膜一樣咁溫和高效,敏感性皮膚都用得。

面膜紙仲特別採用100%日本棉,特別天然柔軟,確保精華不會滴漏,面膜size夠晒闊夠晒貼面,男仔都敷到,亦配合眼膜設計,全面肌膚都照顧周到!

盛田屋豆腐集中保濕面膜
除了豆腐面膜嘅主要成分,更加入蘆薈和綠藻等食物成分,配合特製保濕成分同補水成分,如3 種透明質酸、水溶性蛋白聚糖,能大大加強肌膚嘅吸收能力,保濕力即up!(1盒5片 )銷售點︰萬寧

Miss Sunny試後感:每片面膜都含有23ml精華液,厚厚嘅精華質地出奇地清爽,唔會對皮膚造成負擔,滲透力仲非常好,敷後肌膚好似飲飽水咁脹卜卜,仲大部分膚質都啱用添!

盛田屋豆腐抗老保濕面膜
每片面膜都含有23ml精華液,入面有好多「超級食物」,好似奇亞籽、薑黃、椰子、綠茶、蘆薈、巴西莓、黑豆,成分營養高,仲有抗老化功效,可以延緩皮膚老化。同時加入「赤の植物」,如蘋果、櫻桃、番茄、石榴籽,擁有高抗氧化功效,能保護皮膚免受老化自由基嘅傷害。銷售點︰萬寧

Miss Sunny試後感:23ml精華滋潤度比較高,敷後肌膚變得幼細嫩滑,好啱乾燥肌以及熟齡肌人士。

 

相關文章