我既熱愛旅行,又在航空界打滾多年,對搭飛機或多或少有一定見解。以下 10 個規條,就好似風水命理一樣,並非精密科學,信不信由你。

搭飛機10個「不」

01 | 不應該將有需要服用的藥物寄艙

有些乘客明明需要定時食藥,例如高血壓藥、糖尿病藥等,但又將藥物寄艙,真是名副其實「搵命搏」!

搭飛機
圖片:www.fanlyec.com

02 | 不應該跟機場保安人員爭吵/開玩笑

全球各機場的保安要求並不統一,所以過安檢最簡單快捷的方法,就是他們叫你做乜你就做乜!就算係我們這些著制服的都冇情講!如果你同佢哋嘈,最終可能連飛機都上唔到!

搭飛機
圖片:香港國際機場

(編按:常聽說有人開玩笑,在過安檢時和機場保安人員說袋裡有炸彈,早前,剛卸任的阿富汗駐哈薩克大使巴拉基回國,在哈薩克首都阿斯塔納國際機場接受安檢時,就開玩笑稱自己包內裝有炸彈,結果被捕!所以過安檢最好就是老老實實,更不要亂開玩笑!)

03 | 不應該只顧購物而遲了到達登機閘口

你估你係發叔呀?事實已經證明,即使發叔遲到都等佢唔到啦!飛機都是一樣!你曾經試過有班機等你?你純粹好彩咋!因為班機其實等緊其他嘢,唔關你事!

04 | 不應該上了飛機才要求調位

你這樣做既會勞煩其他乘客,亦會勞煩到空姐空少,更加毫無成功的保證。為甚麼你不在機場辦理登機手續時,一早向地勤人員提出,以便他們安排呢?(有些乘客會在起飛後自己和陌生人調位,最好還是和空姐空少說一聲,因為和你調位的人可能預約了特別餐或有其他要求,私下調了位,空姐空少就要花時間找人了。)

搭飛機

05 | 不應該叫空姐空少幫你搬行李

如果你的 hand carry 行李太重或者你自己太懶,你絕對應該在 check-in 時將你的行李寄艙。如果你叫空姐空少幫手,佢哋絕對可以及有權拒絕你,或者將你件行李擺到「冇雷公」咁遠,又或者將你件行李攞番去寄艙,到時你唔好扭計。

搭飛機
圖片:facebook @Cathay Pacific Airways

06 | 不應該在飛機起飛前除鞋

若需要緊急逃生,你想著住鞋走定赤腳走?仲有,千祈唔好諗住攞番行李!所以我建議銀包、電話、鎖匙、passport 最好放在衫袋褲袋,隨時跟身。走得快好世界,走得麼可能唔止冇鼻哥!

Peek-a-boo! #passengershaming #FLYINGFEET #crewlife #cabincrew #avgeek #aviation #flightattendantproblems #airtravel #traveltips #cabincrewlife #passengers #flight #airplane #sassystew #flightattendantlife #rantsofasassystew #sassystews

Passenger Shaming(@passengershaming)張貼的相片 於 2015 年 5月 月 12 3:15下午 PDT 張貼

07 | 不應該以尊貴會員的身分諸多要求

對不起,飛機上有時真係會員多過非會員。再者,飛機上的階級觀念極重,而你的座位就是你的階級,所以,如果你是鑽石級會員但係坐經濟艙,請你唔好期望會得到頭等服務。

搭飛機
圖片:facebook @Cathay Pacific Airways

08 | 不應該詐病博 upgrade

如果你在飛機上病倒,我們會提供一切的協助,包括機上的醫藥箱、使用衛星電話聯絡醫生,甚至轉飛至其他地方,讓你盡快得到醫療服務。但是,若你是詐病的話,你的後果會不堪設想,嘿!

搭飛機

09 | 不應該在飛機上吸煙

飛機上有些規矩是不會有兩次機會,吸煙就是其中之一。所以不要以為躲在洗手間內吸煙就會冇人知,因為你很可能一次就被斷正。你也不想在到達目的地後,浪費時間到警署走一趟吧?

搭飛機
圖片:Japan-i暢遊日本網

10 | 不應該罔顧安全帶燈號

不論起飛前巡航中還是降落後,安全帶燈號亮著就請扣上安全帶,因為成隻飛機入面,最容易爛嘅嘢就係你,你估我哋真係得閒冇嘢做就開著 seat belt sign 攪攪震咩?

延伸閱讀:空姐揭秘 | 私人飛機上餐飲的神秘面紗

相關文章