無綫旅遊節目《3日2夜》出名靚女多多,今個星期起連續三個星期,更有張曦雯(Kelly)帶大家去玩盡澳洲昆士蘭。原來Kelly唔係第一次去昆士蘭,但拍攝過程讓她獻出了不少第一次,行程唔少得坐熱氣球升空、大堡礁潛水、book船出海睇日落,仲有去澳洲梗係要食餐好,今次Kelly仲跟當地人出海捉蟹、食海鮮、飲手工啤酒;豐富行程點止玩足3日2夜,善用短短幾日嘗盡昆士蘭的精髓和風土人情,一起享受假期!

text:Ellissa | photo:TVB、新傳媒資料室

跟張曦雯玩盡昆士蘭

第三次主持旅遊節目《3日2夜》,前兩輯已經去過馬爾代夫同非洲的毛里裘斯,大晒健康性感,但今次去澳洲就冇咁性感嘅場面喇!

Kelly話其實自己唔係第一次去昆士蘭,好似同呢個地方好有緣分,成日去工作。

今次Kelly仲會陪同大家出海啊!

早前拍攝節目去過非洲的毛里裘斯,同樣是上天下海、潛水,甚至打獅子屁股。

亦去過馬爾代夫的卡尼島和翡諾島,探望海龜和海豚。

#01 攞正牌 大堡礁潛水

去澳洲昆士蘭,又怎能夠不去大堡礁呢?它是世界上最長的珊瑚礁群,每年都有不少遊客慕名而至。有專業潛水牌照的Kelly當然沒有錯失機會,潛水看看水底的海洋世界。第一次去昆士蘭潛水,最開心是遇到蘇眉魚。Kelly坦言冇諗過佢會聰明到認得人,對鏡頭都好敏感。而且條魚同Kelly好似朋友一樣,會同佢一齊游水一起玩,仲被佢攬住。

大堡礁是澳洲昆士蘭最著名的景點,碧藍色的海水尤其吸引。

Kelly擁有潛水牌,一場來到大堡礁,當然要下水體驗。

Great Adventures(Reef Fleet Terminal,Cairns)

網址:www.greatadventures.com.au

#02 直升機飛航 俯瞰大堡礁

除咗潛水在水中欣賞大堡礁,Kelly亦參加咗直升機tour,從上空俯瞰大堡礁的景色。從高空看大堡礁,雖然機程非常短暫,但從高空角度看大堡礁才可看到那種遼闊,令Kelly非常震撼。

大堡礁水質清澈見底,有大量珊瑚和特別小魚。

選擇坐直升機可以飽覽整個大堡礁的美麗景色。

Reef and Heli days(GBR Helicopters Pty Ltd.)

網址:www.gbrhelicopters.com.au

#03 澳洲國寶 抱樹熊上床

冇接觸過樹熊又點算去過澳洲呢?澳洲不少動物園都有與樹熊拍照、抱抱的活動,而Kelly今次仲帶埋佢返酒店房,因為這間酒店頂層有個開恩茲野生動物館,可以安排把樹熊帶到房中,一齊喺床上面影相。Kelly仲話隻樹熊好可愛,好似公仔咁被佢攬住。

Kelly話在酒店抱樹熊,是整個行程最深刻的經歷和特別體驗。

見到樹熊咁得意,Kelly都忍不住要攬實佢啊!

Pullman Reef Hotel Casino

網址:www.pullmanhotels.com/gb/hotel-2901-pullman-reef-hotel-casino

#04 跟原住民  學掟回力鏢

昆士蘭有不少原住民居住,Kelly是次行程還跟地道tour去了開恩茲附近的加布卡原住民文化村,跟隨原住民學習掟回力鏢。回力鏢是澳洲原住民的兵器,後來發展至北美、歐洲等地的運動競技項目。Kelly話自己第一次跟原住民學掟,學咗一陣就學識。想知佢掟成點,就要留意節目喇!

跟隨昆士蘭的原住民學掟回力鏢,Kelly好認真聽書啊!

Kelly聽完原住民的教導,當然要有姿勢有實際地實戰一番。

Tjapukai Aboriginal Cultural Park

網址:www.tjapukai.com.au

#05 跟漁民落海 用魚槍捉蟹

昆士蘭盛產海鮮,當然要嘗一嘗!大隊跟隨當地漁民到道格拉斯港捕魚、捉蟹,還可以把自己親手用魚槍捉回來的螃蟹現場烹調,確保鮮味足夠。Kelly認真聽漁民講解後,姿勢有板有眼,好快就捉到隻蟹上嚟。

成張枱都係新鮮的蟹,Kelly就有口福喇!

除咗回力鏢,Kelly都好認真跟漁民學習用魚槍捉螃蟹。

好快就成功捉到隻蟹喇!睇下Kelly幾開心。

Tweed Endeavour Cruises

網址:www.tweedendeavourcruises.com

#06 遊客必到 海鮮餐廳

位於黃金海岸的Charis Seafood,是很受歡迎的海鮮市場,平時有煮開飯嘅Kelly都話這裡食材又多又新鮮,好想買晒返香港。餐廳裡面有巨型的凍櫃,就像超市一般,放滿各種新鮮的海鮮,令人選擇困難,因為每種海鮮都又平又靚。餐廳不設堂食,可以即場處理海鮮拼盤或弄炸魚薯條,吸引不少人開車來買外賣。

Kelly見到咁多新鮮海鮮,大表好想即席炮製海鮮餐。

新鮮魚類價格便宜,點選後,可以即場由廚師炮製。

去昆士蘭當然不少得大大隻的龍蝦。

Kelly仲即場買海鮮,一嘗澳洲的鮮味。

Charis Seafood

網址:www.charisseafood.com.au

#07 屢次獲獎  手工啤酒廠

近年澳洲都興起手工啤酒,Kelly入鄉隨俗,到了Burleigh Brewing一試新鮮釀成的手工啤酒。手工啤酒廠已經有12年歷史,來自夏威夷的丈夫與來自黃金海岸的妻子,在2006年放棄本身職業,毅然搞手工啤。從小小的原料倉庫發展到有系統的手工藝釀造和包裝,出產的啤酒更加勇奪過世界啤酒冠軍。9款不同味道的啤酒各有特色,每款都是世界啤酒錦標賽的獲獎產品。

手工啤酒咁特別,當然要飲番杯。

試飲之後,就要認真聽聽店員講解不同啤酒的分別。

Burleigh Brewing Co.

網址:burleighbrewing.com.au

#08 熱氣球升空 俯瞰日出美景

去澳洲拍旅遊特輯,怎可少得坐熱氣球看日出?開恩茲在澳洲來說,是個出名玩熱氣球的地方,每朝清晨如果天氣許可,一個二個熱氣球都會徐徐升空,而且在高空俯瞰日出、遍地霧氣,可從另一角度看看昆士蘭的美。

繪畫上袋鼠的熱氣球,就是澳洲的象徵。

Kelly都有坐熱氣球,體驗高空俯瞰昆士蘭的景色。

Hot Air Balloon

網址:www.hotair.com.au/cairns

#09 嘆熱石spa 大露背

Kelly今次在昆士蘭拍攝《3日2夜》當然不止留了3日2夜,上天下海趕行程雖疲累,但好彩導演安排了熱石spa環節,可以畀Kelly攞正牌relax下,嘗勻腳底按摩和全身熱石按摩,幾日來又潛水又出海嘅倦意即消。雖然無綫節目有「限奶令」,但呢部分可以睇到Kelly嘅白滑玉背啊!

按摩咁舒服,難怪Kelly好似已經瞓著咗。

一邊享受茶點,一邊享受專人服侍的腳底按摩,人生一大樂事。

按完腳就可以按埋全身,消除疲勞。

The Alamanda Spa By Lancemore

網址:www.lancemore.com.au

#10 Book船出海睇日落

最後一件事,當然就是看日落。今次昆士蘭之旅,Kelly和團隊book船出海看日落,在海中央嘆住香檳睇日落,金黃色的陽光映照在碧藍色的海水上,別有一番景致。Kelly非常enjoy呢趟boat trip,在郵艇前前後後影咗大量靚相!

美麗的海港當然要配搭一個多愁善感的表情。

還可以選擇跟隨Kelly一邊睇日落,一邊飲香檳。

Book船出海睇日落,簡直就是寧靜的享受。

Champagne Sailing

網址:www.champagnesailingcruises.com

《3日2夜》澳洲昆士蘭篇

播出日期:2月3日、10日、17日(逢星期六)

播放時間:10:30pm-11:00pm

頻道:翡翠台

即日起至2018年12月31日!憑滙豐卓越理財信用卡累積單一 合資格簽帳滿HK$800之交易兩次,就可用HK$250享用機場轎車服務一次往/返指定機場,畀你有個好頭好尾!

優惠須受條款及細則約束。借定唔借?還得到先好借!

相關文章