日本雜貨店OASIS,最近在灣仔開設佔地三層的大型旗艦店,主打日系生活家品雜貨,店內9成以上貨品都是日本製造,店內更設café和果汁沙律吧!馬上解構OASIS,準備敗家!
(原文刊於《新假期》網頁

OASIS大型日本雜貨  3層大解構!

OASIS前身是同址的Lohas Pro,過去只有一層舖位,同樣主打日本進口雜貨,店家在當地有買手,貨品款式緊貼潮流,像新款零食每隔一個星期多便有新貨到港!萬眾期待,最近樓上兩層終於完成裝修,升呢後改名為OASIS,三層的日本雜貨店究竟賣咩?

前身是Lohas Pro,最近翻新歸來,貨款更多,日本潮流追得更貼!

三層高的OASIS勢成灣仔又一購物熱點!

店內9成以上貨品都是日本製造。

家品碗碟亦是和風style。

第1層|日本水果+沙律果汁輕食吧

日本水果人見人愛,不少朋友即使不到日本,都會到超市、果欄買來送禮自用。OASIS底層的 Salad & Juice Bar 就售賣各式時令水果,也有每日鮮製的沙律輕食,甚至採用靜岡出產有機抹茶製作的軟雪糕。

底層新設的果汁、沙律吧!

另有多款日本水果售賣。

淡雪士多啤梨禮盒$228、福岡士多啤梨 $119/包

熊本縣蜜瓜 $218/個

Salad吧有時令水果製成的鮮榨果汁和特飲。

鮮榨水果茶 $34/小杯、$38/大杯

(左)約會黃昏(橙、西柚、蘋果、熱情果、檸檬)$28/杯 (右)芝士奶蓋芒果火龍果沙冰 $38/大杯裝

木瓜牛奶

另有多款新鮮製作的沙律,可以Grab & Go作為午餐,專為附近的打工仔而設。

煙三文魚配紅腰豆沙律 $48

日本蕎麥冷麵配蟹棒及豆腐 $50

還有以日本牛乳和靜岡抹茶製作的雪糕,亦是底層Food Bar 的主打產品,質感濃稠,證明牛乳落得足,好creamy,抹茶味也很甘甜。

靜岡有機抹茶雪糕 $16 (試食價)

以正宗靜岡有機抹茶製作。

北海道3.6牛奶雪糕 $16

第2層:日本零食+酒類+日系 café

上一段小樓梯,第二層則主打自家入貨、日本產地直送的食品,包括零食、冷凍食品、飲料,甚至一些日本酒都有得賣。

第2層的空間頗為闊落,shopping可以舒服地慢慢行。

日本直送零食,絕對是OASIS的強項,他們有駐當地買手,有甚麼大熱產品食材,往往在日本開售 7-10 日內便可速遞到港 ,緊貼潮流。而零食款式眾多,分門別類,整齊放在陳列櫃上,光是薯片都可以自成一區!

各款日本直送的薯片,絕對要入貨返公司!

認住「新推出」的貼紙,就知道邊款是最新日本零食。

卡樂B厚切牛油薯片 $19/包

龍蝦味脆條 $15

糖果如龍角散、味覺糖,甚至記憶力香口膠都有!

大大個糖果陣!

朱古力專櫃!

也有佐酒小食如鹽燒帶子和味付鵪鶉蛋 各$29/包

海膽魷魚絲及魚乾 各$18/包

限量版玫瑰香檳百力滋及杏仁朱古力 各$54/盒

日本產的whisky和烈酒,也有不少款式,供酒粉選擇。

另有凍櫃,放有不少新奇少見的日式急凍食品。

各款雪糕類甜品。

(上)黃豆粉草餅夾心雪條、(下)抹茶白玉團子夾心雪條 各$54/盒

原個水果雪葩都有! (左)菠蘿雪葩 $55、(右)芒果雪葩 $38

原條玉子燒都有得賣!蛋控要入手!

鰻魚餃子 $40

另一邊會有café,主打和洋西餐、咖啡店輕食,女生最愛的all day breakfast、芝士牛扒牛角包都有得食,最啱掃完貨坐低唞唞兼醫肚。

O-ASIS Café

日式燒鰻魚滑蛋飯 $108

元氣全日早餐 $98

芝味慢煮牛扒牛角包配薯條(黑松露醬)$98

黑松露點點窩夫棒配煙三文魚 $108

甜蜜蜜黃金脆脆多士配自家製焦糖杏仁 $68

第三層: 包羅萬有!生活雜貨 必睇日本廚 具+藥妝

再上一層!第3層主打日系生活雜貨,售賣的產品更多,由個人護理、精品擺設、廚具家品,至到嬰兒用品、寵物用品等都有,無論喜愛日式器物的文青們,抑或想買藥妝的少女們,甚至愛寵物的主人們,也有來這裡shopping的理由!此層設多用途工作坊,定期舉辦各種特色工作坊,如茶道、煮食工作坊,更可以作包場活動使用。

第3層主打日系雜貨。

臨近新年,前枱貨架擺滿了可愛的招財貓擺設,現場所見,不少OL看到得意貓貓都大叫:「好得意呀!」

象徵幸福快樂的貓頭鷹同樣超可愛。

也有用日本和紙造的貓貓擺設。

另一邊主打日系和風的廚具,煮婦們見到一定心心眼,買到失控!

富士山系列的餐碟。

和風感覺甚濃!

卡通沙鍋,梳乎蛋那款最吸引!

色彩繽紛的花花碗,可以散買也有套裝。

櫻花系列的餐具,少女心大爆發!

貓貓系列碗具、甜品匙叉。

貓奴們見到還忍得住嗎?

同場也有不少卡通主題的杯碟家品,小丸子、姆明、Hello Kitty、Line Friends應有盡有。

小丸子系列。

Hello Kitty系列。

Hello Kitty黃金茶杯,好high-class。

Classic Hello Kitty陶瓷碗碟。

臨近狗年,店內另一邊就有柴犬系列的日用品,狗奴及柴柴fans要買。

柴犬小擺設,好可愛!

酒杯有標明來自個別的日本產地,好精緻。

日本酒專用酒具。

日本青森貓頭鷹擺設。

另一區就有大量廚具用品及煮食小幫手,連Tokyu Hands先買到的生果刀都買到!

Tokyu Hands人氣的水果刀,適合不同類型的蔬果,士多啤梨切割器、奇異果去皮器,新奇有趣。

粉色矽膠廚具,各位Bruno粉、Iris粉、Recolte迷必入!

其他廚具如保溫壺、煎鍋也有。

Tiffany blue的煎鍋,粉色控最愛!

三眼仔班戟煎鍋 $178

再行入啲,又有另一個食品雜貨區,今次就主打杯麵、醬料、罐頭及即食意粉醬等類別,同樣看得人花多眼亂,樣樣都想買!

日本直送的杯麵。

醬料款式多,芫荽醬、牛丼汁、柚子胡椒醬⋯⋯煮婦們必買!

香草類、辣油、麻油都有。

近年煮婦界大熱的蛋糕粉、班戟粉都有得賣!

即沖果味茶、咖啡、抹茶牛奶⋯⋯辦公室必備!

第三層的最盡處就有女生最愛的藥妝部,面膜、潤唇膏、染髮劑、洗頭水、沐浴露⋯⋯乜都有!女生們記得帶夠錢來!

各式潤唇膏,冬季must buy!

洗面乳、卸妝水⋯⋯這裡就買到!慳番機票錢!

洗頭水、沐浴露、浴鹽都有。

也有少量文具,這款花瓣貼紙,去年櫻花版在日本賣到斷市!這裡就有另外兩款花瓣版本。

粉色花瓣貼紙 $45/卷

也有寵物用品、寵物衣服、零食,各位奴才係時候買嘢孝敬家中主子了!

最後還有嬰兒用品,小餐具、口水肩、食物盒,甚至衫仔鞋仔都有得賣,啱晒各位家長!

OASIS
地址: 灣仔莊士敦道141-147號D舖 (顯示地圖
電話:2239 2511
營業時間:11:00am – 10:00pm
facebook:https://www.facebook.com/OASISHongKong/

延伸閱讀:深圳無印酒店 率先試住報告|每晚950人仔包早餐 享受全套無印產品!

延伸閱讀:精選20款網購 拜年必備 玫瑰棗紅時裝 | 新年你最紅!

相關文章