【廁所文化衝擊】作為一個土生土長的香港人,用完嘅廁紙掉入馬桶直接沖走,可謂理所當然。但原來各處鄉村各處例,據說,台灣人習慣將廁紙掉到垃圾桶,網民對此議論紛紛,如果移民台灣,究竟應不應該入鄉隨俗呢?到底件事堅定流?如果屬實,背後又有什麼原因和苦衷呢?

撰文:GOtrip編輯部|編輯:CY|圖片來源:Facebook 截圖、新傳媒資料室、台灣環保署

港女跟台灣做法 紙巾不掉馬桶

有網民在 facebook 一非公開群組上,分享自己女兒在台灣生活 3 年後,就養成了「紙巾不掉馬桶」的習慣,話會塞廁所,即使去到外國都會堅持這個習慣。

廁紙掉

直接沖!塞落垃圾桶仲污糟

對於這個從台灣學習到的如廁習慣,絕大部分網民都表示訝異。有人回應指,自己在台灣居住數年,用完廁紙照沖都未曾出現出現過如此狀況;亦有人認為將已經用過、沾有大小二便的廁紙積存在垃圾桶內,更加不衛生!

廁紙掉

廁紙掉
唔沖得嘅廁紙仲可以叫廁紙?

廁紙掉
呢位網友話自己喺台灣將廁紙沖落馬桶20年都冇問題。

 

視乎情況!睇廁所做人

另一方面,又有人覺得要因時制宜、睇廁所做人。在台灣部分偏遠地區,可能因為馬桶沖廁力較弱,又或者渠管較窄,直接將廁紙沖走會容易導致塞馬桶。所以為免塞住,最好還是放入垃圾桶。

廁紙掉

廁紙掉
有人話舊式建築至有呢個問題。

唔沖得!有味都要頂硬上

有人分享經驗,指自己會堅持要將廁紙放入垃圾桶,以免沖廁沖唔走,以免日後遭遇慘況:「下次塞渠就知大鑊」。所以廁所會傳出臭味都係無可奈何,想減少味道就只能記得日日清。

廁紙掉
呢位仁兄就話,唔想塞渠就要將廁紙放入垃圾桶⋯⋯

廁紙掉
臭味總會有,只好日日清垃圾桶。

全球唯一 有非卷裝廁所用紙

究竟台灣的馬桶是不是特別容易塞呢?這就要追源溯始,由台灣的廁紙歷史講起喇!全聯實業(台灣大型超級市場)表示,台灣是全球唯一擁有「卷筒以外形式廁紙產品」的地方,即是除咗卷裝廁紙,還可以買得到平裝抽取式廁所用紙。

台灣人普遍會用抽取式紙巾。
台灣人普遍會用抽取式紙巾。

抹屁股、抹嘴都係同一隻紙

由於台灣發展初期生活環境貧困,而平裝廁紙價格相對便宜,所以被廣泛使用於不同場合。除了如廁時廣為使用,還會用來清潔家居及⋯⋯抹臉擦嘴。

無論咩用途,台灣人都係用面紙。
無論咩用途,台灣人都係用面紙。

分唔清廁紙同面紙

因為習慣了「一紙走天涯」,就算今時今日生活素質大大提升,台灣各地新建成的建築物,馬桶沖廁力及渠管寬度都大為改善,市面上亦推出了多款不同功用的衛生紙產品,但至今仍然有不少台灣人「傻傻分不清」廁紙、面紙和抹手紙。

香港人會好講究,唔同紙巾有唔同用途。
香港人會好講究,唔同紙巾有唔同用途。

塞渠真相 面紙掉馬桶

而上面提及的 facebook group 內,亦有留言提及過這個「傻傻分不清」的台灣民情。原來不是每個人都知道,質地柔軟的面紙纖維韌、難溶於水,他更特意發帖呼籲大家人在台灣,一定要看清楚衛生紙包裝,千萬不要將寫明「不溶於水」的紙掉入馬桶。

廁所文化衝擊!台灣人廁紙掉入垃圾桶 直接沖會塞馬桶?

可惜唔係個個都會細心閱讀包裝字眼⋯⋯
可惜唔係個個都會細心閱讀包裝字眼⋯⋯

全民如廁教育 改細垃圾桶

正所謂「有心唔怕遲」,台灣環保署近年開始推行「廁紙丟馬桶」政策。全台灣的公營單位、公廁等地都會有相應措施,包括面紙販賣機改售廁紙、垃圾桶改小加蓋等,亦會在廁所內安裝提示標誌,希望市民養成新的如廁習慣,改善社區的衛生狀況。

圖片來源:台灣環保署
圖片來源:台灣環保署

香港消委會 8 款廁紙難沖散

不過,就算民眾學會將廁紙掉入馬桶,都不代表個廁所不會塞。香港消委會在 2013 年就做過檢查,當中發現 8 款本地常見的廁紙,在「容易沖散程度」一項測試中「不合格」,部分纖維過粗,沖極唔散。報告更指出,沖不走的大塊紙屑容易塞廁渠!

圖片來源:Wikimedia Commons
圖片來源:Wikimedia Commons

網民意見:每次用廁紙要少過 4 格

放垃圾桶又臭,掉馬桶又怕塞,認真夠麻煩!講真,又不是每個馬桶都如日本馬桶般,具備「菊花清潔功能」。其實「塞渠」這個話題可以算是網絡討論區上D餓熱門話題 ,稍早前在網絡討論區上就有網民教路,去廁所用廁紙要「 4 格 4 格」分次使用。用少幾格紙,環保之餘不怕塞廁所!

網民留言
網民留言

網民留言
網民留言

韓國都係掉垃圾桶 廁所多數有陣除

講完華語地區,就講下鄰近亞洲國家。問到韓國人嘅如廁習慣,GOtrip 韓國線記者表示,好多韓國人都唔會將廁紙掉入馬桶,同樣都是因為怕塞!雖然新式廁所已經沒有這個問題,不過韓國人在掉廁紙方面,倒是相當「隨性」,沒有特別規律。

都有網民話自己辦完大事,就搞到韓國某大學宿舍個廁所塞咗。
都有網民話自己辦完大事,就搞到韓國某大學宿舍個廁所塞咗。

韓國線記者又補充,自己住酒店一般都會照掉落馬桶,但出街用公廁就會掉入垃圾桶。問到氣味問題時,記者就話韓國公廁多數有味,不過整體而言韓國亦不是個特別清潔的國家。

圖片來源:Wikimedia Commons
圖片來源:Wikimedia Commons

日本廁紙夠晒薄

至於出名乾淨企理的日本,遊日達人主場.日本就表示日本一定會棄置於馬桶內,絕對不會有人將廁紙掉入垃圾桶。有去過日本嘅網民就話,日本嘅廁紙夠晒薄,一定唔會塞!

不過佢又話日本廁紙易穿,咁係彈定讚?
不過佢又話日本廁紙易穿,咁係彈定讚?

圖片來源:Pixabay
圖片來源:Pixabay

115蚊卷 最高級嘅廁紙

順帶一提,對去廁所同樣相當講究的日本,就推出過一款「最貴、最高級」的廁紙,由望月製紙製造的「羽美翔」,是皇室御用廁紙,標榜觸感柔軟、呵護屁屁嘅幼嫩肌膚。不過 3 卷裝連稅就要 5,ooo 円(約 HK$345),不知道百幾蚊卷的廁紙又會不會塞廁所呢?

圖片來源:望月製紙
圖片來源:望月製紙

圖片來源:望月製紙
圖片來源:望月製紙