去得韓國,剩係食無限添五花肉就太浪費quota了!要食當然食韓牛,仲要食1++級頂級韓牛。編輯部找來三間 首爾 韓牛 的餐廳,全部都係馬場洞以外的選擇,價錢有平有貴,最抵嗰間仲係任食韓牛,今次去韓國絕不能錯過。

文:Kassidy|圖:Fion、新傳媒資料室

韓牛分5級 1++最正!

香港人熟知的和牛有分級數,韓牛也會有!由高至低數下去是:1++、1+、1、2、3級,最好味當然是1++韓牛,而評級的標準就以牛的油脂分布來斷定,油花(marbling)平均分布愈多,等級相對愈高。韓牛相比起和牛有較重的牛味,大部分韓牛都不會有太重的油膩感,喜歡重口味的,一定要試試韓牛。

愈靚的韓牛,雪花分布應該愈平均。
愈靚的韓牛,雪花分布應該愈平均。

01|平食1++級韓牛 칠백식당

七百食堂的老闆堅持只賣1++韓牛。位於弘大延南洞的角落,全店僅有6張枱,只開晚餐時段,貴精不貴多。只賣3款韓牛:里脊肉(등심)、牛肋骨(갈비살)、板腱肉(살치살),老闆就話3種肉的分布會隨心決定,但定必會秤足每份150克。

首爾 韓牛
每份150克 ₩25,000/約HK$175,兩人分量的牛肉一定會秤足 300 克!

首爾 韓牛
成間舖頭只得6張枱,想食敬請早去。

韓牛不似和牛般入口即溶,但比和牛來得更重牛味。牛肋骨的肉味是3種中最濃郁,分為長、短兩種,過後齒頰仍帶有陣陣牛肉味。而鍾情於牛肉油脂的話,絕不能忽略板腱肉,油花分布平均,入口就有啖啖牛脂味,嫩滑易溶化,口感軟腍。

首爾 韓牛
一般韓國人食牛會再用剪刀分開細細塊。

首爾 韓牛
一入餐廳,老闆就會奉上小菜,唔夠可以添!

全間店只有韓牛賣,同樣有生牛肉可以食,但老闆話:「我們主打是烤韓牛。」
全間店只有韓牛賣,同樣有生牛肉可以食,但老闆話:「我們主打是烤韓牛。」

韓國人食韓牛最喜歡加埋大醬湯和飯,七百食堂的飯不是一般「靚仔」,而是加入芝麻油的山薊菜飯。晚市一般7點開始人多,而且烤肉店翻桌率低,想食請趁早前往。

大醬湯也是韓國人吃烤韓牛必食的配菜。
大醬湯也是韓國人吃烤韓牛必食的配菜。

要行落一層先係餐廳!
要行落一層先係餐廳!

칠백식당
地址:首爾麻浦區新村路4街22-6 (顯示地圖)
電話:+82-(0)2-333-3006
營業時間:5:30pm-10:30pm(周日、公眾假期休息)
交通:地鐵2號線「弘大入口」站6號出口,步行約3分鐘

02|40年傳統烤韓牛 삼원가든

米芝蓮推介,以為一定貴到上天,睇過餐牌其實都還能負擔。餐廳用全炭爐烤肉,金色鐵盤,每盤肉上枱時都是大大份,而且全程有服務員招呼周到,配菜任添,米芝蓮推介果然並非浪得虛名!

韓牛生排(130克) ₩81,000/約HK7
韓牛生排(130克) ₩81,000/約HK$567

三原花園同樣提供超多配菜。
三原花園同樣提供超多配菜。

牛肉會分為有醃同原味,極力推介食最原始的韓牛,不然醃料會掩蓋韓牛味道。侍應會在韓牛放上烤盤前,先用牛的脂肪部分掃一次烤盤,令韓牛比較難黐底;烤盤邊也有位置擺放已烤熟的韓牛,避免長期烤著而令牛肉變得太熟。

會有專人服侍燒韓牛,完全唔使自己動手。
會有專人服侍燒韓牛,完全唔使自己動手。

首爾 韓牛
生牛肉的醃料味太重,不值得一試。

如果去到三原花園剩係食牛扒就太唔識食了,這裡的韓牛以里脊肉比較出色,肉汁較多,容易入口,吃下去有油脂味而不太油膩,一大盤特選里脊肉拼盤要₩143,000/約HK$1,001,兩個人食啱啱好,以服務+肉類質素而言,這樣的價錢還是可以接受。

首爾 韓牛
當然是里脊肉最好食!130克 ₩68,000/約HK$476

삼원가든
地址:首爾江南區新沙洞彦州路835 (顯示地圖)
電話:+82-(0)2-548-3030
營業時間:11:50am-10:00pm(周日、公眾假期休息)
交通:地鐵3號線「狎鷗亭」站2號出口,步行約7分鐘

03 | 任食高級韓牛 무쏘 강남역점

以上兩間餐廳都是逐份肉逐份肉慢慢叫,睇落都唔太符合香港人去旅行要「又平又好味又夠飽」的經濟原則!私心推介大家去位於江南瑞草區的 무쏘 강남역점,最近在弘大區都開了分店。餐牌只得一款肉,就是任食1級韓牛,2小時放題竟然只收₩18,900/約HK$130,實在超抵食!

韓牛扒大過手掌,超誇張!
韓牛扒大過手掌,超誇張!

炭火燒烤的特點是溫度比較穩定,燒肉不會一邊生一邊熟。
炭火燒烤的特點是溫度比較穩定,燒肉不會一邊生一邊熟。

以為放題就會偷工減料?絕對不會,牛肉非常新鮮,而且大塊過手掌!店主仲爆料,話店中韓牛全部屬於「1++」最高等級,所以肉質脂肪比例剛剛好唔怕膩,推介燒到半熟(rare)要即食,入口即溶不失嚼勁,各位牛魔王們食多幾件絕對已回本!

包住生菜食冇咁易滯,咁先可以食多幾塊!
包住生菜食冇咁易滯,咁先可以食多幾塊!

夜晚勁多人排隊,要等一個鐘先有得食!
夜晚勁多人排隊,要等一個鐘先有得食!

店家完全唔手軟,一次大概有10大塊,食完兩盤已經好飽!
店家完全唔手軟,一次大概有10大塊,食完兩盤已經好飽!

무쏘 강남역점
地址:首爾瑞草區瑞草4洞1308-10(顯示地圖
電話:+82-(0)2-3482-3635
營業時間:10:30am-9:00pm
交通:地鐵2號線「江南」站10號出口,步行約10分鐘

延伸閱讀:輕鬆平遊首爾!$500入住明洞新淨酒店

首爾 韓牛! 平食 1++頂級韓牛|0 無限食 馬場洞以外 3 大選擇

相關文章