早喺7月,岑麗香飛葡萄牙為劇集《溏心風暴3》拍外景,強強又做跟得老公飛埋過去陪拍,原來兩公婆趁拍攝空檔搵咗個當地嘅專業攝影師,影咗輯sweet爆靚相。日前呢批相終於喺網上曝光,唔睇猶自可,一睇隨時閃到你盲!香香同強強喺街頭玩抱抱兼且又攬又咀,發自內心嘅甜蜜笑容真係隔住個mon都feel到!

text、 source:Sunday Kiss | photo: [email protected]岑麗香、 @youtstoryinphotos

岑麗香 多張甜蜜旅照曝光

岑麗香去年12月同金融才俊Joshua (強強) 喺溫哥華結婚,強強更甘願放棄加國嘅事業,遷就老婆移居香港,真係錫到香香燶,呢輯甜蜜旅照就完全表達到佢哋嘅愛!

二人在里斯本,即興搜尋當地攝影師拍了一輯浪漫靚相。

當地搜尋Ig攝影師  捕捉浪漫蜜月feel

原來兩公婆想喺葡萄牙首都里斯本留下倩影,所以喺Instagram搵到專影情侶相嘅當地攝影師 ([email protected]youtstoryinphotos),為二人嘅旅照操刀。攝影師Romana大讚香香同強強呢對couple充滿活力同激情,又夠真情流露,同佢哋合作得好開心!

攝影師Romana and Emanuele居於里斯本,專為遊客在當地大街小巷拍有mood照。

網頁仲有用香香同強強嘅相做front page~

葡國攝影師大讚:「Happy, Energetic and Passionate duo!」

攝影師兩公婆,專為遊客拍婚紗照、情侶照或家庭照,更會帶遊客到里斯本不同角落取景。見到香香同強強都覺得佢哋冧,邀請佢哋喺街頭玩公主抱兼又攬又錫,十足熱戀中嘅情侶般愛得癡纏。

里斯本石板街與電車,成為放閃的背景。

食下雪糕,又情深對望一下,兩人自然流露,加埋里斯本歐陸風景,勁sweet囉!

去年溫哥華完婚 多次恩愛去旅行

香香公主於去年12月高調宣布婚訊,她表示跟強強多年前在溫哥華因工作關係認識,但之後再沒有聯絡,想不到多年後在朋友的介紹會再次遇上,最後更結成夫妻!

View this post on Instagram

💛12.17.2016

A post shared by Eliza Sam 岑麗香 (@heungheungeliza) on

之後二人農曆新年去過馬爾代夫蜜月,至7月因為外景,強強趁空檔飛到葡萄牙探老婆班,在Ig上不難發現兩人的恩愛照。

View this post on Instagram

Open sesame….🌴 #maldives

A post shared by Eliza Sam 岑麗香 (@heungheungeliza) on

不知不覺,岑麗香同老公強強已經就快結婚一周年,預祝佢哋嘅婚姻生活一日比一日甜蜜!

下一頁:【森美旅行團】獨遊、節慶遊、豪食遊|東京食買玩全攻略

延伸閱讀:【台北攝遊】 川島小鳥御用靚女model+攝影師 帶你遊台北影寫真

相關文章