女生,身邊總有一兩個閨密。她比男友親密,可以一齊碌酒店大床敷mask浸泡泡浴。行街,佢義無反顧,幫眼揀款襯衫,仲買埋一份。今年8月為慶祝泰國皇后生日,泰國為女士度身訂造多項優惠及特別待遇「2017 曼谷 閨密 之旅月」,今次搜羅泰國政府旅遊局一系列專為女性而設的特別優待,以及最啱閨密去歎spa、歎high tea、買泰的行程建議!

【女士限定】 8月特快入境粉紅通道


「2017 曼谷閨密之旅月」橫跨整個8月,泰國不同地方都會舉辦一系列折扣優惠,為了讓閨密更快抵達酒店去享受泰國,泰國移民局出入境管辦事處今個月專為女遊客開通一條「粉紅快速通道」(Pink Lane) ,等各位女遊客唔使排隊等咁耐,快速過檢!

8月之內,泰國多個國際機場均特設粉紅通道予女遊客。(圖片來源:AOT)
8月之內,泰國多個國際機場均特設粉紅通道予女遊客。(圖片來源:AOT)

泰國8月 女遊有着數| 曼谷 閨密 之旅 優惠+行程攻略

下載app 做spa購物有折扣

泰旅局特別為「閨密月」架設了全新app, 可以搵到不少店舖、spa,以及餐廳優惠,絕對要盡情血拼啊!當中最吸引是曼谷航空的優惠,只要於8月15日或之前,訂購由曼谷出發的內陸航點(包括清邁、清萊、林邦、素可泰、布吉、喀比、噠叻),可享低至THB1,190/HK$279的單程機票折扣優惠,連埋曼谷再搭一個臨海地方歎resort,絕對不要錯過此優惠。若然只留在曼谷,登錄此app亦可享多重spa優惠,最吸引是Divana Massage and Spa有85折,買HARNN護膚產品都有優惠,下載定無妨啊!

泰國8月 女遊有着數| 曼谷 閨密 之旅 優惠+行程攻略

於King Power購物可享最高8折!
於King Power購物可享最高8折!

於HARNN買滿500銖可獲9折。
於HARNN買滿500銖可獲9折。

「2017 曼谷閨密之旅月」女性優惠一覽

航空公司 即日至8月15日購買曼谷航空從曼谷出發的航點(包括清邁、清萊、林邦、素可泰、布吉、喀比、噠叻),均可享低至THB1,190/HK$279的機票折扣優惠。(此優惠並不包含機場稅及燃油附加費;此優惠價格只適用於8月出發到泰國的女性遊客。)
酒店 以低至4折尊享Sri Panwa Phuket 3晚優惠、Guti Resort 華欣10%優惠、Anantara Baan Rajprasong Bangkok Serviced Suites折扣優惠等等。
美容按摩 Six Senses Samui 15%折扣優惠、HARNN 10%折扣優惠、10-15% Divana Massage and Spa等等。
餐飲 The Rain Tree Café Bangkok by Le Meridien 15%折扣優惠、Silver Lining Pattaya 10%折扣優惠、Lady L 免費下午茶等等。

詳情:womensjourney.tourismthailand.org 

下載 Women’s Journey Thailand 手機程式可獲得更多優惠資訊。
下載 Women’s Journey Thailand 手機程式可獲得更多優惠資訊。

下載連結:iPhoneAndroid

【閨密之行程】

01 |夢幻玻璃梯甜品店

對於甜品,女生全無抵抗之力,還未踏入甜品店SHUGAA門口,已喪失理智,不斷失控影相,只因場景太夢幻!多角形的玻璃幕門看似一顆剔透水晶,糖果色的牆身配上玻璃磚疊成的旋轉樓梯,有一刻真的誤以為自己變公主。老闆兼總廚B. Wish解釋設計靈感來自甜品必有元素:糖。

玻璃磚旋轉樓梯加熊仁,最啱打卡!
玻璃磚旋轉樓梯加熊仁,最啱打卡!

泰國8月 女遊有着數| 曼谷 閨密 之旅 優惠+行程攻略

老闆B.Wish表示:「我覺得人生有不少值得高興的事,都跟甜點有關,好似生日要吃蛋糕、結婚會派餅等,所以廚師世家出身的我,獨愛鑽研甜品。」B.Wish炮製的蛋糕、甜撻賣相同樣可愛,熬煮檸檬餡時加了大量檸汁及少許果皮,再混入蛋白,酸甜剛好,與充滿牛油香的撻皮一併而吃,好幸福喔!

六角形的檸檬撻有隻小蜜蜂。
六角形的檸檬撻有隻小蜜蜂。

鮮榨黑莓加入低脂乳酪、檸檬、cream cheese,食完唔怕肥。
鮮榨黑莓加入低脂乳酪、檸檬、cream cheese,食完唔怕肥。

 

綠茶心太軟茶味香濃,極流心,配搭煙韌玉子和紅豆,超match!
綠茶心太軟茶味香濃,極流心,配搭煙韌玉子和紅豆,超match!

SHUGAA
地址:Sukhumvit 61, Bangkok, Thailand
電話:+66-(0)2-381-5940
營業時間:10:00am-8:00pm
交通:乘BTS至Ekkamai站,再步行5分鐘
網址:www.facebook.com/Shugaadessertbar

02 | 倉庫重生 藝文大本營

去過多次在曼谷市中心困獸鬥,不如搭15分鐘地鐵,遠渡河畔發掘驚喜!曼谷藝文青新蒲點The Jam Factory,是個複合式倉庫,集餐廳、咖啡室、書店和藝廊於一身,本是著名建築師的工作室,搖身一變成為歷史與現代感交錯的「文青基地」!餐廳部分又叫The Never Ending Summer,主廚曾任職文華東方酒店,食物質素有保證!而隔壁的咖啡室,當地人習慣即場買書後,拿到前廳或外面草地優哉游哉打發一日!

曼谷藝文青新蒲點The Jam Factory,是個複合式倉庫。
曼谷藝文青新蒲點The Jam Factory,是個複合式倉庫。

最推介香蕉花椰奶雞湯及炸軟殼蟹蛋咖喱,雞湯椰香和雞味濃郁,軟殼蟹炸得酥脆味濃,淡淡咬落脆卜卜!
最推介香蕉花椰奶雞湯及炸軟殼蟹蛋咖喱,雞湯椰香和雞味濃郁,軟殼蟹炸得酥脆味濃,淡淡咬落脆卜卜!

踏入餐廳感覺光猛開揚,原來倉庫頂蓋透入自然光,通過落地玻璃更能清楚目擊廚房裏的一舉一動!
踏入餐廳感覺光猛開揚,原來倉庫頂蓋透入自然光,通過落地玻璃更能清楚目擊廚房裏的一舉一動!

創意泰菜+少女風甜品

The Never Ending Summer大廚參照昔日泰國上流菜式的食譜烹調,重現失傳的煮法,每道菜都刻盡心思!椰奶雞湯飄出稠濃椰香,炸軟殼蟹爽脆入味,初嘗蛋咖喱滑嫩不太辣,值得一提廚師善用在地特色植物如芭蕉葉、香蕉花和蝶豆花入饌,味道「泰」獨特!食完正餐,博客仍堅持去旁邊咖啡室試埋甜品先夠圓滿,更笑指那裏的招牌「斑蘭窩夫」和「冬甩布朗尼」是她們減肥失敗的原因,單聽就知有幾吸引!

布朗尼如海綿蛋糕鬆軟,可蘸朱古力醬吃,外貌可愛!
布朗尼如海綿蛋糕鬆軟,可蘸朱古力醬吃,外貌可愛!

斑蘭窩夫質地如格仔餅般軟綿煙韌,一試着迷!
斑蘭窩夫質地如格仔餅般軟綿煙韌,一試着迷!

The Jam Factory
地址:41/1-5 Charoen Nakhon Rd., Klong San, Bangkok
電話:+66-(0)2-861-0950
營業時間:The Never Ending Summer 11:00am-11:00pm、Li-bra-ry Café 10:00am-9:00pm
交通:乘BTS至Krung Thun Buri站,再轉搭的士到Klongsan Plaza
facebook:The Jam Factory

03 | 泰版上引水產 平食鱈場蟹

同姊妹去曼谷歎世界,當然要食餐好,泰仔泰妹打卡熱點Shinsen Fish Market實在必去!魚市場位於曼谷高級住宅區Sukhumvit,驟眼望2層高的貨倉勁似台北上引水產,集街市、餐廳、火鍋及超市於一身,不過最深得孖妹歡心,一定是入口處的一大排魚缸,分門別類放滿時令海鮮如鱈場蟹、海膽、龍蝦、鮑魚等等,睇中邊隻生猛,可即時叫廚師烹調,當中最受歡迎一定是來自北海道的鱈場蟹,另外還推薦清蒸大蟹,啖啖肉的蟹腳超鮮甜,蟹蓋內盡是滿滿蟹膏,以清酒伴吃,好食到連手指都舔埋!

9件壽司拼盤,必包括海膽和三文魚子,不用200蚊超抵吃。
9件壽司拼盤,必包括海膽和三文魚子,不用200蚊超抵吃。

龍蝦刺身上枱時觸鬚仍震動,超新鮮,肉質彈牙鮮甜!
龍蝦刺身上枱時觸鬚仍震動,超新鮮,肉質彈牙鮮甜!

法國Fine de Claire生蠔20零蚊一隻,今次真係超低價,但不是常常有貨!
法國Fine de Claire生蠔20零蚊一隻,今次真係超低價,但不是常常有貨!

Shinsen Fish Market面積約2個足球場大,魚市場也充滿型味!
Shinsen Fish Market面積約2個足球場大,魚市場也充滿型味!

鱈場蟹即撈即炮製,肉質彈牙超鮮甜。
鱈場蟹即撈即炮製,肉質彈牙超鮮甜。

 

Shinsen Fish Market
地址:163/6 Soi Sukhumvit 39, Klongton-Nua Wattana, Bangkok, Thailand
電話:+66-(0)2-260-6511
營業時間:星期一至日11:00am-11:00pm
交通:乘BTS至Phrom Phong站,再轉乘的士7分鐘
網址:www.shinsenfishmarket.com

 

04 | 河畔靚景飲落肚

正正位於翻新的文青廣場對面,N10 Café有個無敵的戶外河景!除了精緻西餅和清涼特飲適合tea一tea外,亦有飽肚的意粉、Panini可作輕午餐,有無敵河景伴食就零舍開胃!外面的Wanglang市集原來是當地大學生的換季出沒點,不少年輕人每次逛完必來吹吹風,順便自拍打卡放Ig!在室外曬到汗流浹背,咖啡室竟然貼心得有間冷氣房,入返去過一過冷河都好!

沿湄南河畔就只有這間咖啡店,180度飽覽靚景!
沿湄南河畔就只有這間咖啡店,180度飽覽靚景!

咖啡室環境愜意,仲有得借閱英文時裝及旅遊雜誌,一坐低就唔願走!
咖啡室環境愜意,仲有得借閱英文時裝及旅遊雜誌,一坐低就唔願走!

蘋果金寶蛋糕酥脆批皮伴隨蘋果餡香溢滿口,厚稠滑溜的雲呢拿醬令味道更豐腴。
蘋果金寶蛋糕酥脆批皮伴隨蘋果餡香溢滿口,厚稠滑溜的雲呢拿醬令味道更豐腴。

布朗尼芝士蛋糕一粒粒布朗尼鋪滿蛋糕,可可味濃郁香甜,芝士糕身質地幼滑,層次豐富!
布朗尼芝士蛋糕一粒粒布朗尼鋪滿蛋糕,可可味濃郁香甜,芝士糕身質地幼滑,層次豐富!

辣肉腸煙肉蘑菇意粉足料美味,帶豐富羅勒香,面頭的辣椒碎添加少許辛辣。
辣肉腸煙肉蘑菇意粉足料美味,帶豐富羅勒香,面頭的辣椒碎添加少許辛辣。

N10 Café
地址:Arun Ammarin 18, Bangkok
電話:+66-(0)8-8000-8342
營業時間:星期一至日 9:00am-8:00pm
交通:從BTS鐵路Taksin站乘15分鐘的士至Maharaj Pier,再搭ferry boat到對面Wang Lang Pier
網址:www.baanwanglang.com/N_10_cafe.php

05 | 泰版Aland 過百間Ig shops共冶一爐

閨密行程好難冇shopping環節,去Siam Center 附近的Camp,此店由117間Ig潮流時裝店夾份開舖。一開幕已大排長龍,真係由街頭排到街尾,嚇親老闆Pan:「我自己都係designer,明白在商場開店門檻太高,所以後生一代多做網店,直到這幾年儲落一堆熟客,我又在夜市識到其他店主,就決定合資開實體店,沒想過開幕會這樣震撼,好多都係想朝聖的熟客。」

鐵皮外表,內裏其實潮店林立。
鐵皮外表,內裏其實潮店林立。

服飾之多,閨密幫下眼都唔夠時間睇晒!
服飾之多,閨密幫下眼都唔夠時間睇晒!

在佔地3層的Camp 走一圈,發現新晉泰牌的設計媲美Aland,而且剪裁、用料更好。品牌Lailah Blatt的暗花一字肩連身裙,sweet得嚟又性感,價錢都係HK$300,超親民,難怪個個都大手入貨!

老闆Pan話,Camp已開到較遠市區的Megabangna,但始終Siam Square最就腳。
老闆Pan話,Camp已開到較遠市區的Megabangna,但始終Siam Square最就腳。

店內不乏小飾物,可以穿搭出各種風格。
店內不乏小飾物,可以穿搭出各種風格。

Camp
地址:392/27-28 Soi Siam Square 5, Bangkok
電話:+66-(0)2-252-2334
營業時間:12:00nn-9:00pm
交通:乘BTS至Siam站步行2分鐘
網址:www.facebook.com/camp.bkk

下一頁:閨密水療之旅 | 90蚊有交易! 8大必試特色 曼谷Spa

泰國8月 女遊有着數| 曼谷 閨密 之旅 優惠+行程攻略

延伸閱讀:27樓超靚無邊際泳池!曼谷超方便新5星級酒店推介

泰國8月 女遊有着數| 曼谷 閨密 之旅 優惠+行程攻略