經常聽到酒店員工分享遇過的奇怪客人和有趣事件,今次請來酒店員工 M 小姐,跟大家分享她的酒店工作大小事!希望大家體諒酒店員工工作的苦況,以後請禮貌對待他們吧!

撰文:GOtrip 編輯部|圖片來源:新傳媒資料庫

酒店工作大小事

今次 GOtrip 編輯部訪問了一位曾在不同星級酒店工作,約有 6 年經驗的 酒店員工 M 小姐,跟大家分享她的打工經歷,以及從同事口中熱傳的酒店工作大小事,當中不乏一些「搲著數」、古怪的住客。「有時回想起,都不知好嬲定好笑!」希望大家明白, 酒店員工工作真的不容易,以後請禮貌對待他們吧!

01|保險箱=微波爐?

已經不是第一次聽過有客人把保險箱當成是微波爐用了!早前有 blogger 分享,一位婆婆把魚柳包放進保險箱想加熱,想不到這次更誇張。以下是M小姐與客人的對話:

「客人打電話到櫃枱 reception(聽聲音為操普通話的中年人)--

客:小妹 ,打不開,裡面的東西被鎖住了……

M:是保險箱嗎?你剛才按了甚麼數字?重複再按便行。

客:我哪有按?我的東西現在拿不出來。

M:現在上來幫你開。

Call 保安上去一開,見到有隻碗,仲有一包鹽焗雞喺個保險箱裡面!

M:這不是冰箱、微波爐,是保險箱啊!

客:謝謝小妹,這個太難操作。」

工作7大爆趣事件簿
經常有客人把保險箱當成是微波爐使用。

02|中東阿拉伯「鑽石級鹹濕佬」的撩妹技巧

做酒店前台常會接觸到不同國籍的有錢人,M小姐也曾遇過,結果當然沒有理會,但被望著工作也會很不自在吧!

「遇過中東阿拉伯鑽石級鹹濕佬狂追,因為佢想喺香港娶個老婆,成日都約我去睇夜景,日日落嚟大堂企喺你前面,雙手托頭望住你做嘢。」

工作7大爆趣事件簿
做酒店前台,竟然都會遇到「鑽石級鹹濕佬」的追求者。

03|奧巴馬老婆=奧太?

M小姐指,做了那麼多年,遇到過不少奇怪的客人,有些以為自己是大人物,其實是白撞!以下是其中一個經典例子:

「試過有個香港女住客,凶神惡煞咁行埋嚟 reception 度問:『知唔知我係邊個?』

我心諗梗係唔知:『有咩幫到你呀小姐?』

小姐:『唔好叫我做小姐,叫我奧太,我老公係奧巴馬。』


之後佢一個月有幾日得閒就過嚟,問:『我老公今日有冇喺你哋 conference room 度開會?』」

可怕!

工作7大爆趣事件簿
在酒店櫃枱當值,要有心理準備面對各式各樣的奇怪查詢,語言能力、應變技巧差一點也不行!

04|躁客無禮掉通行證?自己執!

沒有禮貌的客人最討厭!你有錢入住酒店,不代表可以無禮對待員工。M小姐初入行時,就曾遇過一個超無禮的客人。

「有次排晒長龍,嗰條龍好長,長到有 40-50 人等 check-in,企隊頭有個大陸男人,一本通行證飛埋嚟我度,嗰陣都講緊係初入行,我又唔識 handle,惟有問佢:『你要唔要番本證件?(要就)自己執!』」

05|名人熟客唔見鑽戒 原來喺佢自己身

酒店員工常會遇到有客人不見了/漏了東西,M小姐指,最多人遺漏的是「銀包、證件、衫褲鞋襪」之類。試過有次有個阿婆漏咗一棚假牙、有人漏咗啲要放入雪櫃嘅藥、人奶等等,試過連假髮都有,最記得是以下的case。

「有個女人(都算知名人士)嚟到我哋酒店住,佢嚟過好多次,次次都係嗰間房,今次嚟玩嘢話間房唔舒服好臭,咁即刻 upgrade 轉房啦!熟客嘛!

轉完房到 checkout 就話自己唔見咗粒鑽戒。舊嗰間房成晚冇新客住,咁我哋都放佢返入舊房畀佢搵,當然搵唔到,就報晒警,後尾發現原來隻鑽戒一直都喺佢自己身上…..」

工作7大爆趣事件簿
要喺酒店房搵一粒藏喺自己身上的鑽戒,真係十分有難度!

06|最麻煩港客:「我每個月都會嚟住,嚟折磨你哋!」

M小姐提到,自己見過的客人當中,「最難頂的就是香港人,寧願對怪客,都好過對搲著數嘅港客」,可能因為同聲同氣,所以特別有霸氣吧!她也跟我們分享了一個因為自己早到而想搲著數的港客:「試過有位香港男住客,早上 7:00 話想 check-in,但佢間房其實有個客仲住緊,加上 check-in 時間係下午兩點,晨早冇房好正常呀!跟住就無啦啦搲個 free breakfast,佢話咁早嚟到冇食早餐……」

除了搲早餐,想搲升上豪華房的客人也不少。

「又有次有個男人,指明嗰間房未 ready好,好似因為有工程定壞咗唔知乜嘢,叫佢住第二間。佢住落之後轉咗成 5 次房,次次都有唔滿意嘅地方,我哋都怕咗佢。最後畀咗間好大、兩層複式套房佢先收手。事後仲同我哋講:『我唔係嚟搲著數,係你哋酒店嘅房間真係太有問題我先轉(但其實可能只係某個燈掣甩咗少少色、洗手間盞燈暗咗少少),我話畀你哋班人知,我每個月都會嚟住,嚟折磨你哋!』」M小姐想起仍深深不忿:「最後佢真係每個月都嚟住,我哋一定前一晚 make sure 佢原先要嗰間房冇任何工程,同埋唔畀其他人住。」

工作7大爆趣事件簿
一心只想搲著數的客人,有時候可能比奇怪的客人更加可怕。

07|鹹濕佬防不勝防

M小姐時不時也要上通宵班,她指:「通宵更接電話最多,通常是投訴隔籬房對情侶嘈。」另外也特別容易接到變態電話。

「我接過變態電話。開頭打嚟問你關於酒店嘅嘢,後尾問女同事有幾多個、係咪著緊黑色絲襪。

又有次有個男人扮我哋分店同事,一直都話估下佢係邊個,是但講個名佢就話係,跟住傾傾下講鹹濕嘢。」

hotel_gossip_02
鹹濕佬的電話防不勝防。

編按:看完 M 小姐分享的7個故事後,就感到 酒店員工的工作真的不簡單,所以大家也要尊重從事服務業的朋友啊!M小姐最後還給了大家一些小提示,如果想得到較好的房間和服務,就要記得:

狂搲嘢、態度差、冇禮貌,就會給他一些不太好的房間!

有禮貌、通常唔出聲的客人,我都會畀好啲嘅酒店房佢。

服務業就係咁, 我咁有禮貌對你,唔該你都唔好西口西面!

出去玩都是為求方便舒適,酒店員工從事服務業,不會無故為難客人,大家也不要為難他們,經常提出無理要求啊!

相關文章