有統計,4月是今年上班日數最少的月份,因為有個永遠唔會踏星期六少咗日假嘅復活節!連假4日冇plan出國,又唔想留喺香港咁悶,來番趟澳門day trip短線遊吧!今個復活節澳門有不少期間限定活動和美食優惠,跟住以下 澳門 懶人包 出發吧!

text: Kassidy

01 | 見番麥當勞舊朋友

近日大家在懷緬觀塘裕民坊舊麥記,唔講唔知,麥當勞今年在澳門開幕30周年,第1間麥記位於水坑尾(人稱水M),今日仍然健在,不過裝修已今非昔比。 為此周年紀念,澳門麥當勞於澳門科學館舉辦「澳門麥當勞30周年懷舊樂園」展覽,展出一系列經典朋友人物模型以及懷舊主題小屋,香港舊版麥當勞已經買少見少,今次展覽仲有歷年開心樂園餐玩具以及為港人瘋狂的Hello Kitty 公仔系列,逢星期日2:30pm-3:30pm有麥當勞叔叔互動環節,去呢個展覽勾起你的兒時回憶吧!

1987年澳門第一間麥當勞開業時,呢架經典「MINI MOKE」」開篷車曾經載著麥當勞叔叔到各處巡遊。
1987年澳門第1間麥當勞開業時,呢架經典「MINI MOKE」」開篷車曾經載着麥當勞叔叔到各處巡遊。(圖片授權:澳門麥當勞)

麥當勞叔叔的招牌位置--長椅!(圖片授權:澳門麥當勞)
麥當勞叔叔的招牌位置--長椅!(圖片授權:澳門麥當勞)

經典麥當勞小屋和滑嘟嘟重新呈現在大家眼前!(圖片授權:澳門麥當勞)
經典麥當勞小屋和滑嘟嘟重新呈現在大家眼前!(圖片授權:澳門麥當勞)

歷年經典開心樂園餐玩具同換購精品!(圖片授權:澳門麥當勞)
歷年經典開心樂園餐玩具同換購精品!(圖片授權:澳門麥當勞)

還記得經典人物「薯條脆卜卜」嗎?(圖片授權:澳門麥當勞)
還記得經典人物「薯條脆卜卜」嗎?(圖片授權:澳門麥當勞)

澳門麥當勞30周年懷舊樂園
地址:澳門孫逸仙大馬路澳門科學館
日期:即日至2017年5月7日
營業時間:星期一至日 10:00am-6:00pm
入場費:免費
交通方法:公共汽車站(M266)-往觀音像方向的3A、8、10A及12號巴士可抵達澳門科學館
facebook:澳門麥當勞30周年 McDonald’s Macau 30th Anniversary / 澳門科學館

02|戀愛巷冧爆七彩積木椅

在大三巴、大炮台等景點附近的澳門戀愛巷曾被不少電影取景,街頭巷尾都是懷舊風格的古建築,以為剛開幕由古跡改建的「戀愛.電影館」同樣走復古風,料不到影院內60個座位都係五顏六色,睇落極似一粒粒Lego砌成的椅子!電影館定期舉辦不同電影展,每個月會有兩個周末免費放映澳門製作的影片,令更多人認識當代澳門電影史。

60個座位都係五顏六色,睇落極似一粒粒Lego砌成的椅子,好睇之餘仲好好坐。
60個座位都係五顏六色,睇落極似一粒粒Lego砌成的椅子,好睇之餘,仲好好坐。

由古跡改建的「戀愛‧電影館」樓高3層,集電影欣賞、影像保存以及書籍閱讀於一身。(圖片授權:戀愛‧電影館)
由古跡改建的「戀愛.電影館」樓高3層,集電影欣賞、影像保存以及書籍閱讀於一身。(圖片授權:「戀愛.電影館」)

Macau_002
要說戀愛巷跟電影的關係,大抵因為電影《伊莎貝拉》也在此取景,大家入場睇戲前可懷緬一下。

戀愛.電影館
地址:澳門戀愛巷13號
電話:+853-2852-2585
營業時間: 售票處10:00am-11:30pm,電影資料室 10:00am-8:00pm,周一休館
交通方法:從港澳碼頭乘3/3A巴士,於「議事亭前地」下車,步行約10分鐘
facebook:戀愛・電影館Cinematheque・Passion

03|超抵食手工甜品市集

想平平哋試唔同種類甜品?新濠影滙的甜運市集能夠滿足你各種願望!要芝士有芝士撻,要水果有意大利鮮果雪葩,單計馬卡龍都有十數款,還有不同造型的棉花糖以及口感鬆軟的冬甩,每款甜品平均只係HK$20-$30,絕對抵食!甜運市集樓上亦有個 food court,去完市集唔夠喉再吃一輪也不錯。

多款特色口味馬卡龍,$10/件。(攝影:Fion)
多款特色口味馬卡龍,HK$10/件。(攝影:Fion)

猶如人頭般大的造型綿花糖,$30。(攝影:Fion)
猶如人頭般大造型的棉花糖。HK$30(攝影:Fion)

意大利鮮果有機青檸雪葩,$40。(攝影:Fion)
意大利鮮果有機青檸雪葩。HK$40(攝影:Fion)

新濠影滙甜運市集
地址:澳門路氹連貫公路新濠影滙
電話:+853-8865-8888
日期:即日起至2017年5月31日
交通方法:可於港澳碼頭或澳門市中心乘搭新濠影滙穿梭巴士直達
網址:www.studiocity-macau.com

 04|荒失失奇「冰」七彩冰雕展 

亞洲最大型室內冰雕展「體驗夢工場」冰之歷奇再次回歸,今年用上了近6千塊巨冰,由40位來自哈爾濱的冰雕藝術家,花300小時來完成。設有7個動畫主題展區,包括《功夫熊貓》、《荒失失奇兵》、《史力加》、《馴龍記》、《古魯家族》及《魔法精靈》。彩色冰雕造型細緻神似,影相位特多,最鍾意《荒失失奇兵》的斑馬仔馬提,七彩假髮質感都好像真!小朋友一定要玩冰滑梯,今年仲增設了主題遊戲區、美食區、紀念品專區等等,睇完冰雕仲有臉譜創作及互動遊戲俾小朋友參與。

《功夫熊貓》阿寶姿態威武,記得同佢自拍!
《功夫熊貓》阿寶姿態威武,記得同佢自拍!

小朋友必玩的冰滑梯,小心屁股凍到結冰!
小朋友必玩的冰滑梯,小心屁股凍到結冰!

最受歡迎的《荒失失奇兵》,由三大主角以馬戲造型迎接大家到來。
最受歡迎的《荒失失奇兵》,由3大主角以馬戲造型迎接大家到來。

「體驗夢工場」冰之歷奇冰雕展覽
地址:澳門威尼斯人金光會展F館
查詢:+853-2882-8818
日期及時間:即至7月9日,11:00am-8:00pm
票價:成人及小童 Mop120,家庭套票(3大1細)Mop312
網址:www.venetianmacao.com

05|Mop188/位 歎優質法式下午茶自助餐

只是Mop188!就可以品嘗正宗法式下午茶。位於澳門銀河麗思卡爾頓酒店內的麗思咖啡廳,即日起至6月30日推出下午茶優惠,不用200蚊便能享受十多款的法式精緻甜品,無論是甜點或鹹點都有提供,連芝士盤也有多款選擇,另加Mop100更可以歎埋香檳!要食到呢個咁抵食嘅下午茶,記住一定要喺周一至周六3:00pm-5:30pm或周日3:30pm-5:30pm呢段時間去,提早訂位啦!

The Ritz-Carlton 旗下咖啡廳的下午茶,十多款選擇總有合你心水!(圖片授權:澳門銀河)
The Ritz-Carlton 旗下咖啡廳的下午茶,十多款選擇總有合你心水!(圖片授權:澳門銀河)

最可惜餐廳無窗景,但下午茶自助餐來說這價錢十分划算。(圖片授權:澳門銀河)
最可惜餐廳冇窗景,但下午茶自助餐來說,這價錢十分划算。(圖片授權:澳門銀河)

麗思咖啡廳 精美法式下午茶
地址:澳門銀河度假村麗思卡爾頓酒店地下
電話:+853-8886-6712
供應時間:星期一至六 3:00pm-5:30pm,星期日 3:30pm-6:00pm
交通方法:可於港澳碼頭乘搭銀河酒店穿梭巴士
網址:www.galaxymacau.com

06|氹仔小鮮肉正宗葡菜

去澳門食葡菜,若果食厭了傳統幾間老店,不如試下在氹仔北帝廟旁嘅巷仔開業約1年的「Toca小窩」!葡萄牙老闆在澳門生活了20年,特地從家鄉聘請年輕的主廚過江掌廚,食材大部分由葡萄牙入口,保證是正宗葡式味道。餐廳走casual dining路線,食物味道一流,點埋Sangria果酒伴菜,情調更好。更重要的是小鮮肉大廚長駐舖頭,年僅24歲的他自小已開始入廚,因為家族在葡萄牙都是經營餐飲業,煮葡菜駕輕就熟!

年輕的Pedro由葡萄牙移居澳門,主理餐廳菜色。
年輕的Pedro由葡萄牙移居澳門,主理餐廳菜式。

macau_porturguese01
烤馬介休魚柳 Mop210
用上7隻蛋伴馬介休烹調醬汁,嫩滑重蛋香,魚柳肉質緊致,薯仔加了麵糰帶點煙韌。

葡式烤乳豬 MOP$185 自家烤焗的BB乳豬皮脆肉嫩,半肥瘦質地非常Juicy,蘸上甜酸醬更加開胃惹味。
葡式烤乳豬 Mop185
自家烤焗的BB乳豬皮脆肉嫩,半肥瘦質地非常juicy,蘸上甜酸醬更加開胃惹味。

白酒煮蜆 MOP$125 蜆肉新鮮飽滿,白酒香氣濃烈,剩餘的汁最適合蘸包,口感紥實,而且吸滿酒香。
白酒煮蜆 Mop125
蜆肉新鮮飽滿,白酒香氣濃烈,剩餘的汁最適合蘸包,口感紥實,而且吸滿酒香。

Toca小窩
地址:澳門氹仔客商街31號
電話:+853-2857-6896
營業時間:12:00nn-2:30pm,5:30pm-11:00pm(星期二休息)
交通:從氹仔碼頭乘26號巴士,車程15分鐘
facebook:Toca小窩

07|Mop288/2人 復活節限定下午茶

邊個話復活節剩係食朱古力蛋?復活蛋就聽得多,復活蛋蛋糕又試過未?今次澳門美高梅酒店推出了只為期3日的2人下午茶套餐,以復活節為主題,十幾款甜品足夠兩個人一齊 share,2人分量亦只是Mop288(另收加一服務費)!另外還有1款非常特別的「復活節金獅朱古力蛋」,雖然不包括在套餐以內,買1個來哄小朋友亦不錯。

Macau_EASTER
2人復活節主題下午茶套餐,2人份盛惠Mop288。(圖片授權:澳門美高梅)

Macau_EASTER
獅子造型的朱古力蛋,見過了沒有?(圖片授權:澳門美高梅)

Macau_EASTER
除了下午茶套餐以外,美高梅亦有提供早午晚自助餐,價錢由Mop288起。(圖片授權:澳門美高梅)

復活節主題下午茶套餐@甜點餐廳
地址:澳門外港新填海區孫逸仙大馬路澳門美高梅
電話:+853-8802-2324
日期:4月15日-4月17日(周六至周一)
交通方法:可於港澳碼頭乘美高梅穿梭巴士,在酒店正門下車
網址: www.mgm.mo

延伸閱讀:澳門美食 小旅行 | 復活節2日1夜 掃街搵小食、歎下午茶 (含地圖)0405gotrip_macau_og_148895431458e28c718eeb7

相關文章