「好難儲錢呀!」「點解啲錢有出冇入呀?」有冇發現呢兩句說話成日都聽到?冇錯,每人身邊都有個月光族!如果你唔想成為其中一分子,就要睇下以下 6招 快速儲錢法 ,輕鬆儲錢冇難度。咁就唔使成日羨慕朋友周圍飛去旅行,自己就日日捱麵包都儲唔到一張機票啦!

圖片來源|香港投資基金公會、新傳媒資料室(原文刊登於 《 經濟一週》)

6招快速儲錢法

01 | 儲完錢,先至諗使錢

「先儲錢,後使錢」係個永恆不變的道理。面對生活好多挑戰,呢筆錢係非常重要!開始建立良好嘅儲蓄習慣,好讓財富可以一步一步累積。先為自己訂立每月儲蓄目標,先把錢儲起,再慢慢使用剩下的金錢。

另外,你可以實行「邊使邊儲」計劃,就係每用1蚊就儲番1蚊,一來可以減少亂使錢嘅機會,二來可以確保一定有錢儲。

6招快速儲錢法

02 | 做好預算

有好多人都人工月月清,未到月尾就開始話「冇錢啦,冇錢啦」。不過…

只要你每個月都願意花半小時去做份財政預計,「月月清」嘅問題就可以解決了。唔需要太仔細,大概預計一下衣食住行、電話費等每月必要開支。

有了預算之後,就可好好分配每方面花費。有了花錢的藍圖,你就可以按着計劃行事,減少多花錢的機會。

6招快速儲錢法

03 | 唔好唔理風險,亂投資

成日聽人講「回報高嘅投資產品,風險一定高」,所以有好多人都會為咗可以有高回報,就去買一啲高風險嘅產品。可是,大部分人一聽到係好回報就忘記了有高風險一回事。其實咁樣係非常危險,好容易得不償失。

因此,你要做好風險管理,了解各個投資產品的風險,做好兩手準備,萬一蝕錢都知可以點做。

圖片來源:香港投資基金公會
圖片來源:香港投資基金公會

04 | 唔好有錢唔還,去炒股

欠落一身卡數就唔好學人投資啦!可能你會即刻反駁話:「投資賺咗錢,連本帶利還都仲得啦!」但係呢句說話,係有兩個謬誤。

第一、你唔一定有錢賺,投資市場有輸有贏,點解你覺得一定可以有錢賺呢?
第二、利息疊利息,最後要還嘅數字,你可能負擔唔到!

所以,如果有債務,就先處理好,之後先去投資!

6招快速儲錢法

05 | 唔好亂買嘢,買完又唔用

出去行街,見到件好靚嘅衫,雖然你已經有好多衫,但係好容易,你就會畀錢買。其實咁樣嘅消費模式,好容易就會使多咗。

因此,出去行街前,先寫定張購物清單,諗定自己有咩需要買,咁就可以防止自己買多咗,省番唔少錢。

06 | 培養記帳習慣

用下用下先發現自己啲錢唔見晒,唔見晒都唔緊要,最大問題係唔知啲錢去咗邊!

6招快速儲錢法

所以,你要有記帳嘅習慣,就可以知自己啲錢用咗喺邊幾方面。掌握自己用錢習慣,絕對可以幫到你改善亂使錢嘅習慣,錢都儲多啲。

下一頁:【旅行前必睇】9大熱門旅遊保險2019計劃大比拼|最平$38/日!

相關文章