唔少孝順仔女都諗過/試過,帶埋屋企人來趟家族旅行,不過講就簡單,如果準備行程唔夠貼心,輕則長輩嬲豬黑面,重則被阿媽化身唐僧,哦到返香港。唔想將孝心好事變成壞事,起行之前記住先睇睇一班網民對一家人去旅行的意見和分享啦!
text:[email protected]港女講旅行

佢想觀光,但我想行街……

很多人都想 帶長輩去旅行 ,就是想帶他們見識世界、試新嘢、食好嘢……不過你諗所謂的好,父母又未必鍾意,所以第一點要記住,在出發之前,最緊要同長輩有共識。如果他們想觀光睇風景,但你卻是一心想帶他們行街掃平貨,隨時變「旅行災難」!有時間更可以同長輩商量行程,或者預早把行程告訴他們,先至可以避免旅程不開心。

surveyQ1

去天台酒吧,但媽咪畏高!

面對一班親戚,即使旅遊達人,都有失手之時,泰國通胡慧冲就試過。「上年媽咪帶埋親戚來泰國,一心帶佢哋去最新的商場行街,但佢就話香港都買得到;去靚景天台酒吧就畏高,搞到我勁冇癮。不過去到最尾,媽咪話只係想見下我,同我食餐飯就滿足。所以計劃行程之前,先了解長輩的心意和喜好先至係最緊要!」

surveyQ2

阿媽心思好難估,作為泰國旅遊達人的胡慧沖,帶媽媽在「地頭」旅遊都失手。
阿媽心思好難估,作為泰國旅遊達人的胡慧冲,帶媽媽在「地頭」旅遊都失手。

去到邊都要食中餐

其實父母出國旅遊,可以同班子子孫孫相處,已經好滿足。記住以下兩點,就包保整個行程開開心心,唔使被阿媽呻爆。第一,行程切忌太緊密。雖然好想帶長輩見識多啲,但人老腳仔軟,預多些休息時間;第二,每日都至少有一餐食中菜,或者「有米氣」食飯。如果去亞洲國家都易解決,但去歐洲餐餐牛肉、漢堡、意粉,阿爸一定黑面。名廚Jacky Yu都試過旅行帶長輩食貴價米芝蓮,但最後教訓卻是唔好搞太多花臣,有飯有菜父母就唔扭計。surveyQ3
surveyQ4

去旅行,邊個畀錢先?

同父母去旅行,都係想盡孝心,好多時都是由一班年輕的後輩出錢。藝人河國榮說:「一家人冇計,即使邊個出錢都冇所謂啦!不過我的父母已經退休,所以我們每次旅行,多數由我呢個做仔嘅畀。除了錢銀問題,大家安排行程嗰陣,千祈唔好太緊密,上次佢哋來香港探我,就係因為我貪心安排好多行程,反而令佢哋好攰。」surveyQ5survey02

資料來源:由《新假期》主辦的「第16屆最佳旅行社選舉」公布結果,同時公布於2016年11月17日至12月4日期間進行「帶着長輩去旅行」 問卷調查結果。