就新年喇,又係外遊鳩峰期,想分享下發生過喺我身上嘅意外~唔好以為 行李寄艙 就安全,意外意外,意料之外!話說當年幫親友喺歐洲買咗個名牌銀包之後唔啱心水,佢話可以喺日本換貨,咁我又咁啱會飛日本,就幫佢攞去日本換啦。返嚟嗰程見程機好爆唔想冇overhead locker,又見個喼重重哋,就check -in咗個細黑啦。

TSA鎖被撬 返到屋企先發覺唔對路


一撳個TSA鎖,其中一個拉鏈扣彈咗出嚟!再細心睇一睇,原來係拉鏈頭個鈎被人撬起咗,即使個TSA鎖仍然係lock住拉鏈頭,條拉鏈依然開到!!!仲要開完可以拉番埋再冚番個鏈頭落去,唔開鎖係睇唔到分別!屌,手法之純熟真係嚇咗我一跳。唔使問阿貴,個名牌銀包當然影都冇啦。再睇一睇,我個喼入面嘅其他嘢依然好整齊,我就諗,會唔會係機場入面做嘢嘅人用X-ray scan到銀包嘅金屬logo先開喼攞走? 唔係嘅話,係點做到囊中取物呢 ?

TSA鎖被撬
TSA鎖被撬。

TSA鎖被撬
太大破綻!鎖唔似鎖(最後報警先有賠償)。

相關文章:防止行李失蹤的9個秘訣!

日本黑市交易 原來比我想像旺盛!

之後我就search 「日本」「機場」「失物」,睇下有冇前人遇到呢個情況,一睇,仆你個街亞視嚟嘅!原來因為日本名牌嘅定價比其他國家貴,行李失物嘅黑市交易係非常猖狂!!嗚哇!!你明唔明崇日撚如我係幾傷心?

最後經過一大輪影相、e-mail、報警、電話來往,航空公司有賠到畀我(好撚彩咋,我幫人買咋)。想綜合幾點等大家唔好步我後塵。

無喇無喇!TSA鎖被撬
鎖頭被解體。

相關文章:機艙有小偷!| 搭飛機千萬小心!疑似偷竊集團出沒

慎防盜賊之 5 項 寄艙要點

01 | 貴重嘢要跟身

尤其有金屬部件的物品,相機同電腦也不例外,我自己係抱住「呢啲可以被人偷」心態執寄艙行李。

02 | 張單要跟身

如果喺外國買咗嘢又諗住寄艙,最起碼張單要跟身,大吉利是上嚟,都可以報失同claim錢。

03 | 要 keep 行李ID tag

機場check-in寄艙時,地勤人員會畀張行李ID tag你,咪嚟手扔咗佢,有事上嚟靠佢喇。

04 | 要多個 TSA 鎖仔

唔好以為喼上有TSA鎖就好安全,道高一尺魔高一丈呀屌⋯⋯買多個extra嘅TSA 鎖仔啦!

05 | 旅遊保險的重要性

唔怕一萬最怕萬一,被人偷呃拐騙成世人流流長點都會遇到一兩次嘅,出門前買個旅遊保險啦~

tsa_belt

下一頁:酒店夾萬 | 真的可以力保不失嗎?

相關文章