【澳門美食2019】澳門美食多籮籮,所以 新年澳門掃街 又點少得食!不想錯過美食,又不想漫無目的地吃,撐壞肚皮,就要有專人帶路!為大家推介鄰近 大三巴及官也街內的 澳門平民美食 ,提供埋各店農曆年休市啟市時間,包冇食錯!

文:Elaine、Rita、Mandy (《新假期》) | 攝:Chi、Mark (《新假期》)

【澳門美食2019】新年過大海掃街 | 10大 澳門平民美食店 推介!

01 | 澳門胡椒餅

用獨家炭烤方法炮製,令烤出來的餅能夠平均受熱,更能鎖住豬肉的肉汁以及胡椒的香辣味。熱呼呼的胡椒餅到手時,仲可以嗅到外皮的芝麻香。餅皮看起來有點硬,但入口出奇地鬆軟,徒手撕開餅皮亦冇難度!

澳門美食2019

台灣帝鈞炭烤胡椒餅

地址:新馬路大炮台街 1C 地下 (本店)、澳門大堂巷和翠台地下 A 座 12-E (分店)
營業時間:11:00am-9:00pm (新年無休) / 11:00am-10:00pm

電話: +853 2836 2363

02 | 滑滑豆腐花

榮記荳腐憑著真材實料,多年來堅持以黃豆磨製豆腐而不加石膏粉,新鮮磨出的豆腐滑嫩又有豆香,炮製成多款豆腐料理!號稱磨出全澳最滑豆腐的榮記,聞說當年葡萄牙總統到澳時都有食佢呀!

澳門美食2019

榮記荳腐

地址:新馬路果欄街 4 號地下
營業時間:8:30am-6:30pm (初五啟市)
電話: +853 2892 1152

03 | 意大利手拉雪糕

檸檬車露的雪糕標榜脂肪含量只有 0-8%,比一般雪糕的 13%遠為低,每日新鮮製造,以健康、低脂及創新口味的雪糕為宗旨。招牌檸檬車露口味的雪糕有香濃的檸檬味,感覺似飲檸檬沙冰。

澳門美食2019

檸檬車露
地址:新馬路大堂巷 11 號地下
營業時間:11:00am-11:00pm (新年無休)
電話: +853 2833 1570

04 | 老字號榴槤雪糕

80 多年老字號的莫義記,其榴槤雪糕早已家喻戶曉,一開蓋隨即飄來榴槤之香。如果不吃榴槤,可以一試木糠布丁,上面鋪滿餅屑,底下的口感則似雪糕,又似奶凍,冰冰涼涼。

澳門美食2019

莫義記
地址:氹仔舊城區官也街 9 號 A 舖
營業時間:9:00am-11:00pm (新年無休)
電話: +853 6669 5194

05 | 鬆脆軟滑葡撻

長年都好多人排隊,位置方便,撻皮搓得夠薄夠鬆化, 濃郁牛油香和淡淡奶香,再加上微甜蛋黃餡,口感軟滑,入口即溶。$10 一個,超抵食!

澳門美食2019

安德魯餅店
地址:路環市區戴紳禮街1號地下
營業時間:7:00am-10:00pm(新年無休)  2月6日:7:00am-7:00pm
電話: +853 2888 2534

06 | 百年餅家手信

講起澳門手信,好多人都會諗起杏仁餅,但澳門著名餅家又豈止一間呢?唔識揀的話,米芝蓮已經幫你揀咗!晃記餅家不設試食,推介肉切酥、杏仁餅和金桃酥!

澳門美食2019

晃記餅家
地址:氹仔舊城區官也街 14 號
營業時間:9:00am-9:00pm,初一至初四11:00am-8:00pm (新年無休)
電話: +853 2882 7142

07 | 心穎BB都食!北海道芝士蛋糕Pastry Snaffle’s

北海道出晒名嘅 Pastry Snaffle’s 輕乳酪蛋糕店,終於開到嚟澳門,連心穎BB都支持!店舖位於官也街附近,十分方便。Catchcakes 全部由日本空運直送,質素絕對有保證!

澳門美食2019

澳門美食2019
Catchcakes味道有原味、朱古力味、椰子味同抹茶味,不過當日去到就只得原味同朱古力味賣。

澳門美食2019
Catchcakes入口即溶,芝士味極濃,口感好似食緊空氣咁,但係同時又好飽肚,雖然聽落好矛盾,但係如果你食過就會明!

提提大家,如果心大心細唔知揀咩味好,可以選擇雙拼,價錢一樣,但係可以有兩種口味,都幾friendly。

Pastry Snaffle’s

地址:氹仔舊城區水鴨街15號喜來登廣場地下C座
電話:(+853)2857 6081
營業時間:星期一至日10:00am-10:00pm (初二開市)

08 | 網民推介- 伙兄弟美式越南粉

根據網民推介,原來伙兄弟美式越南粉的湯底係好好,清甜又足料。不過真係好多人去食,如果大家新年去食,真係要早少少同預時間排隊了!

澳門美食2019
番茄蟹膏湯底。圖片來源:伙兄弟美式越南粉 facebook

澳門美食2019
招牌火車頭。圖片來源:伙兄弟美式越南粉 facebook

伙兄弟美式越南粉

地址:澳門大街(營地大街) 140-A號 紅窗門大廈地下C座
電話:(+853) 2892 1782
營業時間:星期一至日11:00am-10:00pm (初四開市)

09 | 新增茶市 抵食順德炸鮮奶

之前都聽過呢間太艮堡陳老太順德料理幾出名,但係一直都覺得價錢有少少貴,所以冇去試。大部分主菜單上嘅嘢食茶市都有提供,可以過足口癮。

澳門美食2019

澳門美食2019
好少見到炸鮮奶有長條形,外層行鬆化路線,唔會太脆,食落唔會太甜,啱啱好。

澳門美食2019
炸春花卷其實係韭菜豬肉餅,同市面上嘅唔同,呢個炸春花卷十分足料,豬肉味超香!

澳門美食2019
煎墨魚餅非常彈牙,好似食緊墨魚滑咁,直頭懷疑廚師以100%墨魚肉製成,超足料!

澳門美食2019
食得順德菜,又點少得陳村粉呢?不過呢鍋豉油王炒陳村粉就比較多油,即使加咗木耳,都中和唔番個油分,而且炒得亦唔算均勻,建議大家想試陳村粉嘅,可以試排骨蒸陳村粉,冇咁油膩。

太艮堡陳老太順德料理

地址:新口岸孫逸仙大馬路澳門漁人碼頭意大利館地下
電話:(+853) 2881 3322
營業時間:星期一至日11:30am-3:00am (全年無休)
茶市時間:11:30am-5:00pm

10 | 澳門名物  世紀咖啡厚蛋多士

香港出名有「厚多士」,澳門都出名有厚蛋多士。世紀咖啡外賣店位於大三巴附近嘅小巷盡頭,記者都差啲 miss咗睇佢唔到。店外長期都排住長龍,無論本地人定遊客都有,有網民話世紀咖啡係大三巴附近少數本地人仲會幫襯嘅食店,質素有番咁上下保證。

今次冇揀到豬扒包,反而揀咗鹹牛肉,鹹牛肉味道啱啱好,唔會太鹹,重點係個厚蛋!真係好好味!好好味!好好味!(重要的事要講3次。)厚蛋煎得啱啱好,咬開入面仲有蛋漿流出嚟,絕對唔會太老,一個字:冇得彈!

澳門美食2019
鹹牛肉厚蛋多士

除咗多士之外,花生奶油方塊亦係另一推介!雖然近幾年好多地方都有得食類似嘅甜品,但係呢個絕對係我食過最好味嘅奶油方塊,每塊都烘得啱啱好,唔會太腍又唔會太硬,而且花生醬同奶油都十分足料,每啖都會被醬料「漿」住個口,超級邪惡!再加上有花生粒喺表面,口感更加豐富。

澳門美食2019
花生奶油方塊

叫得世紀咖啡,又點少得咖啡呢?呢度嘅咖啡係用炭燒瓦煲煮成,熱飲炭燒味比較濃,變相有啲苦,不過可以自己加糖;凍飲就反而有啲太甜,記者喺現場都聽到唔少熟客都叫少甜,下次嚟到都會醒目識得叫少甜。

澳門美食2019
左:秘製香滑奶茶 右:炭燒瓦煲咖啡

世紀咖啡外賣店

地址:新馬路賣草地里7-15號長信大廈地下
電話:(+853)6377 9664
營業時間:星期一至日11:00am-7:00pm (初五開市)

相關文章