今年冬天凍都唔凍下,countdown當日竟然可以短袖衫加薄褸出街。我去到挪威北部的北極圈內採訪,除咗睇極光之外,住 冰酒店 亦是那次旅程的重點項目!去過北海道雪祭、去過聖誕老人競技賽,也去過俄羅斯極凍雪村,呢次可算是本人首次住 冰酒店 。不過,我可以好firm咁講,一次就夠皮,冇下次!

地點:挪威Kirkenes


酒店:Kirkenes Snow Hotel
採訪:fancare

一年一度 雪地限定極冰酒店

入住冰酒店有何感覺?最深刻的印象,正如酒店負責人Helge的忠告:「住完第一晚,才考慮是否想再試多一夜吧!」還記得我從Tromso坐郵輪經過挪威最北端的North Cape,來到最貼近俄羅斯的城市Kirkenes(都真係冇雷公咁山卡啦),時值1月時分,日短夜長滿地白雪,而且一年只有冬季才有得住冰酒店,天時+地利+人和,當然要體驗一下。

外表沒啥特別的冰酒店 Kirkenes Snow Hotel。(林志華攝)
外表沒啥特別的冰酒店 Kirkenes Snow Hotel。(林志華攝)

雪白完美冰酒吧,冰雕加冰酒,飲一杯都暖到胃嘅。(林志華攝)
雪白完美冰酒吧,冰雕加冰酒,飲一杯都暖到胃嘅。(林志華攝)

甫check-in酒店,外表白雪雪沒啥特別的雪洞內果然別有洞天,冰雕雪雕加埋冰燈冰酒吧,影相真係幾靚。住 冰酒店 ,總會標榜冰窖內長時間維持攝氏-4度,比起室外零下十幾廿度「舒適」(明明當地酒店實有暖氣,點會零下4度係賣點?),而且酒店會提供極耐寒睡袋,足以度過雪藏之夜,我參加埋酒店安排的冰湖鑿冰捉皇帝蟹day tour、吃飽鮮甜蟹棒肉之後,戲肉終於上演--瞓覺!

1508
木屋餐廳有火爐取暖,是未入睡客人的集中營!(林志華攝)

1802
最記得當日出冰湖鑿冰取皇帝蟹,白烚都超級好味!(林志華攝)

紮粽寒戰9小時

回到我的冰室,根據指示,只要穿上薄衣、棉襪和冷帽,鑽進重形睡袋就可保持體溫於30多度。起初還好哋哋瘋狂拍照,到真正躺下來瞓,才發現,冰房好光猛喎!是咁的,冰酒店通常為了看起來夢幻,在牆身、床下底、門框等想像得到的位置都加入大量燈飾,夜晚是不能關燈的!即使關掉大部分燈,雪白的房依然亮麗耀眼,需要經過好一段時間才能入夢。

著起重型禦寒睡袋瞓,依然凸出一個人頭,證明體溫係會流失的。(林志華攝)
著起重型禦寒睡袋瞓,依然凸出一個人頭,證明體溫係會流失的。(林志華攝)

未瞓覺仲可以好開心玩light painting,之但係瞓覺就唔好受了。(林志華攝)
未瞓覺仲可以好開心玩light painting,之但係瞓覺就唔好受了。(林志華攝)

睡覺時,戴晒頸巾、冷帽、冷襪瞓,體溫還頗舒適,只剩下面部暴露於空氣中。瞓唔夠一陣,醒了,眼光光,手埋藏在睡袋核心睇唔到錶,唔知幾點,再瞓,又瞓唔夠一陣,寒冷氣溫下實在難以安眠,而且冰室又沒有窗,不知天光天黑,那晚,都幾難捱。而且愈瞓愈沾寒沾凍,心諗,幾時先天光?矇矓間聽到房外有人聲,應該天光了,而且寒冷天氣極急尿,我要破繭而出,但離開睡袋一刻溫差超!級!大!真心打住冷震光速著番件雪凍了的大褸和鞋,震住衝去冰屋30米外的木屋小解,好彩安全抵壘!(隔籬房話,下次可以將外套攝埋入睡袋同眠!)畢生難忘的體驗,係要試一次嘅,但係,一次就夠!

1504
每間房都有不同冰雕,呢間係瑪莉蓮夢露,可以瞓喺佢裙下應該好暖。(林志華攝)

呢間係,er......打出肥腩嘅Winnie the Pooh……(林志華攝)
呢間係,er……打出肥腩嘅Winnie the Pooh……(林志華攝)

INFO> Kirkenes Snow Hotel
網址:kirkenessnowhotel.com
房價:2,675挪威克朗(約HK$2,400)
參觀入場費:630挪威克朗(約HK$565)

下一頁:一生人要睇一次|極光旅行 禦寒衣著穿搭+裝備6大貼士

【酒店批評】 冇下次!零下20度住 冰酒店 一次就夠皮

延伸閱讀:睇極光 不一定要在冬季!港人分享 黃刀鎮成功捕獲極光貼士

【酒店批評】 冇下次!零下20度住 冰酒店 一次就夠皮