韓國人鍾意飲酒就係人都知,問過韓妹朋友如何訓練酒量,除了由細飲到大,亦因為韓國酒款超級多,又有不同易入口的口味,所以即使怕苦澀的女仔都有大把選擇,每晚晚餐都乾杯飲勝自然養成好酒量!再問問近期大熱酒款,個個都推介今年11月初新推出的「 19禁可樂」 (Sultan of Cola),因為酒精濃度有5%,多喝仍有醉酒機會,因此被冠以「成人版可樂 」之稱。作為韓國線記者,當然要為大家試一試,睇睇係唔係有料到啦!

超難搵!行足10間舖先搵到!


問過朋友,發現原名Sultan of Cola的「 19禁可樂」原來只會在7-Eleven搵到,不過在弘大區、江南區的分店都完全搵唔到,問店員先知原來已經賣晒要等入貨!作為記者,當然要有永不放棄的精神,最後行足10間,在江南旁的鶴洞區就終於被我搵到啦!問過在首爾working holiday的朋友,連佢都話好少見,因為韓仔韓妹一見到有貨會即掃幾罐返屋企,尤其在旺區的7-Eleven絕對係買少見少,所以,如果大家想試,去舊區或較少人去的地方搵搵吧!

Sultan_of_Cola01
第一間,本來以為會即刻搵到,點知原來係噩夢的開始……

Sultan_of_Cola02
打開雪櫃:冇啊冇啊……店員話:「每逢到貨就會立即沽清。」勁誇張!

Sultan_of_Cola03
轉場!繼續搵!

Sultan_of_Cola04
成個雪櫃都係酒,就係冇紅罐的「19禁可樂」……

Sultan_of_Cola05
行到第10間「些粉」,終於被我搵到啦!

t7eleven_0101
搵你真係搵得好辛苦,一定要好飲啊!

親身試!飲完真係有少少醉!

付款後即試,入口微甜,酒味唔算重,反而有一點威士忌的味道,加上似可樂又有碳酸,所以非常易入口,難怪會成為韓仔韓妹近期開P必備!不過睇成分時發現酒精濃度有5%,跟一般啤酒差唔多,A君我試飲咗成罐,因為朝7晚10做嘢唔夠瞓而且又未食飯,真係有少少醉的感覺,好彩拍片時冇喊冇亂講嘢,如果唔係就一定會被大家叫做「新假期吳幸美」!咪話A君唔提提大家,飲幾罐絕對會醉,所以易醉人士記得要量力而為啊!

售價:₩2,000/HK$13

必試推介:★★★★★

Sultan_of_Cola06
睇顏色,真係同可樂似到十足十!

Sultan_of_Cola07
即飲!味道其實偏甜,好容易入口!

Sultan_of_Cola08
睇清楚!酒精濃度有5%,同普通啤酒差唔多!

t7eleven_0102
由於真係有少少醉,所以我真係瞓咗10分鐘先敢行!

t7eleven_0108
試味報告:「今次幾款啤酒中,最有驚喜一定係19禁可樂,好鍾意有啖啖威士忌味,但入口唔會太嗆口!其他水果酒反而重果味,愛酒人士可能會覺得冇料到,不過女仔一定鍾意飲!」

其他推介 01 | 蕉味濃!香蕉氣泡酒

售價:₩1,700/HK$11

必試推介:★★★★☆

好多人去首爾一定飲香蕉奶,原來亦有新出香蕉氣泡酒!入口有濃濃香蕉味,而且酒味唔會太重,所以非常易入口,女仔一定會鍾意!

t7eleven_0103

t7eleven_0104

其他推介 02 |韓國限定!Hoegaarden柚子味啤酒

售價:₩2,500/HK$16

必試推介:★★★★☆

這款柚子味啤酒的酒味強勁,但柚子香令啤酒入口時帶清新感!期間限定發售3個月,賣完即止,所以想試的朋友仔記得要快手!

t7eleven_0105

t7eleven_0106

其他推介 03 |宋仲基愛飲!Hite芒果啤酒

售價:₩2,500/HK$16

必試推介:★★★☆☆

酒精濃度只有2.5%,比普遍水果酒的濃度更低,芒果味濃郁甜味又重,唔小心飲多幾杯都唔怕會醉!

t7eleven_0107