講到食海鮮，香港人多數會諗起西貢、三聖、布袋澳等熱門地點，但冇諗過可以坐新開通的南港島綫入鴨脷洲平食海鮮！

先去鴨脷洲街市揀海鮮，$60 一大兜紅毛鏡（元貝）有成 30 隻、大蟶子 $110 等，買齊料後可以去鄰近餐廳／2樓熟食中心加工！當晚由於家人推介的澄海小館已經滿座，我們就轉場到位於鴨脷洲大街的金寶海鮮酒家！

$160／兩隻 花蟹夠鮮甜

當晚一行 5 大 1 BB食咗黃腳鱲、粗過手指的九節蝦、蒜蓉粉絲蒸紅毛鏡、大蟶子、鹽水粉絲浸花甲、花雕蛋白蒸花蟹！

花雕蛋白蒸花蟹係我至愛，花雕味剛剛好，蟹肉鮮甜啖啖肉！

鹽水粉絲浸大花甲 少量有沙

或者我比較好彩，一直都吃不到有沙的花甲，但家人間中就會吃到。

紅毛鏡又平又多， 肉質鮮。

在街市買了一兜紅毛鏡，後來廚師說有 30 隻之多，所以勸說我們只蒸一半，另一半拿回家急凍，第二日再食。

紅毛鏡跟扇貝是否有點相似呢？光看外表或許分不出，但紅毛鏡食落滑身鮮甜且不韌，我們可說是光速吃光了這碟。

大大隻蟶子 說好的清蒸呢？

雖然我們叫的是清蒸，可是廚房弄錯了蒜蓉粉絲蒸大蟶子，還是要吃吧！大蟶子肉口感彈牙，粉絲吸收了醬汁的味道，但我還是較喜歡清蒸的做法。

2 斤黃腳鱲 烹調時間拿揑好

 

 

粗過手指九節蝦 爽脆鮮甜吃不停

不少蝦肉都有手指般粗，食落肉質爽脆，吃完還想再來一碟！

最後仲有傳統糖水，這間舊式酒樓很有懷舊風味。

金寶海鮮酒家（當晚食嗰間）

地址：鴨脷洲鴨脷洲大街67號

澄海小館（家人首推）

地址：鴨脷洲悅海街
＊街市同餐廳超近將來南港島綫的利東站 A 出口，不過到時唔知會否加價。

－－－－－－－－－－－－－－－－

:) 來 fb 給我一個 like：Alice in Adventureland 瘋帽子茶會