話說公司幾年前喺經濟同商務艙中間搞撚咗個新嘢叫特選經濟艙(premium economy),個位闊啲,餐具用番steelware,可以挨後啲不過冇得瞓平晒,仲有 welcome drinks 呀細水等似 business 而又非 busi-ness 嘅 service,價錢大概比經濟艙貴三成。嗰日同啲 crew 講起,發現最撚多閪客,就係呢個cabin,無他嘅,比上不足,比下有餘囉!
個個畀多少少錢就以為自己真係 business 客,以為自己高 econ 一等好撚優越咁。我真係嚇咗一跳,然後得啖笑呀屌。

遲 check-in | 大罵「點解冇 BB 籃位?」

剛剛飛完班長機,有一行五人,一對母女一對細路再加個 B,得個阿婆坐 EY(經濟艙),其他人都係 PEY(特選經濟艙),boarding 已經大鬧 cabin 話點解冇 BB 籃位,仲夠膽死大大聲話自己 40 分鐘前先 check-in,又話係 book 錯搞到個阿婆落咗去 EY,難為三個 ground staff 上嚟被佢哋省,唉!咁遲check-in肯畀你上機已經偷笑啦!好彩其他客好人,肯同佢哋調,但個阿婆已經我每行過一次就捉住我一次,捉到佢個女都叫佢,MOM,NO。?

圖片來源:Bassinet Hammock Galleries
圖片來源:Bassinet Hammock Galleries

全程強調 「我是 premium economy 客!」

跟住成程機,個阿婆都冇放過我哋,訂咗 spml (特别餐膳)又話難切,要 premium economy 嘅餐具;切到喇,又話難食;做完 service 要 close curtain,又話自己要上 premium economy 幫手湊孫,要 snack 同水嘅時候,都不厭其煩提我哋佢係 premium economy 嘅客,總之我十幾個鐘就係360度環迴立體聲「 premium premium premium premium premium」⋯⋯

我極度懷疑個女係特登擺個阿媽去EY!

其實呢,premium economy都係 economy嚟啫!我哋都夠話自己係 premium airline 啦!邊度premium呀睇過~~~?你上面仲有商務同頭等,哪來的自信呀?不要衝出來柒啦好不好呀?

 同一個艙 同樣服務

可能上到機,無論你住豪宅定公屋,千萬生意人定打工仔,只要你係坐呢個cabin,個個都坐一樣嘅位、食一樣嘅嘢、得到一樣嘅 service,有啲人自卑自大慣,就巴不得用 PA 想話畀人聽「其實係高人一等」與眾不同,例如死都唔自己放行李呀、佢個袋幾撚貴唔可以同其他人嘅行李擺埋一齊呀、R其他cabin嘅嘢呀乜乜柒柒。

乜你阿媽冇教你安分守己咩?坐econ咪食EY餐飲EY酒囉,坐business就唔好同我R頭等睡衣,畀你R到高一個cabin嘅芝士啦又點呢?咪代表你個人格剩係值呢碟爛鳩芝士囉! 醒下啦!

其實有禮貌又識尊重人嘅客就好似漆黑中嘅螢火蟲一樣,坐到邊都一樣咁出眾,唔使靠把口或者其他道具嘅~

premium_econ

下一頁:寄艙行李 TSA鎖被撬!遊日返港未能幸免 | 麻甩空姐

相關文章