有時真係覺得呢間公司好撚戇鳩。明明加多一個人手可以解決嘅事,死都唔肯。寧願每個月轉一次service trial,個個月印幾萬版彩色紙,都唔肯畀千幾蚊多個人上嚟做,轉頭又嫌人哋做得慢。

機上提供水喉水、30個客爭一張氈


圖片來源:Daily Mail
圖片來源:Daily Mail

話自己係premium airline, 又要收得貴又乜都冇,夠膽死到今時今日仲畀水喉水啲客飲;一班機 356 個客上四袋氈,平均三十幾個客爭一張氈;餐膳又縮數,到冇人搭先嚟賤賣機票,連 sell 優越感的商務艙都平嗰下抵死。隔籬台日本經濟艙有冷麵有豆腐花,做乜要畀多啲錢食你條Kit-Kat?

唔諗下點解啲機成日唔準時,啲機冧一隻動全身,tight connection 唔理,壞機唔理,flight planning唔理,反而叫你哋唔好同機頭扼手慳嗰十秒八秒,有剛剛到嘅crew都未落晒客就推啲清潔姐姐上嚟人jam人,結果kick死晒戇鳩鳩。

大量購入新機 設計差、唔肯改

又話要慳錢,連員工自組嘅 Christmas carol 都唔肯畀錢,boarding pass 又變埋單色,但又畀幾千幾百萬買啲會冧嘅tray、多咗一橫嘅碟、完全罔顧 OHS(職業健康及安全)嘅咖啡茶壺⋯⋯又花車又Rugby Seven,仲有色盲色弱人士分唔到分別嘅 rebranding。

買新飛機,config 弱智唔緊要,可以之後嘅機改番好,吖你搞埋個 working group,反映完畀你聽又唔理又叫啲crew自己搞掂,客冇位放行李,galley packing 戇鳩,乜都話冇得改,喂你依家買五十架唔係五架喎!冇 bargaining power 咩?

十幾萬樣嘢可以做,偏偏搞鳩啲 crew,個癲雞訓導成日食飽飯冇屎屙捉人grooming,中學咩依家!啲grooming standard仲係阿梅 / 貓王年代咁,又捉人掛嘢上喼話影響形象,收工幾廿個喼一模一樣點認呀?個luggage tag你又cut埋!

人手少卻要求高效率 減福利又想員工愛公司

又要刻薄肯為你仆心仆命嘅員工,又要班員工服務好有笑容,唔畀夠人又想快靚正,發夢。對外就加薪轉頭又cut pattern cut allowance,刻薄完人又想員工愛公司,係咪諗多咗?

講你又唔聽,聽你又唔做,做你又錯focus,錯又唔肯改?? 尋日先同同事講,或者要唔上心先可以喺度做得耐,當年我返工見到成個機場啲機尾都係自己公司 logo 好撚 proud 呀,著起制服都自感優越,依家放工第一時間換制服先,廢事被人叫我搬行李。

PS: 嗰啲「咁辛苦咪唔好做囉」論嘅人,我係好鍾意我嘅工作,係睇唔過眼公司自甘墮落啫!又或者可以介紹下有咩工唔辛苦~

相關文章