秋生哥條片出街後,個個都話要用Airbnb訂靚民宿!而其實Airbnb已經在旅人界爆紅咗一段時間,Airbnb有齊世界各地民宿,選擇多兼價錢平,最重要住宿大部份是當地人屋企,設計唔似酒店咁一式一樣,甚至廚房、洗衣機都有,夠哂屋企Feel,所以好多人都鍾意用!不過最令大家頭痕嘅係,佢就好似旅遊版Uber,於多個國家都引起咗許多合法性的爭議。咁到底用佢訂房有咩要注意,必睇三大疑問大拆解!

tokyo_airbnb_005

Q1.啲民宿屬非法經營?

A:絕對有可能!經營民宿一般要向政府申請,以日本為例,《旅館業法》寫明民宿一定要有牌照,證明設施夠安全,先算合法。但日本國家旅遊局話,現時Airbnb上的民宿應該多數都無牌,屬違法經營。部份歐美國家雖會彈性處理,但始終唔容許無牌民宿合法化。而Airbnb只係一個網上平台,人人都可以擺間屋上去放租,有無牌都無王管,所以有機會揀到非法民宿。

Q2.住客有咩自保貼士?

A:以下4點,要好好記住:
1.訂之前問清楚屋主有無拎牌,無就要諗過先啦!

2.出發前講低民宿地址俾屋企人聽,有咩事都可以追查。之前有人試過俾變態屋主禁錮,但警察唔知地址會好難救人。
3.記得刨晒住客嘅點評,再上屋主Facebook望下,睇下佢係咩人先好訂佢間屋。
4.其實Airbnb有隊攝影組,專幫民宿影相,照片都會有Airbnb水印,證明屋主無偷圖呃你,所以揀呢類民宿會比較有保障!

tokyo_airbnb_006

Q3.住無牌民宿出事,保險有無得賠?

多間保險公司都話住Airbnb唔算犯法,所以唔會因此而喪失保障。昆士蘭保險表示,政府條例主要針對無牌民宿的營運者,但入住者未必算犯法,所以如果發生意外,有買旅遊保仍可按條款索償。不過AXA安盛就建議大家揀返有牌民宿,始終有法例規管會安心啲。

Airbnb背景資料
tokyo_airbnb_007
-2008年成立
-逾2,600萬人使用
-提供超過80萬間民宿
-遍布全球逾190個國家

相關文章