由細到大,我都是實幹型女生,近年忙於為事業打拼,眼見快要步入3字頭,生日願望只有一個:「盡快出pool」。可惜世事往往不如人意,每逢大時大節就更顯凄涼,情人節更加慘慘豬!正所謂幸福要靠自己爭取,今年我決定主動出擊搵節目。最近我發現有旅行社將於情人節檔期帶團去東京輕井澤滑雪,此團專為單身人士而設,可以 滑雪媾仔 ,姊妹們,即決無慮!

撰文:阿妹今晚去旅行

2月14滑雪進補大解放

去旅行一向都係識朋友嘅最好時機!單身女子如我,一支公去旅行社報團難免尷尬,好彩Snowcat今年於情人節檔期舉辦滑雪團。此團只接受單身人士報名,擺明車馬識朋友,啱晒單身一族!揀唔啱點算?Come on!咪當識多個朋友囉!話唔定有意外收穫呢!我已經致電查詢,主辦單位表示男仔房full晒,女參加者仲有機會,心思思想報名?等我話你知有咩要注意啦!

d_niseko
全程有香港教練同行,同聲同氣,初學者滑雪就更加放心!

Q1. 幾時出發?

A. 2月11日出發,2月15日返港,乘搭香港航空,4晚均入住輕井澤王子酒店西館小木屋。此團開宗明義主攻單身一族,實行情人節滑雪兼聯誼,暫時只設一團!

101-(1)
輕井澤晴天率達90%,學滑雪都零舍盡興。

Q2. 幾多人成團?住宿點安排?

A. 6人成團。主辦方會安排單獨團友與同性別團友泊房;二人房定價$6,980;怕「生暴」的話,可加2千蚊住單人房。輕井澤王子酒店西館小木屋設一廳和4房,團友仲可以喺晚上傾心事,真係諗起都開心!

200904271128375998640943
夜媽媽仲可以同團友談心,感情升溫話咁易!

Q3. 除咗滑雪,行程仲會去邊?有咩搞作?

A. 此團主攻滑雪,行程第2至4日均全日在雪場,如果閣下頂唔順想走堂,一樣大把節目,皆因輕井澤雪場出名配套完善,附近更有大型outlet及過百間餐廳,玩完再行街shopping,破產都似!

 

200611122059315323680334
輕井澤又是婚攝熱點,閃婚再影輯婚紗相都絕對冇問題(好似諗多咗)!

輕井澤 5天滑雪團
價錢︰$6,980起
航班:香港航空
住宿:3晚輕井澤王子酒店
出發日期:2月11日至2月15日
查詢:雪貓堂 
sticker