「香港客難湊」向來是服務業界的心聲!近日航空界又有新話題。網絡廣傳一篇空姐大呻港客無理的文章(「比起大陸人,有時我更加怕香港人⋯⋯」),隨即惹來網民熱烈討論,此post一出,不少留言都勁插自己友。此外,就連地勤人員、空姐以至從事其他服務行業的朋友,都紛紛留言大吐苦水,列出事例證明「香港客離譜程度領先大陸客」。究竟香港客有幾難頂?正所謂有則改之無則加冕,睇下到底邊個最離譜。

COMMENT32
文章經各大傳媒轉載後,網民反應熱烈,仲有唔少外國人都頂香港人唔順!

 

01 | 馬來西亞空姐呻「港客奉旨冇禮貌」

眾多留言中,最感同身受的一定是一眾空姐及地勤人員,見盡世界各地離譜客人的他們,異口同聲表示港客勁惡頂,最估唔到係來自馬來西亞的空姐都有個案分享!

1COMMENT1
空中服務員最常受到不禮貌對待,客人老中青都有!

地勤也中招!

航空業界中,最受氣一定有地勤份,只不過有港客連其他公司嘅地勤都唔放過,仲用粗口問候人,勁無辜!

2COMMENT8
究竟冇學識冇文化差啲,定有文化冇禮貌差啲?唉!

02 | 港客機上離譜行為

綜合空服人員、網民經歷,港客最鍾意霸窗口位、大聲講嘢、霸行李櫃、貪小便宜等等等等,唔知你又有冇遇過?

港客四大離譜行為
講嘢大聲、不停嫌三嫌四、一家人打直排開獨佔窗口位、自己霸道然後投訴空姐「少少嘢都乜乜物物」⋯⋯能言善道嘅港式投訴mode,聽落真係好本土!

03 | 服務業界表示「港客似青山走犯」

眾多留言中,從事服務業的網友留言最踴躍,由本地零售業、酒店前台、接線生、澳洲餐廳侍應到在澳門賭場工作的朋友都曾同極品港客過招,他們遇到的港客直達地獄級程度!

comment50
圖中事主描述的冇品港客只係冰山一角!

港客惡頂,全世界都知!

com3
難頂港客劣跡遍布世界各地,有網民形容港客是文明的衰格,大陸客是原始的暴力,兩者不相伯仲。

最衰都係劉德華?
andylau

COMMENT12
有網民認為港人被劉華縱壞,希望劉華重拍廣告並換句新slogan。

 

04 | 冇得兜!港人都睇唔過眼「極品港客」行為

有乜慘得過同極品港客搭同一班機?咪就係落地又再次撞到極品港客囉!浸溫泉、大陸團,就連非洲人都頂極品港客唔順,失禮版圖方面,極品港客比大陸人有過之而無不及。

com5
唔怪得好多網民都話外遊時只講英文,見到失禮港人,都唔敢認自己友啦!

05 | 玻璃心網民:「港客都冇失禁……」

當然有彈亦都有讚,唔少玻璃心網民立即齊撐自己友,仲覺得港客起碼冇失禁,將旅客應有的品德操守降低至小學雞(或更低)程度,都唔知係好笑定可悲!

com6
除咗有玻璃心網民,亦有不少網民指出「近年空服人員質素下降」,不能只信一面之詞。

explaine