上回講到去完 USJ,翌日就想去睇紅葉啦,始終已經係 12 月上旬,男友都叫我唔好期望太多,不過姐一向都係不到黃河心不死的性格,點都要去下嵐山同京都先死心。

京都 Day Tour
12 月初 Join 京都 1 天遊,意外地仲影到嵐山天龍寺紅葉滿頃!

京都 day tour@ 麻甩空姐
好娘,不過送比你哋哈哈!

京都 day tour@ 麻甩空姐

回本價!包 JR 飛、自助午餐

買完 USJ 既飛,就睇下有咩 Tour 好玩啦,有時唔想鳩嗚又諗唔到去邊,我就上啲 local tour 網?吓有咩好玩,唔參加都可以 R 下 idea ? 今次就比我見到呢個由難波出發,經伏見稻荷去嵐山,再去京都金閣寺既 Tour,又有得去矖我想去既千本鳥居同嵐山,又可以喺京都解散,sightseeing 之餘唔洗自己搬行李 / 拉住兩個喼四圍走,仲就岩曬時間 check in 京都酒店,fit到仆街!

價錢方面,基本上係全包任砌,包左巴士車費、JR 伏見至嵐山段、嵐山貴川河邊自助午餐、嵐電嵐山至四条大宮,同埋金閣寺門票,單係 JR 段已經 ¥2,400,自助午餐都要成 ¥2,000~簡單黎講,就係:好、抵、屌!

同行既團友經唔同嘅 agent book,得我地有包自助午餐同金閣寺門票咋!優越感都完勝。哈哈哈哈……

京都 Day Tour@麻甩空姐
自助午餐望住渡月橋係爽既,仲有抹茶雪糕食!屌你正呀喂。

高質行程!零購物 喪影紅葉

行程方面,因為有兩個強國團友由出發到每個景點都不斷遲到?所以喺伏見稻荷嗰段趕到我地仆街,無啦啦變左光速團,屌,好嬲。大家如果要跟團,為人為己唔該準時啲,你都唔想伯母比人係咁問候架。?嵐山段,我地快食完個午餐,都夠時間行貴川同喺天龍寺怒影紅葉,而金閣寺行完都仲夠食個雪糕。而最令我地驚訝既係,成日係一秒叫你買野既時間都無!驚比人叫買野既可以放心~

京都 day tour@ 麻甩空姐
金閣寺個胡麻雪糕好撚好食。

京都 day tour@ 麻甩空姐
金閣寺,我講咗句,嘩屌好土豪啊!

京都 day tour@ 麻甩空姐
金閣寺紅葉

京都 day tour@ 麻甩空姐
嵐山真係好舒服好靚,有時間坐喺河邊望住貴川山水真係一流。

京都 day tour@ 麻甩空姐
嵐山人力車都好出名架,啲車伕又型又爆筋!

京都 day tour@ 麻甩空姐
千本鳥居

大阪集、京都散  轉場腦輕鬆

導遊講英文日文,會講少許歷史、規矩,唔講都唔為意京都係無垃圾桶嘅?仲會派各地點既彩色地圖,感覺良好,不過要留意番日本係唔興比小費㗎。

巴士上落車地點可以自選,上車可以揀梅田 / 難波 OCAT,而落車可以揀京都駅八条口 / 難波 OCAT / 梅田。我哋今次住嘅地方就喺正 OCAT 同京都駅前,近到笑。

老老實實,跟團時間上一定無咁悠閒架啦,行程亦唔夠自己 plan 咁靈活,但相對地完全解決左轉場既問題(唔洗拉喼、搵locker、折返拎行李頻頻撲撲又 side 時間),又唔撚洗用腦,睇你自己需要啦!如果你係會轉場住京都,我就會勁推薦!