出門去旅行,人生路不熟,除咗身處街頭時要小心,揀住宿亦非常重要!點解?因為當你入睡休息,就係完全零警戒嘅時候!以為除咗環境比較複雜嘅東南亞等地之外,住酒店就肯定冇事?就連出名安全、治安好嘅日本,最近都出現咗好幾宗賊人趁住客熟睡時,非法入侵酒店房爆竊嘅案件!入住酒店之後都唔好鬆懈,以下入住注意事項,記得要做足!

撰文+圖片:專家Gipson

01 | 不論日夜 入房開燈

我第一件事,係要開燈。點解?請參考番上回恐怖經歷分享……講笑啫!其實同迷信無關,因為自己唔鍾意黑漆漆的環境,唔夠光工作,好易傷眼㗎!

住酒店
天然光就係最好的燈光。

02 | 搜索插頭 無一遺漏

除了燈之外,插頭都係酒店房容易失靈的設備之一。尤其是依家出差採訪,有幾百萬樣電子產品要叉電:電話啦、電腦啦、相機啦、Wi-Fi蛋啦!如果房間插頭唔夠多,仲要壞一、兩個,真係好唔方便!

住酒店
酒店有埋萬能插,貼心!

03 | 冷氣得個樣?Check埋開關窗!

室內溫度會直接影響舒適度,所以要試試調校一下。好多時中央冷氣冇得校,如果發現個控制板只係做樣,點校都係零反應,就要睇下有冇得開窗,保持空氣流通,先至住得舒適。

住酒店
有時調校完,都係冇反應……

04 | 浴廁失靈 影響心情

之後就要check check廁所嘅沖廁及水龍頭是否正常。若然外出回來夜媽媽,想放水開大或沖涼時,先發現有問題,到時才要call人來檢查,仲分分鐘要換房,就認真掃興!所以最好第一時間check真啲!

住酒店
寬敞浴廁會加分。

順帶一提,我一定順手搵搵有冇風筒,你知啦,作為一個旅遊記者,儀表係幾咁緊要得㗎!可惜我又懶得帶私伙,而有時比較便宜的酒店,真係未必間間房有風筒,要走去reception借定先。

住酒店
掛牆式風筒通常唔好用,呢間酒店額外多一個,非常好。

05 | 床頭鬧鐘一定要「拆電」的理由……

有個小習慣係我個人偏好,就係如果床頭鬧鐘係行針式,我會將佢放在遠處,甚至將電池攞出來,直到checkout咗,先至幫佢校番好。因為我太醒瞓,聽住滴滴答答聲我會失眠。其他設備好似電視、雪櫃及夾萬都比較少用,所以我就冇乜所謂。至於Wi-Fi,通常都比較慢或者易斷線,我都唔寄予厚望,用番自己嘅SIM card或者Wi-Fi蛋就算。住酒店,最緊要自己住得舒適自在。

住酒店
房間細小但有大大張按摩椅,好爽!

住酒店
去到酒店都要睇周星馳!

追加!網民教路衣架鎖門

網友分享「最強自製酒店防盜鎖」:需要一個衣架和一張有椅背的椅子。

原理是外面推門,衣架會同時推動門的上扣,並緊緊扣實門的下手柄,估計伸腳要重達 50lbs,才可把門踢開。至於椅背要 45 度斜放在門下方,對方表示只有 SWAT team 才可衝入房!這個感覺超級安全,又不用帶多樣物件在行李裡面呢!

住酒店

下一頁:福岡酒店 頻遭入室爆竊!趁住客熟睡入房偷錢|5名中國人被捕

相關文章