一人有一個夢想,兩人熱愛去實踐……
相差三百六十五日出世嘅我地係依度遇上,共同擁有一個夢想,係緣分定係巧合?

我地都希望跳出框框,喺人生嘅舞台嘗試唔同嘅第一次。
雖然喺comfort zone喺幾咁安全,但我地要敢於行動,以行動感動自己,感動大家。
我地今次將會同大家走過銅鑼灣地帶,”敢”動銅鑼灣!

敢動.銅鑼灣


認識另一面的她,感受不一樣的她!

銅鑼灣喺一個購物天堂,有好多大型商場,吃喝玩樂一應俱全,要了解最新最潮嘅野就一定要到銅鑼灣一轉喇!

喺人來人往嘅銅鑼灣,人人都步伐急促,你願意為我停下來嗎?

同我地喺另一個角度看銅鑼灣嗎?


我們由時代廣場展開了旅程,”敢”動銅鑼灣!Go ! Go ! Go !

足球小將 小志強 (希慎廣場旁)

銅鑼灣嘅其中一個大特色就係鋪天蓋地嘅廣告世界,超大型嘅户外廣告、大電視、商場的展覽廣告等等,為嘅就係吸引消費者注意。

世界盃就到喇! 呢個成5米高的小志強黎得好合時呢!

我諗足球小將必係大家嘅童年回憶,好懷念猛虎射球,倒掛金鉤,每一個招式都超勁。

遲D好似仲會要有林源三,戴志偉同麥泰萊,到時一定要再黎同佢地決一高上。


鵝頸橋 (駱克道近堅拿道天橋)
我地黎到一條天橋底,喺遠處見到一群人圍埋一齊,傳黎不停嘅拍打聲。

慢慢走近開始聽到 “打你個小人頭,打到你有氣無得透;打你隻小人手,打到你有眼都唔識偷”,中間圍住了婆婆,不停地拍打紙人,口中唸著一連串嘅咒語,依個就是傳說中的打小人!

我們來到鵝頸橋喇。

打小人其實喺為左驅趕身邊的小人,祈求大吉大利,而鵝頸橋位於三叉路口,在堪輿學嘅角度黎講殺氣好重,所以打小人特別靈驗。

平時就較少開檔,最好就喺驚蟄(西曆三月五日或六日)去,據說那天響起第一個春雷,而雷響會驚醒了冬眠的白虎,所以就有左依種習俗,用豬血及生豬肉去抹紙老虎,防止白虎害人,因為依家已經沒有白虎,漸漸變成今時今日的打小人,提防小人從中作梗。

只要好似片中的呀婆落力打紙小人,就可以趕走身邊嘅小人喇!愈出力愈有效架!


Boxing “敢”打小人

不過時至今日,應該可以變成同Boxing一樣,中西合壁,一方將小人拿起,另一方就打呀打!盡情發洩吧 !

不過婆婆由日頭打到夜晚,大熱天時仲要開工,咪話唔辛苦,真係好佩服佢地!

下次大家可以搵下右面果位新晉打小人專員York,夠落力!夠狠 !


聖馬利亞堂 (大坑道2A號)–Mix & Match到“咁”都得 ?

中西合壁唔係現代先有,好耐好耐之前已經有人接受架喇!

喺遠處已經見到有座中式宮殿的建築,有紅磚綠瓦,門前四大朱柱,斗拱和屋頂上嘅蓮花金頂,外表睇黎好似中國式宮庭設計,唔通係咩野古廟或博物館?

喺鬧市中有咁樣的建築真係好特別,但唔好被佢嘅外表欺騙,其實佢喺一座基督教教堂!

聖馬利亞堂喺香港一級歷史建築,係香港島僅存融合中國特色和文藝復興風格嘅教堂,外表雖然係中國特色,但內裡就採用西方傳統教堂嘅設計,有十字架同彩色玻璃窗等。可惜今日冇開放,所以入唔到去參觀,感受莊嚴又特別嘅建築風格。


銅鑼灣避風塘
銅鑼灣比人嘅第一印象係購物,但依度有一個鮮人為知嘅避風塘。

要前往避風塘,可以通過怡東酒店停車場的行人隧道,好長的水管地下通道很神秘,會唔會有忍者龜出現?


漫步於海旁,感受迎面吹來的海風,觀看怡人的日落,非常寫意。

吞食太陽的一刻,我覺得今日的太陽特別好味,有住我們青春嘅味道。


夕陽無限好,只是近黃昏,然而每天眼見的,永遠不相似。


避風塘岸邊有個怡和午炮,每日中午十二時鳴放禮炮,只要捐夠錢就可以親身體驗放大炮。

黎到避風塘,點唔可以唔試避風塘炒蟹呢,非常惹味,辣得黎又唔會蓋過蟹味。


銅鑼灣的日與夜

依次旅程,我們去左唔少地方,在街頭上舉牌,吸引途人注意,希望佢地可以停低急速嘅腳步睇依個世界。其實只要踏出第一步行動,就可以同不同人接觸,欣賞多元化嘅銅鑼灣。

圓形橋 (怡和街環型行人天橋)– 緣了.完不了

依條係香港唯一嘅圓形天橋,電影電視劇情節總是男女主角吵架後,一前一後踏上呢條天橋,但命運冇令到兩人重遇,但我相信圓形橋既可以係完結,亦可以係緣分嘅開始。


儘管兩個人分別向左走 ‧ 向右走,但總會有相遇的一點。

後記

Thomas
依家睇返轉頭,好似發左一場夢,當初估唔到可以入選,更加冇諗過會遇上開朗嘅York,同埋預計唔到銅鑼灣咁特別。今次我試左好多第一次,在鬧市入面高舉起牌,在香港島中心敢動大家,希望大家同我地停下來,以另一個角度睇依個世界,感受不一樣的銅鑼灣。

銅鑼灣俾人感覺係購物天堂,但實際上別有洞天,特別是避風塘,沒諗過鬧市中竟有這麼美和悠閒的海旁。

其實唔靜止地方特別,仲有好多可愛的人,得意的朋友,有趣的事,以往靜係匆匆走過鵝頸橋,但唔停下來亦唔會知道婆婆的故事。維園裡的外藉朋友,原來好熱情,跟我們跳舞。企係人來人往的街頭高舉牌,也許大家都是陌生,好多人會選擇擦身而過,但亦有人樂意為我們停低,我好感動,只要肯踏出第一步,什麼也可能做到。Impossible is nothing,不要因為害怕而唔去做,有些事現在不做,一輩子都不會做了。

最後在時代廣場的Band show,聽著五月天的”相信”將依個旅程劃上句號,我要相信自己能做到!我好感謝今次跟我闖蕩的York,俾左我勇氣,令我相信自己係得嘅,感動左懦弱的我。

咁樣就告別左五月天,希望可以繼續走下去,色放自由,敢動歐州,在人生舞台上試更多的第一次!Never say never!衝呀 York!

York
睇到Thomas既後記,不得不佩服,因為佢已經講晒我心中嘅感受。我相信每個人都有長處同短處,經歷更多亦會發掘更多。今次的”敢”動都要有Thomas嘅配合先可以實踐到。盡情係旅程中特破自己吧! 希望我地嘅旅程係未”緣”啦!

支持同推介我地啦!