相信獨遊開既人對跟團都有種莫名既恐懼,我呢就試過喺秘魯join過個團,得廿分鐘行一個十個足球場咁大既古蹟,喺海拔三千米之上,個嬸嬸導遊使出失傳已久既凌波微步,狠狠咁將我地拋離,繼而再掉鳩我地去個深山銀廠買首飾,真係記憶猶新。

不過好撚開心,今次終於無中伏啦!

河口湖 好童話
河口湖 好童話

本日行程呢非常爽皮,就係集合(廢話),然後去河口湖睇富士山同紅色波波草,午餐食螃蟹放題(仆街啲蟹腳長過我隻手)。飯後去葡萄園任食提子,最後喺酒廠參觀同試飲日本出產的紅白同果汁酒,基本上成日就係食訓食訓食食訓。

紅色波波草 雖然無日立海濱公園咁澎湃,但係就腳得黎襯埋啲屋仔又係另一個感覺

紅色波波草 雖然無日立海濱公園咁澎湃,但係就腳得黎襯埋啲屋仔又係另一個感覺

FotorCreated

無限供應的蟹腳,對面有條友食到啲汁彈囇過黎,我仲以為係滴水。蟹腳仲長過我手臂,其他小食都好好味。

FotorCreated2

季節限定的即摘提子,仲大抽過我塊面,唔同季節仲有士多啤梨摘。(左)、好多千其百趣的酒(右)

延伸閱讀:

有一種人,叫葡萄撚(上)@麻甩空姐

有一種人,叫葡萄撚(下)@麻甩空姐

【德國】魯芬堡遊記@麻甩空姐

對比自遊行,跟團最大好處就係唔撚洗用腦同埋喺點到點之間有車接送,唔洗恰下恰下驚唔記得落車。我諗因為係日本公司掛,導遊好有禮貌,唔會焗鳩你買野,唔會開咪唱歌搞爛gag,唔會揸旗仔大叫你個名,而且中日英語對照,個人覺得如果帶住父母啊小朋友,又唔想自駕既話,跟團絕對係好選擇!

崇日撚表示日本團架車都靚啲
崇日撚表示日本團架車都靚啲

如果你帶過父母去旅行,就知道有幾難架喇,例如會好緊張咁問你之後有咩行程、搵唔到大家都岩既行程、出入鐵路站會腳痛、口裏說不停咁彈你,仲會係咁問你「呢度有咩特別架?」「姐係港幣幾錢?」所以,唔想嗌交 / plan行程,不如跟團吧啦。

日本當地既旅行社,除左呢類偏觀光性質既一日團,仲有好多當地文化既體驗團架。如果你行厭lumine秋葉原109心齋橋梅田唔想淨係鳩嗚同喪食,可以試 下整和菓子啦蕎麥麵啦,去學劍道做下忍者啦,有啲仲可以去睇相撲手操練behind the scene!嗚哇好撚傷心今次太遲先報名近距離睇相撲手訓練一定好震撼!

本身行程其一係睇富士山,但當日天陰大霧乜柒都睇唔雖有買個富士山筆袋以慰寂寮

本身行程其一係睇富士山,但當日天陰大霧乜柒都睇唔雖有買個富士山筆袋以慰寂寮。

背包、跟團、週末快閃、獨遊、包車⋯其實唔同既旅遊方式都有好有唔好,最緊要唔好narrow mind 限死自己,太推崇任何一種方式只會令自己睇少左野,人一世物一世,乜都試下至得家嘛。

季節限定的即摘提子


團費資料

P.S 關於團費,今次個團費係每人$655,諗諗下,呢個價包囇全日車費(日本出名交通費貴,機場出新宿都再¥3100)、螃蟹放題、摘提子放題、導遊,其實真係幾抵屌!

報團呢邊:
http://www.freedtour.com/zh-TW

睇多啲呢邊:
https://m.facebook.com/freedtour

R左個discount比你地班hihi丫,團費九折,岩用就攞去啦
code: freedtour2015