放假想同另一半或者朋友去郊遊,但夏天咁熱又驚中暑,可以選擇去一啲輕鬆少少嘅郊遊路線。以下3條 輕鬆郊遊路線 ,唔單止全部屬於 1 星最低級別,而且沿途有唔少嘢睇,想玩水嘅可以去有水澗嘅,想了解多啲大自然亦有唔少選擇。

*請尊重自然環境,自己垃圾自己帶走,切勿喧嘩或影響居民,做好本分,一同享受這城市的美好風景。

輕鬆郊遊路線
路線雖然簡單,但如果有小朋友同行,落潭玩水要小心。呢位小朋友嘅老竇顧住影相無理囡囡,確係要不得。 (圖:家聯)

1. 新娘潭自然教育徑

起點交通:小巴20C,巴士275R (只在假日行駛)
路線:教育徑喺以前嘅巴士總站對面,即係停車場側邊。依指示順時針沿一圈就得。
距離:0.7公里
需時:1小時
有咩玩:有瀑布睇,可落溪澗玩 (要小心),仲可講下新娘潭鬼古(7月都係唔好亂嚟)。當然,仲可依照自然教育徑嘅介紹,認識多啲動植物。

輕鬆郊遊路線

2. 赤徑

起點交通:巴士94號北潭凹落車
路線:北潭凹起點,逆行麥徑第二段
距離:2公里
需時:45分鐘 (落)、2小時 (上)
有咩玩:赤徑村是具歷史價值嘅漁村,亦為舊時漁民之避風港,平時可謂水平如鏡,最啱幫女朋友影天空之鏡錯位相!石灘嘅紅樹林可以探索濕地動植物,有得玩有嘢學!

0999

3. 灣仔峽

起點交通:巴士15號灣仔峽道落車
路線:警察博物館起點,落山沿指示到香港仔水塘
距離:2公里
需時:2小時
有咩玩:警察博物館睇展覽,香港仔水塘有樹木廊及奇趣徑,可以拖住手慢慢行慢慢睇。

09999

*請尊重自然環境,自己垃圾自己帶走,切勿喧嘩或影響居民,做好本分,一同享受這城市的美好風景。


原文刊於 Fitz.hk網頁,更多行山資訊可瀏覽 Fitz.hk Facebook


下一頁:手拖手行山|5大 情侶行山徑

延伸閱讀:

方便又快捷︱ 11條藏於 民居行山徑

透心涼| 9 條炎夏適宜 林蔭小徑

2小時行完 |5 條 短途行山徑 推介