<澳門那一間酒店有自助餐供應？>
大家要去澳門食自助餐，都要先知那一間酒店的餐廳有提供自助餐供應，等我一次過將最多人去既集合給大家參考
氹仔區
1. JW 萬豪酒店 – 名廚都匯餐廳
2. 澳門喜來登酒店 – 盛宴
3. 澳門喜來登酒店 – 「鮮」火鍋自助餐
4. 威尼斯人酒店自助餐 -渢竹
5. 銀河酒店 – 群芳
澳門半島區
1. 澳門塔 (旅轉餐廳)
2. 澳門 16 浦自助餐
澳門既酒店實在太多，全部列出來我怕大家都不想看了，所以只列了以上較多人想去的自助餐。
<第一間- 澳門塔自助餐>
先為大家介紹既第一間既澳門自助餐餐廳勝地，就是澳門塔，為何要放在第一位介紹，不是因為這間好食，而是因為「不好食」，上次我們去過食完覺得中伏，所以就善意提醒一下大家。
講番上次，我地去食澳門塔自助餐既晚餐 (想看遊記請按：澳門塔自助晚餐)，首先晚餐只有海鮮拼盤，並不是任食海鮮，對於好鐘意食海鮮的朋友，就不要考慮了，而其他既食物質素都是普普通通，唯一值得讚是澳門塔主要都是賣浪漫、賣情調，食物質素實在麻麻地。或者午餐 Buffet 大家可以考慮，起碼可以上去澳門最高既餐廳，仲要係旋轉餐廳，景觀就真的最靚既。
價錢 (已包加一服務費)
午餐成人 HK$238，小童 HK$188
晚餐成人 HK$509，小童 HK$403
5 歲以下免費
<第二間 – JW 萬豪酒店 名廚都匯餐廳>
講完第一間我地親身食完中伏既，第二間就要開始介紹大家食好野。
2015 年才開業的 JW 萬豪酒店，一開業已經大獲好評，當然啦，萬豪集團喎，而且還要是 JW 品牌。自助餐海鮮方面有法國生蠔、龍蝦、皇帝蟹腳、熟蝦、翡翠螺、青口、帆立貝等，另外還有刺身、和牛，要回本真的不太困難。
北京片皮鴨和甜品都是好多人讚的，所以去澳門食自助餐 JW 萬豪名廚都匯我覺得是首選。
營業時間
午餐: 中午12時至2時30分
晚餐: 晚上6時至10時30分
價錢 (已包加一服務費)
午餐成人 HK$235、小童 HK$126。星期五六午餐成人 HK$297、小童 HK$152
晚餐成人 HK$440、小童 HK$230。星期五六日晚餐 HK$540、小童 HK$268
兒童票適用於：3 – 11 歲
<第三間 – 澳門喜來登酒店 盛宴>
澳門喜來登酒店既盛宴餐廳，只有逢周五及六，會有特別多既海鮮供應，星期五六會有澳洲、美國及法國的即開生蠔、波士頓龍蝦、白蜆、本売本地帶子、黑青口(澳洲南青口)、阿拉斯加蟹腳、鮮蝦、翡翠螺(加拿大青色)、花蜆、 面包蟹等等，仲會有刺身，總括來說食物選擇都多的。
如果喜歡飲酒既，喜來登盛宴就是必選，因為可以加 $98 就有紅白餐酒任飲，加 $198 有法國香檳任飲。星期日至四晚餐的海鮮會比星期五六少，但仍會有生蠔供應。
價錢 (已包加一服務費)
自助餐午餐成人 HK$234、小童 HK$130
自助晚餐(星期日至四) 成人 HK$383 、小童 HK$240
自助晚餐(星期五至六) 成人 HK$429、小童 HK$240
<第四間 – 喜來登「鮮」火鍋自助餐 >
除了西式自助餐，打邊爐都有任食自助餐。喜來登的「鮮」火鍋餐廳，就是一人一爐既打邊爐自助餐，雖然是火鍋，但都會有任食既甜品區。打邊爐既食物有扇貝、蝦、蟶子、蜆、青口、螺、花甲，魚蛋牛丸肥牛就一定有啦。
價錢來說都不算貴，一班朋友吹水最適合。
價錢 (已包加一服務費)
午餐成人 HK$222、小童 HK$130
自助晚餐(星期日至四) 成人 HK$383、小童 HK$240
自助晚餐(星期五六日) 成人 HK$429、小童 HK$240
<第五間 – 威尼斯人酒店自助餐 渢竹>
介紹完 JW 萬豪酒和喜來登既自助餐，都是較高級的，如果不太喜歡吃海鮮，相對可以考慮威尼斯人酒店既渢竹餐廳，晚餐的海鮮不及以上兩間酒店，沒有生蠔，只有蝦、翡翠螺、青口等等，而晚餐會多了長腳蟹。亦因為沒有生蠔， 午餐價錢成人只需 HK$156 起、晚餐連加一只是 HK$248 ，連星期六都是這個價錢，真的吸引。
價錢 (已包加一服務費)
午餐成人 HK$156、小童 HK$86
晚餐成人 HK$248、小童 HK$148
兒童票適用於：3 – 12歲
<第六間 – 銀河酒店群芳自助餐>
群芳自助餐一向水準都好好，不過距離我們上次去食都有接近一年前了，最近的質素就真的要再去試下先可以再下結論。午餐現時只需 HK$115，仲要這個價錢已經連加一，但當然一分錢一分貨啦，現時群芳中午自助餐，不會有海鮮冷盤供應，亦沒有刺身 (但有壽司)。而自助晚餐做緊龍蝦做主題，除了龍蝦外，還有長腳蟹腳和其他刺身。
暫時龍蝦主題做到 7月31日，餐廳不會供應生蠔，想食生蠔的朋友就要選第二間了。
價錢 (已包加一服務費)
午餐成人和小童 HK$115、週末 HK$138
晚餐成人成人和小童 HK$328、週末 HK$385
<如何訂澳門自助餐>
以前想訂澳門自助餐，都要打 IDD 去澳門才可以自己訂到，不過今年已經不再需要打長途電話喇，專訂旅遊活動的 Klook 客路網站現在都可以訂澳門自助餐，價錢比正接 Walkin 或電話預訂便宜。
我之前去澳門已用 Klook 客路網站訂過自助餐， Klook 的價錢每位平官網約 $30 至 $100 左右。
澳門的活動 景點門票，一日游，特色活動與美食 客路旅行
最重要是 Klook 的價錢已包括 10%服務費，到達餐廳時只要出顯預訂憑証就可以，食完就可以自己「拍拍屁股」走人喇。不過留意透過 Klook 預訂後，要收到確認電郵先算訂枱成功，始終 Klook 都要向酒店查詢多次有沒有坐位，才能確認您的預訂。
<澳門還有那間酒店有自助餐？>
Conrad 康萊德
價錢：成人 MOP $368、小童 MOP$184 (另外 10% 服務費 )
勵庭海景酒店 – 珀克餐廳 (價錢平但食物選擇較少)
價錢：成人MOP 258，小童 MOP$148 (另外 10% 服務費 )
新濠影匯 – 星匯餐廳
價錢：成人 $MOP458、 小童 MOP$229 (另外 10% 服務費 )
* 雖然我地盡力更新最準確資訊，但最終酒店供應的食物，都要以酒店最後決定為準，酒店有可能因應季節而提供不同食材，所以食物和價錢有可能和文章所寫有少許出入，如有查詢就直接聯絡酒店啦~~
(價錢更新於 2016 年 7月 1 日)