夏天就是陽光與海灘,不過玩時玩,千萬千萬唔好忘記搽 防曬 !除咗唔想曬黑外,更加唔想提早衰老哈哈哈!

IMG_43881
我的 防曬 兵團!影咗有段時間,有幾支新嘅已經開咗嚟用。

揀 防曬 原則

一年 365 日都要 防曬, 加上我白底 勁易曬黑、出斑。
講下我揀 防曬 嘅原則先,
唔立唔立唔立!
因為我覺得 第一層就已經立嘅話, 之後再搽其他嘢真係會成面油!搽防曬一定要量多幾個鐘補一次先有用!

01 | 空姐一生最愛-anessa金裝

講下好用嘅先,anessa金裝係一生最愛!每次去陽光與海灘、玩水上活動必用! 用完皮膚好乾真係防水,曬唔黑!缺點係難卸!過幾次水都仲feel 到自己啲皮膚仲喺waterproof狀態!

02 | 唔啱落水-深藍色allie

幾清爽,搽上身好快就形成一層膜!一個旅行KO咗成支,好卸過anessa金裝,有一定防油力。不過防水力冇anessa 好,只係踢踢水冇問題,但真係落水玩,感覺都會甩!

03 | 敏感肌必試-Elta

呢支係物理防曬,早前塊面敏感,唔敢用日版啲防曬,買咗呢支網上好高評價嘅物理防曬用!的確不刺激,亦能防曬。不過用得多會有少少立!佢都防水防油呀!

04 | 平日最常用-Sofina

好清爽!用嘅係台版,好平, 100 蚊一支咋!每次去一定回購!日常用已經好夠~不過佢唔防水,我都未試過落水用,哈哈,你哋有人試過嘅話同我講吖!

05 | 會曬黑的-Sunplay

以前用過紅色樽身,橙色蓋嗰支,曬到成舊炭咁,過咗大半年先白番,今次竟然又再試佢,結果?當然中伏啦!勁立又唔防曬!

06 | 起晒擦膠粒-anessa 灰白色軟管

最近開咗呢支用嚟搽身,好在唔係搽面,係咁搓泥!個感覺好唔良好,因為最近冇玩水上活動,呢支話唔到畀大家知防唔防水~哈哈!

07 | 搽完變藝妓-1028

佢嘅產品我用過嘅全都好伏!呢支上面會好白!一笪笪!唔鍾意!

fa_banner1

下一頁:5 件轉季、敏感皮膚必備藥妝

相關文章