5歲小孩想做「巴士司機」 親戚直言「無大志」
近日，就有網民在Threads發文表示「生仔如果考牌我家姐應該有100分」，事關在一次家庭飲茶聚會中，事主的5歲外甥被問及未來志願，孩子表示想做巴士司機；親戚聞言即向孩子的母親、即帖主姐姐了解想法，不過對方則表示：「無所謂，日後家人仲可以免費搭巴士！」然而，這位長輩直斥「 你唔可以教到佢咁無大志架」
面對質疑，母親毫不退讓，當即反問：「有咩問題？」她強調，兒子選擇自己感興趣的正當職業：「有咩問題？佢又唔係偷 唔係搶佢都係想做佢鍾意的事姐」不過長輩仍然不退讓：「佢第時點養你？」令人動容的是，母親直言：「我生佢出嚟唔係要佢養返我轉頭㗎！」她表示，作為父母，只希望孩子健康快樂成長，無需孩子承擔養家責任。這番回應讓長輩啞口無言，整頓飯再無交流。
職業無分貴賤 網民力撐巴士司機
帖文引網民留言支持，大讚母親高EQ和育兒觀念：「你家姐真係一個好媽媽！」「真係好欣賞你家姐嘅EQ！」同時，不少人批評長輩觀念陳舊：「阿姨要人養咁無大志」「真係老古董！」更有網民幽默反問：「如果人人都話揸巴士冇大志，所有巴士小巴的士冇人揸，請問佢出街仲有冇車可以搭？」
討論中，許多網民為巴士司機等職業司機正名，強調職業無高低之分：「正當職業又符合興趣咪幾好！」「我仔都話要做巴士司機，我都好鼓勵佢呀！」有網友更提到，香港一位學界狀元也曾選擇成為巴士司機，證明職業選擇應以興趣和價值為依歸，而非外界眼光。另一位家長分享育兒經驗，稱自己孩子也有類似志願：「我仔話大個仔揸巴士，我話『好呀～但要識基本中文喎，考牌要睇中文字』，之後我仔好認真學中文字。」她認為，父母應多鼓勵孩子追求夢想，並以正面方式引導學習。
在 Threads 查看
