去旅行對香港人嚟講已經十分普遍,每兩、三個月就去一次台灣、日本、韓國,每半年又去一次澳洲、歐洲、美國,更何況依家廉航選擇多又經常推出平價機票,去旅行已成為一項每年必需嘅消閒活動!但大家去得多旅行,食得多飛機餐都會厭啦!咁如果飛機餐真係唔啱食的話可以點?

今次就等小菲菲空姐教路,畀啲意見你啦!

1. 款式超乎想像!預訂特別飛機餐

其實除咗普通嘅飛機餐外, 我公司係有十幾款特別餐供乘客預訂嘅, 例如: 兒童餐、印度素食餐、冇牛肉餐、低卡路里餐等等,有需要嘅乘客要喺航班預定啟航時間最少 24 小時前提出有關要求!不過,其實冇實際迫切需要食特別餐嘅乘客都一樣可以預訂特別餐,因為公司唔需要乘客喺訂餐時提供任何證明文件。 我都見過有大人訂咗兒童餐自己食,所以乘客只要覺得特別餐比較適合自己口味都可以訂。

相關文章

多圖!特別飛機餐圖鑑@兼職空姐姥姥

唔夠食怎辦? 好乘客速成班(I) | 麻甩空姐

2. 強國人機艙開buffet,大媽自備燒乳豬!

乘客係有權帶自己食物上飛機食嘅!可以係自己嘅住家食物,又可以係餐廳外賣或者便利店熟食,亦可以係乾糧零食等等。以我所見,強國人喺呢方面比較醒目,佢哋好多時都會自備食物上飛機,瓜子、水果、飯盒咩都有! 有次見到有個強國大媽喺度食緊燒乳豬,我企喺佢隔籬聞到,真係香到流晒口水!

不過要提醒一下大家,根據我公司嘅政策,基於食物衛生同安全,空姐係唔可以幫乘客雪藏或翻熱任何食物的,包括嬰兒食物!


所以大家都係買啲唔使雪嘅食物,同埋上飛機後或飛機起飛後,就趁熱食咗啲食物佢啦!飛長途機就做好兩手準備, 帶定足夠嘅乾糧零食或者水果,的確係令人羨慕!

3. 也有完全「戒飛機餐」的朋友嗎?

說真的,飛機餐預先整好咗咁耐,雪住保存再運上飛機翻熱畀乘客,真係會落咗一定嘅防腐劑,而且多油多鹽唔會健康得去邊,如果搭的是短途機或者廉航,不少搭客和行內人都寧願「上機前食番餐豐富嘅先」,至少保證用料新鮮,煮法多元化又健康! 就算長途機,食足兩餐冇營養嘅飛機餐,的確令嘴刁人士感覺難受, 每次飛長途都好掛念住家飯呀!

識飲識食嘅大家,下次搭飛機去旅行,記住對自己個肚好啲。

為咗令自己嘅旅程有一個愉快嘅開始或結尾,做足準備啦!

希望大家去旅行嘅每一餐都食得好、食得飽!


 

更多小菲菲空姐嘅日常,請like fb: 小菲菲空姐日記

歡迎合作邀約。

13466061_290093574662074_5376113721244494090_n
圖片來源:在首爾的燒肉晚餐

下一頁:空姐 私心教路 | 你絕對要點一次的 飛機餐:特別餐(i)

延伸閱讀:

想食多個 飛機餐 | 好乘客速成班(I)

三萬呎高空的故事|飛機餐(經濟艙篇)

相關文章