自從有 廉航 嘅出現,幾乎日日都有特價機票,一年去幾次旅行好小兒科喇!不過 廉航 有廉航嘅玩法,雖然機票好平,但自己加買行李、餐點,都要花時間安排!尤其以下 4 種類型嘅人,都係唔適合搭廉航 嘅人,買機票之前,要考慮清楚!

4類不適合搭廉航的人!

01 | 去之前行李已經30kg、過重的人

去之前就30kg行李,去到目的地仲有位放戰利品咩?想搭 廉航,就要清楚機票唔包托運行李費,如果你習慣帶埋屋企個枕頭、帶備多幾套衫選擇,或者準備去一個長時間嘅旅行,都唔多適合搭 廉航 。

廉航

買機票前,記得加埋托運行李費比一比價,你就知道廉航有冇平過傳統航空。如果在回程時,先臨時加購托運行李費,隨時比傳統航空貴多多聲!

02 | 一定要食飛機餐,至少食個杯麵的人

如果冇得食飛機餐,好似若有所失?短途機如飛一轉台灣,全程加埋都係一個鐘頭,搭傳統航空坐一陣就話食飛機餐,其實都食唔落嘅!但都有人好鍾意食飛機餐,點解話唔啱搭 廉航 呢?

機上點餐就係 廉航 嘅其中一個收入來源,通常都唔平,想食個杯麵都要收$30。如果忍唔到口一定要食,不如食飽先上機,落機再食。

廉航
$30一個杯麵,選擇都多。圖片來源:www.hkexpress.com

廉航

03 | 身形大隻的朋友

國際航空服務調查網站 SKYTRAX ,早前就比較過傳統航空同 廉航 經濟艙嘅座位,結果發現 廉航 比傳統航空窄咗3至4吋,相對坐落冇咁自在。如果你有對長腳,或者特別高大,就要預咗坐得冇咁舒適。

廉航
虎航嘅座位唔係好闊!圖片來源:farm1.staticflickr.com

雖然 廉航 都有加闊座位,但就要加錢升級,唔符合「平」嘅宗旨啦!

04 | 想用 廉航 價錢,享受傳統航空服務的人

廉航 之所以做到咁平,大原則是「要用先買」,所以有得畀你揀唔食飛機餐、唔加托運行李費、唔需要闊嘅座位、唔需要機上娛樂設施,直頭只係「將個人載過去」嘅價錢。

廉航

如果以為 廉航 等於 特價嘅傳統航空,或者只係想價錢平啲,又要有好服務、有得食飛機餐,不如等傳統航空公司出優惠先買,或者用積分換機票,唔好揀 廉航 啊!

下一頁:學做得體遊客|無禮之徒不分國界 3大外遊要留意的旅行禮儀!

去程行李已經過 30kg !| 4類唔適合搭廉航的人

相關文章