不少香港人是麻辣雞煲的Fans,但吃來吃去都是麻辣雞煲好像太單調?最近 椰子雞鍋 熱傳入香港,一眾「雞」迷有口福,今次推薦 3 間海南風味  椰子雞鍋  ,以位於銅鑼灣的海南四季和位於旺角的四季文昌採用海南椰青和文昌雞炮製,鮮甜多肉,而深水埗的滿堂紅雞煲則以價廉物美的椰子雞煲火鍋放題作招徠,平時喜愛食好「雞」嘅你咪走「雞」!

Text: Jacky, Ruby ︱  Photo:Hong, Man, Dick (原文刊登於第876, 877期《新假期》週刊及《新假期》網站)

01) 四季文昌-原隻足料炮製海南風味 椰子雞鍋

位於旺角的四季文昌,以海南名物文昌雞和海南椰青炮製,其中椰子雞鍋更是招牌。餐廳還有其他雞饌,以雞雜煲仔飯和雞汁竹筒飯最少見。 椰子雞鍋 湯底入口超鮮甜,原來湯底以兩個椰青水混入雞湯調製,比例大約3比1,再加整個椰皇起肉來做配料。由於文昌雞出名皮薄、油脂少、肉結實,故即使原隻雞落鍋,湯底也不會出現厚厚的雞油,感覺健康。

_DSC9543_1

原味 椰子雞鍋 是店中招牌,椰皇肉加椰青水,煲滾加入雞件,煮約7分鐘,雞肉熟透入味。水滾後加入雞塊,讓雞肉完全吸收椰水精華。雞肉嫩滑,富咬口,隱約帶椰香。食完雞還可打邊爐,推介海南芋頭,加進窩中能完全吸收湯汁,充滿椰香雞甜。

_DSC9506_1
原味椰子雞鍋 售價: $238

這款雞雜煲仔飯,廚師保留冰鮮文昌雞雜,包括腎、膶、腸,全用薑汁調味去腥,味鮮。選用油粘米,加入薑絲,用砂煲煮45分鐘,飯粒完全吸收雞汁,配上飯焦,焦香惹味。

C2
雞雜煲仔飯 售價: 細$68, 大$118

用竹筒原筒蒸黎家的雞汁竹筒飯味道最香,以雞汁取代米水,連雞脾肉和冬菇一併蒸廿分鐘,富濃郁竹香和雞味。

_DSC9589_1

餐廳樓底高,以木色系為主,大量書本裝色,雖是吃中菜,似cafe多於火鍋店,舒適。

_DSC9441_1

四季文昌

地址:旺角荔枝角道33號百匯軒地下及1樓全層
電話:2499 2700
營業時間:星期一至日11:30am-12mn
備註:設加一,收信用卡

02)海南四季-高質椰子蟲草花藥膳雞鍋

海南四季亦主打海南椰子雞鍋,更有椰子蟲草花藥膳湯底。13款椰子湯底如花膠、石斛、粟米等,都是以純天然海南椰汁煮成。除了椰子雞鍋,其他火鍋配料,如手切安格斯牛片同屬高質,肥美又嫩彈。秘製鹽水鵝亦是重點推介,鮮嫩入味又不膩。此外提供逾百款小菜、煲仔飯、串燒、刺身和清酒,可謂一應俱全。

椰子蟲草花藥膳湯底以杞子、圓肉、紅棗、黨參、玉竹、淮山、花雕和椰子汁煮成,清甜又滋補。配全隻文昌雞 ,文昌雞肉質嫩滑又重雞味,而且皮薄少油脂,多吃也不會膩。建議先嘗湯底和雞塊,再加水打邊爐。

H1
椰子蟲草花藥膳湯底 售價: $88 + 文昌雞 (全隻) 售價: $268

鹽水鵝選用湛江陽春的米鵝,滑而不膩,醃製過程只加入薑蔥及少量八角,突出陳年滷香和米鵝鮮味。

9X7A0030
鹽水鵝(半隻) 售價: $248

即叫即切的安格斯牛片,雪花紋路清晰完整,肉味濃厚,小韌多汁。

H2
金牌手切肥牛肉 售價: $268

餐廳佔地20,000呎,放滿標誌性的椰子裝飾,散發海南的夏日氣息。

H5

海南四季

地址:銅鑼灣告士打道311號皇室堡14樓全層
電話:3523 1368
營業時間: 星期一至日: 11am-1am
備註:加一服務費和接受信用咭。餐廳於午餐時段會有各款點心供應。

03) 平價享受 - 椰子雞煲火鍋打邊爐放題

這家位於深水埗的椰子雞煲火鍋宵夜時段只需要HK$138,便可享雞煲加打邊爐的深宵放題 。椰子雞煲有兩款,想食濃味啲可以揀海南椰子雞煲,想食清甜啲可以揀椰青椰子雞煲。其實除了椰子雞煲,仲有重慶麻辣雞煲和烤魚選擇。而且前菜、火鍋配料、飲品、雪糕任飲任食!一個字,抵食!

0114-1024x584

雖然不如重慶麻辣雞煲一上枱便勁惹味勁開胃,但也有陣陣椰香飄散。雞肉唔嚡,好嫩滑,椰漿都入味,食第一件可能覺得一般般,不過越食越甜,煲到尾雞肉也無變韌,而且一直保持滑嫩,抵讚!兩個人有半隻雞,不過雞件都比較多骨少肉,份量僅僅足夠,想啖啖肉就難啲啦!

a73-1024x683

食完雞煲就加湯打邊爐,邊爐料喺落紙仔order,有77款,肉類除咗牛、豬外,仲有羊肉,另外有花膠、牛骨髓、雜丸、自製雲吞同餃,海鮮就少啲,可主攻肉類回本。肥牛有肩胛肥牛,脂肪比較少,食落好有咬口,而且吸埋湯底椰漿味,牛肉味中帶陣陣香甜,好正!

a122-1024x683

豬就用黑豚肉片,食落完全唔韌,羊肉好有彈性,頭兩啖有羊膻味,三款肉都唔錯。溫馨提示,所有肉片都切到好薄,夾起小心佢爛,淥太耐小心會韌!

a112-1024x683

其他火鍋配料如牛骨髓、花膠、菜肉雲吞和木耳水餃等質素味道都令人非常滿意。例如這款台式芝士蛋,以為會好似港式芝士丸咁爆漿,但原來唔喺,有芝士粒粒喺入面,食落口感QQ得嚟有芝士味慢慢爆下爆下,好似食緊爆炸糖咁,得意!

a142-1024x719
環境坐得舒服,就算爆場,都好闊落,hea幾粒鐘無問題,而且宵夜時段HK$128仲要唔收加一,食足4粒半鐘,超抵!

滿堂紅雞煲烤魚特式火鍋

地址:深水埗青山道29-33號永勝大廈地下
電話:2618 0888
營業時間:1pm-12mn
收費:晚上10:30pm 後入座:$138
星期五、六、假期前夕每位加$10
備註:不收加一

下一頁: