話說當年,有位同事,滿口accent 英文,九一分界,自我介紹必提三樣野:我HKU double degree、我男朋友係牙醫、我唔識中文。

其實著撚住A&F chok accent有邊個唔識丫。又之後被人發現原來喺香港讀中中,are you fucking sure你唔識廣東話?又其實唔識中文是咪咁值得驕傲呢?急急要包裝自己的出身又是做乜鳩姐。

同埋,好唔明白點解男朋友既職業都好炫耀。如果有一日佢食左碗好好食既暗然銷魂飯,立志轉行做一個燒味師傅,你仲愛唔愛佢?做女人,最緊要靠自己,如果你自我介紹都無野好講,不如番去反省下自己廿幾年黎做過D咩。

我估,其實係自卑掛。驚人唔知你擁有啲乜,所以見人就講,但其實有無需要?正如我無講其實我都係HKU,講嗰科仲收得高過佢,因為我覺得讀咩都好,咪一齊喺度派餐,中五也好,top up degree也好,三大也好,咪又係一撚樣。

你的出身不代表你,你的名牌包包都唔代表你,我是屋邨妹,我沒有LV愛馬仕,我會讀會寫會聽中文甚至是普通話。沒有甚麼要隱藏也沒有什麼要羞恥,因為這就是我,what makes me become me;也許你害怕別人看不起你,但靠這些來判斷別人的人,又何需放在心上。

後話:當年佢好快quit左,話份工maid job,too low,做唔到。不過quit完又成提住自己做過crew架乜乜柒柒,我咪食下花生咁囉⋯

red_leave_work