新年好多人都會去旅行,不過在出發之前,好多人都會為執行李而煩惱,但係有醒目的旅行人士,一定會用盡成個喼的空間!有外國網站就介紹咗10個旅行必備執行李貼士!建議大家學一招半式,就可以輕鬆出發!

相片:YouTube 截圖

01 | 將要帶的衣服捲起先入喼

將 T- shirt 等衣物捲起,既可以增加行李喼的容量,帶多幾件衫,同時又可以避免衣物在寄艙過程中被整皺。

執行李貼士

02 | 用tic tac 盒來收藏髮夾

呢個貼士最啱女仔,用tic tac 盒來收藏髮夾,既可易於攜帶,又可避免髮夾太細而跌於行李深處的問題。

執行李貼士

03 | 將皮帶捲起放喺恤衫領口

既可以保持皮帶整齊,仲可以keep住恤衫領口挺身。

執行李貼士

04 | 隔熱墊變身捲髮器套

有時帶埋捲髮器或直髮夾去旅行,用完未變涼時就要執行李,呢個時候可以用屋企常見的隔熱墊/手套包起佢,咁就唔怕會燙壞其他衣物啦!

執行李貼士

05 | 用隱形眼鏡盒裝護膚品

大大支護膚品帶去旅行又重又唔方便,唔使特登去買旅行裝,只要將旅行日數分量的護膚品裝入隱形眼鏡盒中就搞掂!為免自己認唔出邊樣打邊樣,建議最好都係貼張標籤在盒上就萬無一失。

執行李貼士

06 | 用藥盒來收納飾物

每日要戴的飾物一目了然,仲可以用來誤導賊仔!

執行李貼士

07 | 保鮮紙防止樽裝液體滲漏

只要在洗頭水或護膚露等樽裝液體的樽口加上一層保鮮紙,然後才蓋上蓋子,就可以預防滲漏情況發生。

執行李貼士

08 | 用浴帽來包裹鞋子

旅行時要帶多對鞋?唔使用膠袋,只要將用過的浴帽來包裹鞋子,就可以避免整污糟其他喼內的衫,仲好環保!

執行李貼士

09 | 用游水吹氣手袖來保護紅酒

此方法同樣適用於喺泳池中暢飲時刻!

執行李貼士

10 | 衣物柔順紙保持衣物清香

咁就可以保持衣物去到目的地都好似剛剛洗完一樣清香!

執行李貼士