網傳酒店Upgrade必勝法 網民：我生日去無Upgrade唔好幫襯
酒店是否為客人upgrade只屬彈性處理，必勝法真的有用嗎？事源近日有網民指自己在網上看到港島一酒店出名生日入住容易被upgrade，惟到入住當天事主指下午茶時段後排隊check in足足等了65分鐘，極為浪費時間，又指自己沒有被安排到「大啲嘅upgrade房」，景觀又未如網上指的美景，認為伏已中，勸大家入住前要想清楚。事後有不少網民留言指自己都是誤信網上傳言而入住該酒店，「呢間出名排長隊，所以我早早1點幾就check in都要排好耐」、「我住過一次間房好唔掂，清潔好求其」。
網民反擊事主：唔講我仲以為酒店前世欠咗你
不過更多人抨擊事主「大安旨意」的心態，指很多人都以為生日就是酒店Upgrade的理由，若是指控排隊安排不善尚可理解，但以私人理由搲著數不過就很可恥，典型香港人「搵唔到著數就唱衰」的作風。另外，網民亦指，「Weekend無得upgrade都好正常，生日大晒？」、「對酒店黎講每一日都有人生日，唔通個個都up咩，最多咪問吓有咩優惠，有無蛋糕送」、「想住得大啲就upgrade吓自己銀包入面啲錢」、「唔講我仲以為酒店前世欠咗你」、「你試吓去麥記搞生日，會唔會有免費加大」、「幾時upgrade 變左老奉？ 下次坐飛機無得up 去商務又要開個post ?」
網民Upgrade經驗多：好睇彩數
亦有網民指生日Upgrade其實只需多付數百元即可有圓形浴缸，亦送了一枝紅酒，「去 staycation 如果係慶祝咩野，最好事前通知，人哋唔會不知情下預留間大房畀你」、「我去過一次真係有upgrade 到圓形浴缸喎，不過可能因為見倒我有仔所以upgrade畀我」、「個景唔靚係因為好多人唔識走去天台42樓，下次學精啲」。