港男入住5星級酒店被異物扑中頭 事主：頭頂成塊腫咗
事源港男早前入住灣仔某酒店，晚上9時多洗澡後，正在衣帽間換衣服，誰料天花板的消防灑水頭突然砸下來，港人正「中頭獎」慘被砸傷，頭頂更出現紅腫、瘀青。他即時打電話聯絡酒店職員，酒店很快便派出First aid上門替他進行急救，用冰袋冰敷頭部傷口約30分鐘，傷痛才得以緩和。
酒店經理：為表歉意可Late Check Out
酒店工程部和大堂經理亦有前來解情況，工程部答應事主的要求，承諾會全面檢查清楚所有天花板裝置，避免再有類似意外發生，而經理則讓事主與家人能延遲退房以表示歉意。
扑中頭隨時有內傷 眾人力勸事主驗傷
一眾網民都很擔心事主的傷勢，網民表示單看照片已經感覺痛：「你頭頂咁腫」、「呢嚿嘢打中頭唔係講笑」。大家紛紛建議事主要去醫院做個詳細檢查，「其實中頭可大可小」、「Check 清楚自己先係最重要」、「呢個位腫嘅話真係去醫院check下穩陣啲，費時過幾日先出事就無得追究」，同時勸事主要報警備案以作紀錄，「因為就算唔係立即有事，亦有可能過後先發出嚟」，要Call白車入醫院檢查，因為有了醫療紀錄才可以申請保險，以及和酒店申索醫療費賠償，如果事後有事才自行到醫院檢查，就未必有得索償保險。
網民不滿酒店處理手法：最少都要負責醫藥費啦
不過酒店的處理方式就被網民炮轟欠誠意，「咁樣整傷人都只係late check out（簡稱LCO），多ｘ謝晒」、「得LCO唔掂喎，酒店都好不負責任」、「打親頭得LOC真係有點hea」、「真係接受唔到淨係LCO囉」，單單延遲退房作賠償實在不夠大方得體。網民指當值經理應該要安排酒店醫生檢查傷勢，另外亦要豁免事主當晚房間租金、餐飲等費用，「正常即刻FOC（Free of Charge，即豁免事主入住費用）兼送多一次stay啦」、「冇理由LCO就算，起碼負責醫藥費，就算要求退款我都覺得合理」。
被誤會「搲著數」 心水清網民：從來都唔係事主話要追究
另外有網民反而怪責事主，懷疑他趁機「搲著數」，指「個人頭紙做㗎？個碟有幾重？下次不如話比個枱角撞到，比衣架打到個頭」、「叫酒店免費給10日住房」、「可以有幾傷其實」、「呢嚿嘢其實好輕啫，我公司成日都甩，有無講到咁誇張」、「無 cam真相無人知啦，如果頂爆個消防頭開左消防泵灑水仲大檸樂啦」、「嚿嘢平面㗎喎，有幾痛」。不過其後有人抱不平為事主澄清，指「當事人無要求過任何嘢，酒店提出late check out亦接受，只係group入面嘅人認為酒店應該要處理得更加好，始終真係意外受傷，理論上係有責任。如果咁都有問題，你哋以後遇到任何事都千祈唔好問點解同投訴。」
原文刊於：《新假期Jetso》