撰文：CY｜圖片來源：Pixabay、Unsplash、TVB《愛回家之開心速遞》、Facebook群組「Staycation HK Hotel – 留港宅度假 本地酒店住宿優惠」
灣仔海景酒店電腦壞機 住客大堂呆等入住
有港人在Facebook群組「Staycation HK Hotel – 留港宅度假 本地酒店住宿優惠」發文分享酒店入住經歷，指近日跟足酒店指示，兩點準時登記入住，遺憾撞正酒店電腦壞機，大批住客只能滯留酒店大堂等入住。
餐廳滿座送餐飲消費額 事主：有咩用？
由於並未正式登記入住，酒店職員指不可使用酒店設施。酒店職員其後提供港幣$500元餐飲消費額，惟酒店餐廳均已訂滿，令事主感嘆「比credit又有咩用」。當日亦撞正書展活動，事主一行5人無處可去，只能在大堂呆等4小時，直到6時許才獲安排登記入住。
酒店外賣遲送到 賠罪竟狂送汽水
事主稱於6時半成功入住房間，並打算使用酒店餐飲消費額購買酒店餐廳外賣，當時酒店承諾晚上9時半可自取，唯最終需等到10時半才能取得餐點，職員為表歉意，送上3罐汽水及1盒生果。次日3時許事主再預訂酒店餐飲外賣，本來預計6時左右可自取，然而到達後發現廚房漏單，即時烹調亦需6時半才可自取，職員為表歉意，同樣送上幾罐可樂賠罪，如同「汽水放題」，被網民嘲「保證有糖尿病」。
事主嬲爆：（我）唔係黎呃可樂飲！
事主於文末表示，「我帶一家大細黎，係想享受下，唔係黎呃可樂飲呀。」另外又指能夠理解酒店職員面對住客投訴好無奈，但表示「咁大間酒店，管理成咁，都已經冇野好講，以後都唔會再去」。
網民笑爆嘴：真係飲到糖尿
有網民笑指「係咁塞可樂比你，Sorry 我忍唔住笑出嚟，你都算好脾氣」，又為酒店改花名為「賠罪可樂酒店」，去一轉Staycation簡直如同去一趟「糖尿之旅」，又話「真係飲到糖尿」。不過實在令好多網民質疑「呢間酒店keep咁多可樂」，莫非送可樂同時為散貨？
網民留言分享同日經歷 指自己未獲賠償
事主分享經歷指獲酒店賠償港幣$500元餐飲消費額及多罐可樂，不過有同於當日入住的網民稱，自己無可樂，亦無餐飲消費額。
網民：可體諒電腦壞 難體諒安排差
有網民表示電腦壞機屬無妄之災，能夠體諒，但餐廳安排混亂、兩度漏單，實在難以體諒，並推測「會唔會根本係管理都有問題，超額賣房呢？」
網民加碼爆料房間有床蚤！
看完事主經歷，有網民再加碼爆料，指近日與女兒入住，次日起床發現女兒身體滿佈被昆蟲咬過的痕跡，有網民猜測房間內有床蚤。該網民稱酒店已經接獲投訴，將儘快聯絡滅蟲公司進行清潔，不過好多網民都話好怕怕，無信心！
貼文原文
