睇吓街上面的背心短褲，就知道夏天返嚟啦！不過嫌留喺香港沙灘乾蒸太悶，要刺激好玩嘅，留意返鄰近日韓的水上樂園已經陸續開放。即刻帶大家去韓國京畿道，睇下韓仔韓妹夏天玩啲乜！


text: yuki | photo: wyman、Chiwa、互聯網（原文刊登於新假期周刊）

韓國水上樂園 激玩人氣漏斗滑梯

各位刺激愛好者，單睇圖已經很想去吧！在京畿道龍仁市的加勒比海灣，號稱全韓最大水上樂園，去年新增設超巨型水上滑梯Mega Storm，一推出就話題性十足。坐上泳圈在全長 355 米的滑梯左轉右轉，加埋最尾在大型漏斗轉足 3 圈，刺激度爆燈，不少玩家玩完都大讚！雖則樂園唔算新，不過由首爾市中心坐巴士不過 1 個鐘車，三不五時又會推出新設施，請埋韓星加持，所以一直都是後生韓仔韓妹夏日玩水熱點！

樂園室內池全年開放，不過要玩室外水上設施，就要等到 4 月 30 日後啦！

Mega storm 推出即贏得 World Waterpark Association 的設計獎項。去年樂園更因為新設施太受歡迎，延後一個月才閉園！


 

園內有超過 30 款水上設施，玩一日都玩唔完，包括垂直落跳樓滑梯 Aqualoop！

離地 37 米高，1 分鐘極速急降，心血少都玩唔到，正宗又要威又要戴頭盔！

加勒比海灣歷年都搵過唔少紅星加持拍廣告，最經典是請到少女時代和 2PM 拍埋音樂廣告特輯，型到爆！
加勒比海灣
票價：全日₩42,000/HK$284（成人）、$₩33,000/HK$223（小童）；半日₩36,000/HK$244（成人）₩28,000/HK$190（小童）
地址：京畿道龍仁市浦谷面前垡里 310 三星愛寶樂園
電話：+82(0)31-320-5000
營業時間：9:30am – 6pm（星期六、日）、10am – 5pm（星期一至五）
網址：everland.com
交通：由江南站乘 5002 號巴士，至愛寶樂園站下車，車程約 50 分鐘

延伸閱讀：

首爾東大門 | 韓妹熱話新商場 Hyundai City

首爾賞櫻秘境 | 零遊客馬術公園

芝士迷必去 | 首爾Ashley自助餐大擦春季芝士Menu

最新的韓國入境要求詳情？

韓國宣布即日起至2月底，所有來自香港及澳門航班必須使用仁川國際機場降落， 即睇：韓國入境最新要求限制。在入境日本前，建議也可買定韓國電話卡，部分更有通話功能，以及選定心儀酒店。

韓國首爾有什麼好玩推薦？

首爾美食多籮籮，即睇美食推介，而醬油蟹絕對是其中一樣必食美食；一人旅遊到首爾不知到哪覓食？大可到訪首爾可以一個人用餐的人氣獨食餐廳。玩樂方面，滑雪是不可錯過的活動，5大滑雪場適合新手一日遊，亦可到樂天世界大玩遊樂設施及韓服體驗。另外，也可用幾日時間到釜山玩返轉，即睇首爾去釜山交通懶人包。準備到首爾賞櫻花的大家，可預先一看首爾櫻花預測及賞櫻地點推介。