現在不少女士們影相自拍之後,必定會用手機應用程式app執執佢先會upload,美圖app這個風氣今年竟然吹到去資訊封閉的北韓!當地有研發商就推出北韓第一款美圖app,名為《봄향기》1.0(春天香氣 1.0),等北韓女人都可以將自己執靚啲。

撰文:JLee | 圖片來源:《每日北韓》、NK News

北韓版美圖秀秀

據《每日北韓》報道,由於南韓電視劇大量走私到北韓,令當地女士們受南韓女星影響,對外表妝容愈來愈重視,因此就推出了這款北韓版美圖秀秀,令北韓女士都可以「照騙」。據說,app的用家可從髮型、配飾、眉形、粉底、腮紅、唇色等作調校,使用不同的化妝工具來幫自己扮靚靚。

即使最近兩韓關係破冰,但北韓仍然採用內聯網,無法瀏覽國外網站,國內生產的手機或平板電腦都使用自家製Android系統,所以暫時美圖app只在北韓的Android商店才可下載!

北韓手機遊戲apps

雖然用唔到出面嘅,但原來北韓國內都有唔少自家製消閒apps,新聞、資訊、遊戲等都有,例如有款以美國兵為敵人的射擊遊戲《獵殺洋基》,娛樂中都不忘灌輸政治立場!

Tags :