個人私隱同言論自由不嬲都係全球所關注嘅問題，但近日facebook小動作頻頻，先後喺主平台及WhatsApp動刀，最受人關注，當然就係早前宣布社交媒體facebook及Instagram將凍結美國總統特朗普帳戶時間延長最少兩星期，直至總統權力交接完成，令唔少網民開始擔心連個人平台發表言論自由嘅問題。事實上，facebook打壓言論自由已經唔係第一日嘅事，近年身邊唔少朋友都因為言論而受到大小不同嘅打壓，包括禁止發文以及封鎖帳號等，甚至檢舉成風都係facebook平台現有嘅問題，所以早前唔少朋友都跳至MeWe開闢另一片天，但因為英文介面令唔少人卻步！今次佢哋終於聽到大家嘅聲音，推出繁體中文全介面，設定更改為中文（香港），幾個簡單步驟就可以設定好。
步驟1.
首先喺畫面右上方撳一下你嘅「頭像」>「Settings」。
步驟2.
喺右上方「Language」度撳一下「English」。
步驟3.
再喺「English」度撳選「中文（香港）」即可。
提提大家，暫時只支援網頁版全中文化，但相信手機版好快都會推出，大家不坊申請定個a/c一齊期待下。
同場加映
MeWe教學懶人包！近來，唔少朋友都話要離開facebook，轉投大熱嘅社交平台MeWe。雖然暫時MeWe只有英文介面，不過繁體中文介面會喺短期內推出！想知點用又怕難？今次就為大家帶嚟MeWe教學懶人包，超簡單3步開戶教學！有咩必入group link？即刻睇睇！