旅發局早前推出「賞你住」活動,有酒店業界於facebook匿名指,有不少住客在預訂酒店時,均使用同一電郵範本,內文寫明「唔成功會好失望」,又註明要求酒店電話回覆,直斥推出此電郵範本實在害人不淺,疑似矛頭直指曾推出電郵申請範本的旅遊KOL里先生!

撰文:CY|圖片來源:facebook

KOL教寫賞你住申請電郵 令酒店業界狂收投訴信

早前旅發局推出「賞你住」活動,被港人狂轟安排混亂,不過似乎餘波仍未平。有酒店業界於facebook專頁「酒店Secret」匿名發帖,指申請港人大多數都用同一電郵範本,內文又疑似「R著數」,註明「應承咗唔成功,小朋友失望」、「里先生嘅女朋友好失望、失預算」,又強調如房間預訂配額已滿,希望酒店能夠電郵或電話回覆,貌似想話一切麻煩的源頭正是來自於這封電郵範本。

投稿業界人士又嫌回覆工序麻煩外,收到酒店回覆後「唔滿意就下下要人Call Back」,更比喻「六合彩唔中頭彩,投訴叫賽馬會要解釋?」,斥責「唔好以為嚟住酒店就係救世主,真係唔稀罕!」(圖片來源:Facebook@酒店Secret)
投訴業界人士嫌回覆工序麻煩外,收到酒店回覆後「唔滿意就下下要人call back」,更比喻:「六合彩唔中頭彩,投訴叫賽馬會要解釋?」斥責:「唔好以為嚟住酒店就係救世主,真係唔稀罕!」(圖片來源:facebook@酒店Secret)

有酒店業界人士回應該帖文,指教人寫「賞你住」電郵範本好「白癡」,認為內文不應該「寫埋咁多廢話」,認為「講咁多話『會令自己好失望』,即係畀緊壓力對方……每一句都係有骨迫對方做嘢」,將網上流傳的申請電郵範本鬧得一文不值!

(圖片來源:Facebook@酒店Secret)
(圖片來源:facebook@酒店Secret)

究竟這封電郵範本出自誰人呢?旅遊KOL里先生迅速出回應衝出來承認是出自他手筆,並長文分享心底話,表示自己撰寫電郵範本的原意是希望方便讀者,亦希望酒店員工看到標準格式及資料,可以減少錯漏完成預訂,及早收工。

里先生表示理解酒店業界苦況,呼籲讀者「唔好做西客,請放過酒店」。(圖片來源:Facebook@里先生)
里先生表示理解酒店業界苦況,呼籲讀者「唔好做西客,請放過酒店」。(圖片來源:facebook@里先生)

至於被酒店業界投訴詬病的「R著數」理由,里先生解釋指:「我一直強調輕鬆啲,有就有冇就算,所以先寫啲我認為係笑話嘅reason。」並呼籲讀者不應該濫用該範本,要求酒店員工提供服務。

(圖片來源:Facebook@里先生)
(圖片來源:facebook@里先生)

早前,亦有另一酒店業界人士於「酒店Sercet」投稿,鬧個個申請港人都使用似出自里先生手筆的電郵範本,似乎看到這封電郵都已經相當忟憎!

(圖片來源:Facebook@酒店Secret)
(圖片來源:facebook@酒店Secret)