管理層搵工被HR臨時收回OFFER 原因竟為一個訊息：係咪傻㗎！
事主指自己在搵工途中接獲兩間公司給予Offer，A公司當時透過電話給予offer並雙方已傾好薪金、工作時間，但未有談及有薪年假的詳細資料。當時事主問A公司相關資料時，對方指要check一check再回覆。事主表示無問題，亦告知對方自己亦有面見其他工作，要下星期一才能有答覆，對方亦同意。 同日事主亦收到公司B嘅offer。雖然滿意A公司開出的薪金，但公司福利近乎零。比較之下，B公離家比較遠，而且有機會OT，所以最後仍然選擇公司A。
未簽約已為A公司推倒B公司Offer 火爆對話公開
不過樓主接受A公司offer之際，未有確認AL數目便confirm公司A accept offer，同時推掉公司B，然後就發生以下對話：
事主：您希望我在入職當天先簽合約嗎？
A公司：有薪年假是 10 天，最多累積到14 天（每年 1 天）在首日返工簽合約，對年假有什麼顧慮嗎？
事主：嗯…沒什麼顧慮。 非常感謝你。
A公司：老實說，你的反應令我擔心，福利是你選擇工作的首要條件。 如果是，我會說這家公司不適合你
事主：不用擔心， 我接受你的offer。
A公司：對不起，考慮找一個穩定的員工是我的首要任務，你的反應真的讓我感覺不舒服，很抱歉我需要收回我給你的offer。
事主：但我已經拒絕了另一個offer
網民：間公司真係有問題
警世文一出，隨即引起網民熱烈討論。有網民認為A公司收回offer的做法極有問題。同時安慰事主雖然轉工計劃被打亂，但可能「塞翁失馬」，成功避開兩份伏工。 「一個反應就話收返個offer，你in嗰陣唔係評估晒性格、資歷呀各樣咩？」 「唔睇benefit，唔通同你講心，呢啲公司唔做都罷。」 「返工前問清楚成個package 好正常。」
網民：你咁嘅態度 好難請你喎
同時有網民質疑事主主與A公司溝通時，不時使用表情符號而且語氣輕佻，因此公司有顧慮亦不足為奇。 「老老實實好似樓主咁覆，如果係我請人都會諗下先。」 「你地兩個都有問題，你問題係d語氣唔太有禮貌，佢問題就梗係咁小事就收左你offer la,不過斷估只係借口，應該係有第二個人更加適合你。」
網民大談正確收Offer做法
01.正常Annual leave Offer
有網民表示事主如果是管理層應該不會止於10日，至少會 14日至最多20日。而普通員工福利則約10日，不過如果有更好選擇也會偏向於12日年假。
02.永遠簽約後才叫定局
有網民分享在求職路上永遠都要求白紙黑字證明，所以未簽約前公司亦可以有變數。不過如果公司要反悔其實簽約後, 上班第一個月都可以1日通知。
03.面試期間態度要擺正
雖然大家都會知道求職會同時面試好幾間公司，但切忌不要大談自己還有其他offer, 告訴僱主等待自己答覆。
原文刊於：《經濟一週》