超市遇熱情男童不停打招呼
該名事主日前在Facebook群組「生仔要考牌系列」中分享奇聞，指日前在超市排隊時遇到一對父子，當時家長正手抱著男童，排在事主前面。由於人流多，等待時間也長，男童便開始跟事主打招呼，不停地「say hello」，事主稱「我禮貌回應咗 Hello，跟住隔咗5分鐘後，佢又同我say hello，我又再禮貌講多次hello」。
一個舉動試圖終結「Hello」攻勢
兩人互相打招呼持續了一段時間，原本都相安無事，但10分鐘後仍未到收銀處，男童再次不休止地 Hello，事主開始感到厭煩，為了迴避與男童眼神接觸，他決定低頭玩手機假裝聽不到，怎料男童見狀，不但沒有停止，反而使出連番「Hello」攻勢，「佢又係咁講：hello、hello、 hello」。事主見方法無效，索性大聲地回覆「HELLO，小朋友！」，令其家長及其他人都聽到他的回覆，藉此希望「佢唔使再同我打招呼」。
正當事主天真地以為事件已經順利解決時，男童再次發功，事主忍無可忍，「唯有帶埋耳機扮聽唔到。小朋友就係咁hello, hello, hello……hello咗30分鐘，但佢父母係完全無阻止或勸喻」。過程中，事主惟有忍耐，直到完成付款後馬上離開。
停車場再次相遇反遭港爸怒斥
事主其後到停車場取車，以為終於脫離了「Hello」聲，怎料男童家庭再度出現「小朋友就改由 hello 變 bye-bye」，而再次碰面時，男童父親竟突然怒斥「小朋友 hello 又唔應，講 bye-bye 都唔應，使唔使咁無禮貌啊」，事主當場呆掉不知如何反應，自覺自己已經有禮地回應多次，但男童「成部複讀機咁係咁重覆，唔係個個都要覺得咁樣係可愛㗎」，事主雖然沒反駁半句，但他內心仍覺得「Hello男童」很煩。
事主遭惡意報復
更過分的是，惡爸後續竟用「賤招」報復，他在駕車離開時，故意逆線兜圈在事主車前急停，事主稱幸好當時車速較慢，才沒釀成意外，但狠批惡爸「咁嘅行為真係好危險同好低EQ」，十足「小學雞」，又指港爸做法無恥兼罔顧兒子安全，「車住個仔都仲做啲咁嘅嘢，係咪想害死自己個仔」。
網民:生仔要考牌
帖文一出引起熱烈討論，大部分人認為又是一個「生仔要考牌」的經典例子，認為作人父母的有責任教導孩子，又指今次事件中錯的並非男童，而是家長應該要「喺個仔重複嘅時候截停」，以身作則；也有網民指惡意報復相當過分，更港男提議公開車Cam片，直斥「好恐怖的爸爸」、「個老豆以為自己係國王，生左個皇子出嚟」。
網民留言:
