Carousell真係特別多西客?日前一名賣家被一名自稱低收入的買家壓價26折,打算購買一架全新名牌BB車。被賣家拒絕的他更極厚面皮鍥而不捨地壓價,令賣家忍不住爆seed鬧爆他!事件更在網上引起熱議不少網民都忍不住恥笑西客無理而且無禮的講價行為。

Carousell西客欲以26折價錢買全新名牌BB車

日前一名作為賣家的網民於「Carousell 乞衣+西客關注組」帶圖發文,無奈地講述在二手買賣App Carousell內發生的一件事件。事緣她於Carousell出售一架來自法國著名品牌Yoyo babyzen全新未拆箱的多功能嬰兒車,而她的轉售價為$3,080,比起原價$3,500 – $4,500的BB車要便宜不少。

Carousell西客 低收入 事緣她於Carousell出售一架來自法國著名品牌Yoyo babyzen全新未拆箱的多功能嬰兒車,而她的轉售價為$3,080
事緣她於Carousell出售一架來自法國著名品牌Yoyo babyzen全新未拆箱的多功能嬰兒車,而她的轉售價為$3,080(圖片來源:Carousell官網圖片)

而星期日就有一名買家聯絡她,買家開價$800,企圖以標價的26折購買貴價BB車,更標明自己是低收入家庭及「俾BB用」,希望她可以接受$800的出價。不過見到如此無理的講價,事主似乎一開始都懶得理會。不過因為對方見她沒有回應,便在半日後再次聯絡她,希望她接受出價。而事主亦向買家直言「咁你考慮下二手車」打算終結對話。

Carousell西客 低收入 星期日就有一名買家聯絡她,買家開價$800,企圖以標價的26折購買貴價BB車,更標明自己是低收入家庭及「俾BB用」,希望她可以接受$800的出價
星期日就有一名買家聯絡她,買家開價$800,企圖以標價的26折購買貴價BB車,更標明自己是低收入家庭及「俾BB用」,希望她可以接受$800的出價(圖片來源:BABYZEN官網圖片)

但厚臉皮的買家卻鍥而不捨地希望她可以平讓BB車,並「大發慈悲地」加價$200, 出價$1,000企圖購買BB車。想當然爾,她是絕不會接受出價,並語帶無奈地表示:「$1,000二手都買唔到,你覺得ok?請尊重自己。低收入可以買平價BB車,無必要買貴嘢用。」

Carousell西客 低收入 事主語帶無奈地表示:「$1,000二手都買唔到,你覺得ok?請尊重自己。低收入可以買平價BB車,無必要買貴嘢用。」
事主語帶無奈地表示:「$1,000二手都買唔到,你覺得ok?請尊重自己。低收入可以買平價BB車,無必要買貴嘢用。」(圖片來源:TVB《愛回家之開心速遞》截圖)

反問是否商家企圖壓價購買 事主一句爆seed K.O

原以為可以令對方打消念頭的她,沒想到是「少年你太天真了」!買家再次回覆「你是商家?」想指她並不是品牌方不應以高價出售BB車。而她亦再次無奈地回覆到:「我並唔係商家,但無責任照顧你哋低收入家庭。」然後更直接「爆seed」回應對方:「你搵錯地方,你要搵嘅係社會福利署。」一句K.O對方。最後她也忍不住向無奈地表示:「唔平賣就話我係商家……」

Carousell西客 低收入 事主直接「爆seed」回應對方:「你搵錯地方,你要搵嘅係社會福利署。」
事主直接「爆seed」回應對方:「你搵錯地方,你要搵嘅係社會福利署。」(圖片來源:領展官網圖片)

網民集體恥笑:不如講埋自己係乞衣啦!

事件公開後,隨即引來大批網民熱議!不少人都恥笑買家的無理而且無禮的講價行為:「低收入又生又要用貴嘢,仲要串過馬L」、「好多西客都鍾意扮學生、扮孝子、扮傷殘、扮低收入家庭,不如一開始直接講:我勁cheap的/我係收買佬/我係正宗乞衣,平啲得唔得?咁樣聽到你講價條氣會順啲」、「低收入家庭買豪宅應該叫發展商一折賣俾佢、又睇吓得唔得。感覺運桔裝窮的人真多。」

同時亦有網民嘲笑買家言論中奇怪的地方:「BB車梗係俾BB用,唔通俾佢老豆用咩!」更有同為賣家的網民公開疑似同一名買家講價的截圖,內容同樣過份,可見是名慣犯!

Carousell西客 低收入 更有同為賣家的網民公開疑似同一名買家講價的截圖,內容同樣過份,可見是名慣犯!
更有同為賣家的網民公開疑似同一名買家講價的截圖,內容同樣過份,可見是名慣犯!(圖片來源:Facebook@Carousell 乞衣+西客關注組)

一日後後續更新 厚面皮買家繼續死雞撐飯蓋!

事後買家發現自己被post上Facebook群組並被不少網民轉載,就先更改用戶名稱,後再次聯絡事主,並直指「有人話你放咗啲對話上網?我開價錢,你唔賣咪算囉!」事主亦不甘示弱,直言「有人定你自己見到?我講嘅全部都係事實,我唔肯平賣就問我係咪商家!」對方反駁到:「我見你係全新,咪問你係咪商家都好正常呀?如果係商家我唔問啦(指講價)!」

後續被公開後再次引來網民恥笑,有醒目網民指出買家問她身份的真正目的:「即係商家佢就知冇得講價,唔係商家就覺得應該3折,最好免費。」而事主亦回覆到:「以佢咁講應該係咁啦!唔係商家就係善堂!」

Carousell西客 低收入 後續被公開後再次引來網民恥笑
後續被公開後再次引來網民恥笑(圖片來源:TVB《愛回家之開心速遞》截圖)

圖片來源:Carousell官網圖片、BABYZEN官網圖片、TVB《愛回家之開心速遞》截圖、領展官網圖片、Facebook@Carousell 乞衣+西客關注組