arhoTV承諾退款及道歉 被揭發疑似自己開新ac扮支持者帶風向
日前「arhoTV」在呃錢事件後終於上水，上載新片「公告」向網民坦誠錯誤，指自己「經過多月來的反省和檢討」，「希望可以正視自己的問題，為我們做了的錯事，實在地承擔應有的責任。」他們宣佈會退款給「對我們感到失望和失去信任的大家」，並會以「港幣現金價回收arhoTV這麼多年來自己推出的產品。」
Sunny 更承諾會在2022年11月14日至2022年11月20日，下午1時至晚上11時於地點太子荔枝角道149號地舖，親身在現場處理退款事宜，更會「親口跟大家道歉」，同時亦表示「我們也會汲取今次教訓，將來會做得更好」，態度相當誠懇。
不過影片下方的留言就被網民揭發Sunny疑似自己開新Account扮支持者帶風向，留言「貨就唔退，希望你哋繼續努力拍片，繼續支持你哋，加油！」選擇不退錢來營造有人支持的假象，而該帳號當時更被發現僅新加入22分鐘。
arhoTV工作人員兇退款人：點呀！有咩幫到你呀？！
但日前網媒「蛋蛋俱樂部」台長到arhoTV退錢現場時直擊到一名家長退錢時被arhoTV的工作人員不禮貌對待。該名家長當時正在排隊等待退款時，有一名工作人員突然語氣不善地兇該名家長：「點呀！有咩幫到你呀？！」家長聞言就語帶怒氣地回覆到：「我排緊隊，咩叫『有咩幫到你？』，咁多人排隊，你哋快少少咪幫到我哋囉！仲要閂埋門退款！」
豈料工作人員竟怒氣沖沖地回覆到：「我哋要保障客人私隱㗎！」面對工作人員回覆，家長反駁到：「我哋年宵排幾個鐘買嘢唔閂門唔講私隱？依家退款嚟同我哋講閂門講私隱？」
arhoTV以各種理由拒絕退款 家長嬲爆大鬧推卸責任
另外亦有另一位家長在退款時被一名疑似會計的四眼戴帽男工作人員起爭執。在「公告」影片中Sunny提及到將會以原價收回產品，但該名家長與小朋友攜「日新百鬼城硅藻土吸水墊」到場辦理退款時，工作人員卻以沒有盒及包裝欲拒絕退款。而家長指出吸水墊毫無吸水功能，對方卻官腔地反將責任推卸到生產商身上，此舉激怒了家長大鬧幾人不負責任，感到極度失望，同時更強烈要求退款。
成功退款後家長亦離開了現場，但在旁拍攝的「蛋蛋俱樂部」台長卻被四眼戴帽男工作人員上前質問，剛才被家長大鬧的他將怒氣發洩於台長身上，令不少網民都大嘆arhoTV「公關災難巨大化」！
網民怒轟： 退款退到好似佢哋咁7都係第一次見！
不少網民看完影片後，都一面倒直指他們這場退款大會「唔搞好過搞」，恥笑他們再次為自己製造公關災難：「兩條友咁低智，搞退錢講sorry，搞到咁……手提電腦唔L拎，手抄落去做record，退錢又唔講rules，要去到食海鮮價，愈做愈X，執X咗佢算啦！」、「件嘢唔係佢地生產所以有問題唔關佢地事？我想問有邊L件嘢係你哋生產？你哋件件嘢都淘寶買、淘寶生產，咁即係冇野係關你哋事啦？」
$unny同Creamy當初諗住搞呢個退款嘅安排，
係想搞場show，諗住會有好多人好墟冚咁嚟退錢，
再乘機搵人嚟拍v啲short然後出片做復出第一炮，
點知乜嘢細節乜嘢退貨情況點樣應對都唔諗清楚，
求其搵間地舖仔再叫啲職員手抄啲record落去（帶部laptop去真係咁難咩？）
結果搞到原本想拆嘅炸彈又再爆多次！
即睇原片（由01：49：29開始）
延伸閱讀：大J嘲Sunny連中文都唔識寫 退款單錯漏百出 網民大爆連錢都退唔足！
延伸閱讀：YouTuber Sunny被指呃錢潛水 終現身道歉兼退錢 網民再踢爆開假帳號扮盲粉
arhoTV被揭發疑似自己扮支持者？
arhoTV日前上水道歉及承諾退款，不過影片留言就被網民揭發Sunny疑似自己開新Account扮支持者帶風向，該帳號當時更被發現…詳情請看
arhoTV工作人員點樣兇退款人？
日前網媒「蛋蛋俱樂部」台長到arhoTV退錢現場時直擊到一名家長退錢時被arhoTV的工作人員不禮貌對待。該名家長當時正在排隊等待退款時，有一名工作人員突然語氣不善地兇該名家長，表示…詳情請看