事主用Agoda預約酒店使用「延後付款」功能 最後竟收多20%！
最近，網民在討論區以「用Agoda延後付款要小心」為題分享在Agoda的訂房經歷，並提醒用戶在使用Agoda的「延後付款」功能時，要小心當中的交易細節。他透過在4月初時以延後付款方式預訂了11月底的日本酒店。然而事主就發現最後支付的金額居然與訂單確認信中顯示的日元價格相差甚遠，他表示：「以琴日嘅Bloomberg匯率計多成20%，令我懷疑佢究竟有冇跟條款列明嘅匯率去兌換」於是聯繫了線上客服查詢事件。
雙重匯率轉換令酒店房價「加價」事主：佢唔會咁筍去益你！
原來在「延後付款」中的條例中，列明會額外收取5%手續費，當中更會把日元轉換為美元，然後再轉換為港元結算，文中提及：「佢嗰種先由日元轉美金再轉港紙嘅計法，會以一種佢實賺嘅方式去向你收錢，而當你以為會受益於呢幾個月日元匯率下跌嘅時候，佢又唔會咁筍去益你，反之yen升你就要硬食差價」事主分享如在確認書中見到一項關於匯率的英文，就代表已經中招，因此應該搵真人線上客服處理事件。
事主勁蝕$1500港元 好心提醒：用Agoda延後付款要小心！
事主表示這作為消費者有責任要看清楚條款：「但Agoda唔會係預訂過程中清楚提示消費者，有啲人從來唔對信用卡賬單，連扣多咗都唔知」因此提醒網民盡量優先選擇「到店付款」其次為「立即付款」最後才選擇「延後付款」，假如真的要使用「延後付款」，可以使用外幣卡並以酒店相同的貨幣付款：「咁Agoda就唔使做雙重轉換，亦唔會出現隨之而生嘅5%手續費同匯率變動風險」最後事主表示自己預約的酒店貴了$1500港元：「就算依家退返5%手續費，都仲蝕緊1100幾嘅匯率差價」。
帖文引起不少網民討論，大家紛紛表示：「而家已經習慣咗喺agoda呢d網搵酒店，然後直接去間酒店網book」、「前排去泰國中過伏，明明間野5-600蚊價位，揀延後付款最後佢收咗我800一晚，完全唔知點嚟」、「佢就係捉住啲人行程未定、唔想咁快俾錢嘅心態，提供一個看似優惠你嘅選項，其實有好多背後嘅條款都唔會提醒你」、「見你班人第一次中招就可憐你退返俾你，有晒紀錄之後第二次肯定唔會咁好死」。
