BNO移民港人憂小學英文程度
日前，有一名移英3年的「90後」於Facebook「香港人移民英國資訊分享」發文，指自己英文水平是小學程度，未達到B1程度，因此擔心被逐離英國。
大家好，我係一位90後香港人用BNO Visa過到嚟英國已經三年，我嘅英文水平仲係小學程度，未達到B1程度，我好擔心以後攞永居或者入籍考唔過，英國政府會踢我回香港？
樓主又指，新聞報道提到香港有20幾萬人到英國後，「其中應該有好多都係唔識英文」，「但佢地想過嚟試吓英國嘅生活」，如果這些港人未能通過英文試會否浪費「5+1年」時間，於是向網民請教有無其他辦法。
我睇新聞話香港有20幾萬人，過咗嚟英國咁其中應該有好多都係唔識英文，但距地想過嚟試吓英國嘅生活，咁如果呢一班人如未通過英文試，咪浪費左5+1年時間，咪焗住返香港？係咪冇其他辦法？
網民勸盡快學英文
帖文一出隨即引起熱議，有網民稱即使B1考試不合格都不會被逐出英國，但大部分人勻勸事主盡快學好英文，始終移居海外，學懂英文亦便利於日常生活。
- 「老實講，五年時間由零學過，小一都升到上小五，自己都唔操唔練，日常生活英文都唔勇於去嘗試溝通，咁無人會幫到你，咁難怪英國政府會唔收㗎喎。」
- 「睇你一開波就話自己唔識英文點點點，你根本就唔想去改變，唔去諗方法點練好英文。」
- 「邊有人一出世就流利英文呀，每個人都係學㗎咋嘛，唔識咪去學囉！」
- 「人哋英文唔好都夠膽出走英國，剩係呢份勇氣都值得尊重啦！」
- 「我都90後，會考英文U都未驚過」
- 「政策係visa無限續嘅，所以唔會踢到你走，除非你visa過咗期先續或申請ILR。」
- 「我都係小學程度，我半年前裝apps去學英文，每天同AI講10分鐘英文。」
- 「考唔成英文唔會趕你返香港嘅，不過要再續BNO VISA直至你考到為止。」
- 「我英文都好差，我都未驚，只要肯行出第一步，同本地人溝通，唔怕醜夠膽講，冇乜嘢可以驚。」
英國入籍試英語程度
只要申請人是18歲或以上，要申請入籍英國或永居，就要展示英語能力。證明方法是取得英語B1, B2, C1或C2 Level的資格；又或在英語國家取得全英文授課的本科或本科以上學位。
如申請者已65歲或以上，又或長期身體或精神有問題並獲醫生開出豁免證明，英語能力證明要求便可豁免。
Life in the UK 考試包含24個問題，涉及英國價值觀，歷史，傳統和日常生活等主題。考試總長45分鐘，考生需要在45分鐘內答24道題，考生必須答對至少75%，即18題，才算是合格。
