港男8號風球搭的士答應加價$105 到埗後用1奸招逼收原價遭鬧爆

颱風小犬威力比預想中強勁，天文台更於8日下午6時45分左右宣布晚上7時改發9號風球，殺市民一個措手不及。港鐵7時正即時停駛，大批放工市民急忙找的士回家，惟不少人指的士「趁機打劫」，要求額外加車費最少$1,500，令不少人「嬲到唔搭」。而有港男幸運地趕到改發9號風球前搭的士，當時司機指額外加$105，到埗後港男憑1招成功逼令司機按錶收費，更在網上「教學」，惟令一班網民唔撐反鬧！

港男8號風球搭的士答應加價$105 8號風球的士 — （圖片來源：Unsplash＠K8）

港男8號風球搭的士被要求加$105附加費　落車前用1招逼按錶收費

港男於自己的Instagram中表示，自己在預約車的平台上Call的士，對方當時指「全部車都要加$150」，當時他稱「OK」但其實自己心有預算，一早已準備拒付。港男一上車已看到錶位有一位置顯示$105，當時並沒有發聲，然後司機直接車他到目的地。到目的地後，他即扮無知問司機：「右邊個105係咩嚟，點解要200幾」，司機即表示「而家全部都係咁加價」。

港男8號風球搭的士答應加價$105 8號風球的士昨日打風，的士一車難求 — 昨日打風，的士一車難求（圖片來源：讀者提供）

港男到埗即扮無知　司機被逼收取原價

港男聽罷即表示這是違法行為，司機即回應指「咁我唔收錢，車返你返去」，港男不甘示弱，繼續追問「所以你咁樣係拒載」，然後即時跳下車再道：「你而家收定唔收，我只會按錶上價錢付費」，結果的士司機便收下車費，最後更補充一句：「又幫香港的士司機上咗課」。

港男8號風球搭的士答應加價$105 8號風球的士港男自豪在網上分享成功秘訣 — 港男自豪在網上分享成功秘訣（圖片來源：Instagram）

網民：真係無恥至極！

不過一眾網民看到分享後紛紛鬧爆，指「司機都要搵命博，加少少係正常，咁都要屈？」、「其實咁做真係無恥至極」、「仲要沾沾自喜？司機今次慘到爆」、「今次真係撐唔落」、「下？其實淨加百幾蚊算係咁啦，人地話晒都冒險車你」、「打風期間多給一些貼士是應該的，也不應太過份」、「睇呢單嘢就知你人格，無賴」、「今次撐司機」。